Kompetansesenter For Distriktsutvikling

Leikanger

Marianne T. Haugseth

administrasjonsdirektør

<h2>Som rådgjevar vil du jobbe mykje med å</h2><ul><li>Sakshandsame søknadar om støtte og utbetalingsførespurnadar.</li><li>Gi råd og rettleiing til butikkane og Merkur-konsulentane.</li><li>Følge opp tilsegn om støtte.</li><li>Følge opp budsjett for Merkur-området.</li><li>Etablere og følgje opp rutinar for saksbehandling og rapportering.</li><li>Avstemmings- og kontrolloppgåver.</li></ul>Vi ser etter deg som<ul><li>har økonomi- og/eller jusutdanning, minimum på bachelornivå. I særskilde tilfelle kan erfaring kompensere for utdanningskravet.</li><li>har minimum 3 års relevant erfaring.</li><li>er kjent med å bruke digitale verktøy, gjerne Excel og Power BI.</li><li>har god skriftleg og munnleg framstillingsevne og eit bevisst forhold til klarspråk og beherskar begge målformer.</li></ul>Personlege eigenskapar vi legg vekt på<ul><li>Du er nøyaktig og strukturert.</li><li>Du er løysingsorientert, omgjengeleg og lett å kommunisere med.</li><li>Du har god vurderingsevne og evnar å sjå moglegheiter.</li><li>Du er sjølvstendig, og jobbar godt saman med andre.</li><li>Du møter butikkar og konsulentar på ein trygg og kompetent måte.</li></ul>I Distriktssenteret får du<ul><li>konkurransedyktig løn</li><li>fleksibel arbeidstid og familievenleg personalpolitikk</li><li>godt arbeidsmiljø med ein uformell tone og stor vilje til å skape resultat saman.</li><li>fagleg utvikling, arbeidsoppgåver på eit felt prega av høg utviklingstakt og eit spanande samfunnsoppdrag.</li><li>trening i arbeidstida.</li><li>medlemskap i Statens pensjonskasse, som er ei av landets beste pensjonsordningar.</li></ul> <h2>Meir om Merkur-programmet og Distriktssenteret</h2>Målet med Merkur-programmet er å sikre innbyggarane i distrikta tilgang til ein nærliggande daglegvarebutikk med god kvalitet.Programmet arbeider for at nærbutikkane skal få tilleggstenester som aukar omsetninga, sikrar vidare drift og gir innbyggarane i lokalsamfunnet betre tenester. Merkur-programmet har både kompetanse og økonomisk støtte som verkemiddel. Ein viktig del av Merkur-programmet er våre 10 Merkur-konsulentar som følgjer opp 560 butikkar i heile landet.Distriktssenteret er ei offentleg verksemd som jobbar for å styrke kommunar og regionar sin evne til å utvikle attraktive og vekstkraftige lokalsamfunn.Bygdeutvikling gjennom butikkutvikling står sentralt i dette arbeidet, med Merkur-programmet som eit viktig verktøy.Vi er 28 tilsette fordelt på kontor i Sandnessjøen, Steinkjer og Leikanger og har heile Distrikts-Noreg som arbeidsområde.Gjer deg meir kjent med oss på <a href="https://distriktssenteret.no" rel="nofollow">distriktssenteret.no</a> og <a href="https://merkur-programmet.no" rel="nofollow">merkur-programmet.no</a>.Dersom det er kvalifiserte kandidatar med funksjonsnedsetting, hòl i CV-en eller innvandrarbakgrunn, kallar vi inn minst éin søkjar i kvar gruppe til intervju.Dersom du ønskjer å reservere deg frå å bli ført opp i offentleg søkjarliste, må du forklare kvifor. Opplysningar om deg kan bli gjort offentleg sjølv om du har bede om å ikkje stå på søkjarlista. I så fall vil vi varsle deg først.Tenkjer du at du er den rette for stillinga? Ikkje nøl med å sende ein søknad!

Rådgjevar