Kompetansesenter For Distriktsutvikling

Leikanger

Steinar Fredheim

Fagdirektør

<h2>Om stillinga</h2>Distriktssenteret søkjer ein saksbehandlar som skal arbeide med støtteordningane i Merkur-programmet.Merkur-programmet er eit svært treffsikkert distriktspolitisk verkemiddel. Programmet gir økonomisk støtte og kompetansepåfyll til kring 560 nærbutikkar og 70 bokhandlar i Distrikts-Noreg. Dei siste åra har programmet bidratt til omfattande innovasjon. Distriktsbutikkane har gått frå å ligge etter til å vere drivarar i den teknologiske utviklinga.Stillinga har kontorstad på Leikanger i Sogndal. Du vil samarbeide med kolleger på alle dei tre kontora våre, i Sandnessjøen, Steinkjer og Leikanger. Som saksbehandlarar skal du sikre at støtte blir gitt til rett mottakar i samsvar med gjeldande reglar og prioriteringar. Gjennom rettleiing av butikkar og Merkur-konsulentar vil du vere med på å løfte kvaliteten på søknader og sikre god og effektiv behandling.Som saksbehandlar vil du jobbe mykje med: <ul><li>Sakshandsame søknadar om støtte og utbetalingsførespurnadar.</li><li>Gi råd og rettleiing til butikkane og Merkur-konsulentane.</li><li>Følge opp tilsegn om støtte.</li><li>Følge opp budsjett for Merkur-området</li><li>Etablere og følgje opp rutiner for saksbehandling og rapportering.</li></ul>Vi ser etter deg som<ul><li>har økonomi- og/eller jusutdanning, gjerne på bachelornivå. Erfaring kan erstatte formell utdanning.</li><li>har god skriftleg og munnleg framstillingsevne og eit bevisst forhold til klarspråk og beherskar begge målformer.</li><li>møter butikkar og konsulentar på ein trygg og kompetent måte.</li><li>er flink til å bruke digitale verktøy, gjerne Excel og Power BI, og har lett for å ta i bruk nye verktøy.</li></ul>Det er en fordel om du har erfaring med<ul><li>sakshandsaming og forvaltning av offentlege verkemiddel</li><li>rådgjeving</li><li>regionalforvaltning.no</li></ul>Personlige eigenskapar vi legg vekt på<ul><li>Du er løysingsorientert, strukturert, omgjengeleg og lett å kommunisere med.</li><li>Du har god vurderingsevne og evnar å sjå moglegheiter.</li><li>Du er sjølvstendig, men jobbar også godt saman med andre.</li></ul>Det er ein fordel om<ul><li>samfunnsoppdraget vårt engasjerer deg.</li><li>du kjenner deg att i verdiane våre – kompetent, engasjert og folkeleg.</li></ul> <h2>I Distriktssenteret får du</h2><ul><li>godt arbeidsmiljø med ein uformell tone og stor vilje til å skape resultat saman.</li><li>arbeidsoppgåver på eit felt prega av høg utviklingstakt og eit spanande samfunnsoppdrag.</li><li>varierte arbeidsoppgåver og hyppig bruk av moderne digitale verktøy.</li><li>fagleg utvikling, fleksibel arbeidstid og familievenleg personalpolitikk.</li><li>trening i arbeidstida.</li><li>medlemskap i Statens pensjonskasse, som er ei av landets beste pensjonsordningar.</li><li>konkurransedyktig løn.</li></ul> <h2>Meir om Merkur-programmet</h2>Målet med Merkur-programmet er å sikre innbyggarane i distrikta tilgang til ein nærliggande daglegvarebutikk med god kvalitet. Programmet arbeider for at nærbutikkane skal få tilleggstenester som aukar omsetninga, sikrar vidare drift og gir innbyggarane i lokalsamfunnet betre tenester. Merkur-programmet har både kompetanse og økonomisk støtte som verkemiddel. Ein viktig del av Merkur-programmet er våre 10 Merkur-konsulentar som følgjer opp butikkar i heile landet.Les meir om Merkur-programmet <a href="http://www.merkur-programmet.no" rel="nofollow">www.merkur-programmet.no</a> <h2>Gjør deg mer kjent med oss på distriktssenteret.no og merkur-programmet.no</h2>Dersom det er kvalifiserte kandidatar med funksjonsnedsetting, hòl i CV-en eller innvandrarbakgrunn, kallar vi inn minst éin søkjar i kvar gruppe til intervju. Dersom du ønskjer å reservere deg frå å bli ført opp i offentleg søkjarliste, må du forklare kvifor. Opplysningar om deg kan bli gjort offentleg sjølv om du har bede om å ikkje stå på søkjarlista. I så fall vil vi varsle deg først.

Allsidig og strukturert saksbehandlar