Kriminalomsorgsdirektoratet

Breistein

<h2>Om stillinga</h2><p>Bjørgvin fengsel søkjer miljøterapeut til 3 faste stilling frå snarast. Stillinga er for tida plassert på Ungdomseininga Vest. Stillinga er med turnusarbeid.</p><p>Miljøterapeuten skal ha evne til tryggleikstenking, grensesetjing og konfliktløysing og i tillegg vere ein samtalepartnar, kontaktbetjent, rollemodell og rettleiar for dei innsette, og delta i målretta progresjonsarbeid med innsette. Ein miljøterapeut skal ha evne til å drive miljøretta arbeid og motivere innsette.</p><p>Kriminalomsorgen region vest har etablert eit sonings- og varetektstilbod til born under 18 år i Bjørgvin fengsel. Tilbodet byggjer på eit tverretatleg samarbeid og tar sikte på eit intensivt endringsarbeid, slik at mest mogleg av straffegjennomføringa kan skje utanfor fengsel.</p><p>Tiltaket er eit samarbeidsprosjekt mellom ulike etatar som barnevern, psykisk helsevern, utdanning/opplæring og kommunal tenesteyting. I kraft av å vere eit nasjonalt prosjekt, inkluderer innsettgruppa ungdommar frå heile landet. Det må difor påreknast noko reiseverksemd.</p><br /><h2>Arbeidsoppgåver</h2><ul><li>daglege oppgåver i forhold til unge innsette</li><li>strukturet endringsarbeid etter miljøterapeutiske prinsipper</li><li>andre rutinemessige oppgåver</li><li>vere ein aktiv medspelar i utviklinga av det faglege og tryggleiksarbeidet ved avdeling</li><li>motivera dei innsette</li></ul><p>Den som blir tilsett, må rekne med endringar i ansvars- og arbeidsområde.</p><br /><h2>Utdanning og erfaring</h2><p><strong>Du må ha</strong></p><ul><li>utdanning frå høgskule/universitet på bachelornivå (fortrinnsvis utdanning innan helse/sosialfagleg retning)</li><li>minimum eit års erfaring frå miljøterapeutisk arbeid og/eller erfaring frå arbeid i fengsel</li><li>erfaring frå arbeid på institusjon vert vektlagt</li><li>god munnleg og skriftleg framstillingsevne</li><li>god kunnskap og erfaring i bruk av IKT - system eller verktøy</li><li>førarkort klasse B</li><li>gode norskkunnskapar</li><li>Du må oppfylla dei fysiske funksjonskrava som gjeld for opptak ved Høgskolen og utdanningssenteret for kriminalomsorga KRUS. Meir info om krava finn du her: www.krus.no/opptakskrav. Det vil bli gjennomført fysiske funksjonstestar som må beståast.</li></ul><p><strong>Det er ønskjeleg at du har</strong></p><ul><li>det er ein fordel med erfaring frå arbeid med born og unge</li><li>interesse og engasjement vert også vektlagt</li></ul><br /><h2>Personlege eigenskapar</h2><ul><li>gode kommunikasjons- og samarbeidsevner</li><li>har evne og vilje til å drive påverknadsarbeid ovanfor unge innsette</li><li>har evne til tryggleikstenking, grensesetjing, og å vere ein samtalepartnar og rollemodell for dei innsette</li><li>er mål- og resultatorientert</li><li>har evne til å arbeide sjølvstendig og systematisk</li><li>interesse for og erfaring i miljøarbeid</li><li>evne og vilje til å delta på aktivitetar med ungdom utanfor fengselet</li><li>evne til å vere uthaldande i periodar med ustabilitet i avdelinga</li><li><p>personleg eignaheit vert vektlagt</p></li></ul><br /><h2>Vi tilbyr</h2><ul><li>Meiningsfulle oppgåver i ein etat med eit viktig samfunnsoppdrag</li><li>Gode pensjons-, forsikrings- og låneordningar i Statens pensjonskasse.</li><li>Fagleg utfordrande og spennande arbeidsoppgåver</li><li>Trening i arbeidstida</li><li>Gratis parkering </li><li>Ladepunkt for el-bil parkering </li><li>stillinga blir lønt som 1201miljøterapeut med årslønn fra kr 476 000-600 000<strong>, </strong>avhengig av kvalifikasjoner, samt gode tillegg for ubekvem arbeidstid. Det blir trekt 2 % innskot til Statens pensjonskasse</li></ul><br /><h2>Generell informasjon</h2><p>Tilsette sine haldningar og verdiar skal vere i tråd med kriminalomsorga sitt verdisyn. </p><p>Våre verdiar er: Openheit, tryggleik og nytenking.</p><p>Det må ikkje vere noko å utsetje på vandelen til den som blir tilsett. Dette må dokumenterast med ein uttømmande politiattest før tilsetjing.</p><p>Vi gjer merksam på at opplysningar om søkjarar kan bli offentleggjorde sjølv om søkjar har bede om å vere unnateke søkjarlista. Søkjar vil i så fall bli varsla om dette og gjeve høve til å trekkje søknaden.</p><p>Eit godt arbeidsmiljø er prega av mangfald, og vi oppmodar kvalifiserte søkjarar med ulik arbeids- og livserfaring til å søkje jobb hos oss. Kriminalomsorga arbeider for å realisere regjeringas inkluderingsdugnad om at 5% av alle nytilsetjingar i staten skal vere personar med nedsett funksjonsevne eller hòl i CV-en.</p> <p>Vi gjer merksam på at dersom søkjarane oppgjev at dei har nedsett funksjonsevne eller «hòl i CV-en» kan opplysinga nyttast til registreringføremål.</p><p>Prøvetida er 6 månader.</p><p>Den som blir tilsett, må rette seg etter organisasjonsmessige eller andre endringar som blir bestemte om arbeidsområdet. Det går for tida føre seg ein utgreiingsprosess i kriminalomsorga som kan medføre ei organisasjonsendring.</p><p>Nærare opplysningar om stillinga får du ved å vende deg til fengselsinspektør Arne M. Hægland tlf. 55251284</p><p>For spørsmål om elektronisk utfylling av CV kan Jobbnorge kontaktast på 75 54 22 20.</p><br />

Miljøterapeut Bjørgvin fengsel, Ungdomseining Vest.