Kultur, Vinje kommune

Vinje

Anders Sandvik

kommunalsjef oppvekst

<p>Vil DU vere med å vidareutvikle ein god læringsarena for barn og unge i Vinje?</p><p>På Åmot skule treng me ein inspirerande og tydeleg rektor som vil leie arbeidet med å vidareutvikle ein god læringsarena og eit sterkt profesjonelt læringsfellesskap.</p><p>Me har ledig 100 % fast stilling som rektor ved Åmot skule, frå 01.01.2026 eller snarast. Åmot skule ligg i kommunesenteret i Vinje. Me har flott natur med fjellområde, og gode kultur- og friluftslivstilbod.</p><p>Åmot skule er ein 1-10 skule, med om lag 160 elevar og 40 tilsette. Me har gode skulebygg og idrettsanlegg med symjehall i umiddelbar nærleik. Alle skular og barnehagar i Vinje kommune er organisert under tenesteområdet oppvekst. Vinjeskulen samarbeider nært og godt under visjonen «positive opplevingar og personleg framgang» med livsmeistring som mål.</p><p>Elevane i VInje får servert gratis skulemat kvar dag. Me er med på &#34;Liv og røre&#34; og jobbar målretta med inkludering og godt skulemiljø. Saman med resten av Vinje oppvekst er skulen også med på Læringsmiljøprosjektet pulje 9, i regi av UDIR. Åmot skule har også ansvaret for vaksenopplæringstilbodet for minoritetsspråklege i kommunen.</p><p>Som leiar må du vere tydeleg på mål og forventingar. Du må kunne skape gode relasjonar til elevar, tilsette, føresette og andre kompetansemiljø i og utanfor kommunen. Rektor har delegert økonomi-, budsjett- og personalansvar, og rapporterer til assisterande kommunedirektør, som er oppvekstansvarleg i kommunen.</p><h3>Arbeidsoppgåver</h3><ul><li>Leiing av lærings- og utviklingsarbeid i tråd med opplæringslova og Vinje kommunes overordna planer</li><li>Personalleiing og arbeidsmiljøutvikling (HMS)</li><li>Forvalting og kvalitetsutvikling</li><li>Fullt ansvar for økonomistyring og resultatkontroll, delegert frå kommunedirektør med støtte frå kommunalsjef og økonomiavdeling</li><li>Samspel med elevar, foreldre, andre fagsektorar og nærmiljø</li><li>Tverrfagleg samarbeid om barn og unges oppvekst på tvers av heile oppvekst- og utdanningsområdet</li><li>Deltaking i samarbeidet om å utvikle Vinje oppvekst i kommunens leiargruppe</li></ul><h3>Kvalifikasjonar</h3><ul><li>Pedagogisk utdanning på høgskule- / universitetsnivå</li><li>Ynskjeleg med leiarerfaring og relevant leiarutdanning eller vilje til å ta leiarutdanning i nærmaste framtid</li><li>Opplæringslovas krav og forskrifter om forsvarleg fagleg, pedagogisk og administrativ kompetanse må vere oppfylt</li></ul><h3>Personlege eigenskapar</h3><ul><li>Du må vere ein nærverande leiar med god relasjonskompetanse som gjev god støtte og stiller fornuftig høge krav</li><li>Du må ha evne til å jobbe strategisk og langsiktig med gjennomføringskraft, innan blant anna inkluderande skulemiljø, ny opplæringslov og fagplanar</li><li>Du må kunne motivere og inspirere til utvikling for både medarbeidarar og skulen som organisasjon og profesjonelt læringsfellesskap</li><li>Du må vere strukturert og målretta og vere god på kommunikasjon og samarbeid med kollegaer, elevar, foreldre, fagforeiningar og ulike leiarnivå i kommunen</li><li>Du må kunne sikre god informasjonsflyt internt og eksternt, og legge til rette for god medverknad</li><li>Du må kunne tileigne deg, og nytte erfarings- og forskingsbasert kunnskap</li></ul><p>Me legg vekt på personlege eigenskapar og evne til samarbeid ved tilsetjing.</p><h3>Me tilbyr</h3><ul><li>Du får vere med på å utforme og vidareutvikle det samla grunnskuletilbodet i Vinje kommune</li><li>Du får ta del i mentorordning, leiarutviklingsprogram og nettverk/skuleleiarmøte med andre skular i kommunen og nabokommunane</li><li>Du får høve til å ta nyttig tilleggsutdanning og kompetansegjevande kurs</li><li>Du får meiningsfulle og utfordrande arbeidsoppgåver</li><li>Du får hjelp av gode støttefunksjonar innan økonomi og personal</li><li>Du får gode forsikrings- og pensjonsordningar</li><li>Du får hjelp til å skaffe husvære</li><li>Gode lokalsamfunn med eit rikt kulturliv</li><li>Aktivitetskortordning med gåvekort, og mogelegheit for å vinne flotte premiar</li><li>Løn: kr 982 000,-</li></ul><p>I Vinje kommune er det offisielle styringsmålet nynorsk. Alle tilsette pliktar å nytte nynorsk skriftspråk i tenesta. <br />I samsvar med offentleglova § 25 kan namn på søkjarane offentleggjerast.</p><p>Vinje kommune er oppteken av mangfald, og ynskjer at tilsette i kommunen reflekterer mangfaldet i lokalsamfunnet. Me oppmodar alle kvalifiserte kandidatar til å søkje uansett alder, kjønn, funksjonsevne eller kulturell bakgrunn.</p><p>Ved tilsetjing blir det stilt krav om politiattest, jf. opplæringslova §17-11. Attesten skal ikkje vera eldre enn 3 månader og skal ikkje leverast med søknaden<br />Aktuelle søkjarar vil bli kalla inn til intervju. Lever kopi av vitnemål og attestar i samband med intervjuet</p><h3>Kontaktinformasjon</h3><p>Anders Sandvik, kommunalsjef oppvekst, 95407593, anders.sandvik&#64;vinje.kommune.no</p><h3>Arbeidsstad</h3><p>Raulandsvegen 58<br />3890 Vinje</p><h3>Nøkkelinformasjon:</h3><p>Arbeidsgivar: Vinje kommune<br /> <br />Referansenr.: 5037774249<br />Stillingsprosent: 100%<br />Fast<br />Startdato: 02.01.2026<br />Sluttdato: 31.12.2035<br />Søknadsfrist: 19.11.2025</p>

Rektor Åmot skule - 100 % fast