Kommunal- Og Distriktsdepartementet

Oslo

Emilia Handeland

Rekrutteringsrådgiver 

Ivar Tvede

Avdelingsdirektør

<h2>Om stillinga</h2>Kommunal- og distriktsdepartementet (KDD) søkjer ein førstekonsulent til eit spennande og unikt oppdrag i planavdelinga. Stillinga er mellombels, med varigheit fram til mai 2028, og gir moglegheit til å bidra i arbeidet med ei vidareutvikling av areal- og arkitekturpolitikken. Hos oss får du innsikt i politiske prosessar, moglegheit til å utvikle fagkompetansen din og moglegheit til å byggje eit breitt nettverk i departementet. Dette er ei stilling som passar særleg godt for deg som er tidleg i karrieren og ønskjer erfaring med politikkutforming, departementsarbeid og samspel mellom fag og politikk. I planavdelinga møter du eit positivt og inkluderande arbeidsmiljø med høg fagleg kvalitet og eit godt kollegialt fellesskap. Du vil få gode moglegheiter for fagleg og personleg utvikling.Du får ei sentral rolle i arbeidet som sekretær for prosjektleiaren for utviklingsarbeidet, som er tilsett i ei anna seksjon. Arbeidet inneber tett samarbeid internt i planavdelinga og med andre avdelingar, departement og underliggjande etatar. Stillinga inneber avgrensa pålagt overtid, men noko reiseverksemd kan førekomma.  <h2>Dette får du jobbe med</h2>Arbeidsoppgåvene dine vil i hovudsak vera å støtte prosjektleiaren gjennom sekretariatsarbeid, praktisk koordinering og administrative oppgåver. Du vil ha ansvar for å koordinere og leggja til rette for møte, mellom anna senda ut innkallingar og utarbeida referat, samt avklara og følgja opp møtetidspunkt med interne og eksterne aktørar. I tillegg vil du handtera administrative oppgåver som bestilling av reiser og annan støtte. Du vil òg kvalitetssikra tekst og faglege underlag, og bidra til god framdrift og oversikt i prosjektet.Avdelinga jobbar til ein kvar tid med ein stor mengde saker, så til tider kan ein måtte bidra til seksjonen og avdelinga si ordinære saksbehandling. I periodar der utviklingsarbeidet er mindre omfattande, vil arbeidsoppgåvene omfatta saker knytt til Kartverket, arealstatistikk og klimatilpassing.  <h2>Vi søkjer deg som har </h2>Nødvendige kvalifikasjonar<ul><li>Utdanning på masternivå innan samfunnsvitskaplege fag. I særskilde tilfelle kan relevant erfaring og solid kjennskap til fagområdet kompensera for manglande relevant mastergrad</li><li>Interesse for og forståing av arealpolitikk</li><li>Svært gode munnlege og skriftlege evner i norsk</li></ul>Ønskjelege kvalifikasjonar<ul><li>Kjennskap til, eller erfaring frå, offentleg forvaltning</li><li>God forståing for kva det vil seia å arbeida i eit departement</li><li>Erfaring med administrasjon og koordinering av prosjekt eller tilsvarande prosessar</li></ul>Personlege eigenskapar<ul><li>Høg arbeidskapasitet og sterk gjennomføringsevne</li><li>Stor ståpåvilje og evne til å ta ansvar for oppgåver som må løysast</li><li>Ryddig og strukturert arbeidsstil, med evne til å skapa og oppretthalde god oversikt </li><li>God evne til å ha overblikk over prosessar og sikre framdrift</li><li>Komfortabel med å handtera fleire oppgåver og prosessar samtidig, og god til å prioritera under press</li><li>Samarbeidsorientert og ein positiv bidragsytar til arbeidsmiljøet i seksjonen</li></ul>Vi vil leggja stor vekt på om du er personleg eigna for stillinga.Utdanning og erfaring må dokumenterast med CV, vitnemål og attestar. <h2>Vi tilbyr</h2>Vi ønskjer deg velkommen inn i eit arbeidsfellesskap med dyktige kollegaer som er stolte av jobben sin. Vi tilbyr:<ul><li>kompetanseutvikling i eit sterkt fagmiljø</li><li>fleksibel arbeidstid, betalt overtid og sommartid</li><li>arbeidsplass sentralt i Oslo sentrum</li><li>moglegheit for trening i arbeidstida</li><li>medlemskap i Statens pensjonskasse med gode låne-, forsikrings- og pensjonsordningar</li><li>eit aktivt sosialt miljø med mange tilbod til dei tilsette, eige bedriftsidrettslag og bedriftshelseteneste</li></ul>Som ny i KDD får du heilt frå starten av oppgåver som utfordrar deg, og du får ein fadder som følgjer deg opp. Departementet har eit introduksjonsprogram der du blir kjend med nytilsette i dei andre avdelingane. For yngre tilsette er det ei eiga foreining, Ung i KDD. Nettverket skal bidra til å skapa ein arena der unge i departementet kan møtast jamleg til faglege og sosiale samankomstar. Ønskjer du å vita meir om korleis det er å jobba hos oss, kan du lesa meir her: <a href="https://www.regjeringen.no/no/dep/kdd/jobbeikmd/mot-vare-dyktige-medarbeidere/id3115880/" rel="nofollow">Tilsette om KDD – Jobb i KDD (regjeringen.no).</a>Løn: Stillinga er løna som stillingstittel frå kr 600 000–650 000 pr. år. Stillings- og lønsinnplassering avheng av erfaring og kvalifikasjonar. Frå løna blir det trekt 2 % innskot til Statens pensjonskasse.Autorisasjon: Tilsette i Kommunal- og distriktsdepartementet må kunna autoriserast for tilgang til informasjon etter sikkerheitslova.Klarering: Tilsetjing skjer under føresetnad av at søkjaren blir sikkerheitsklarert på nivå BEGRENSET og autorisert. Les meir her: <a href="https://nsm.no/fagomrader/personellsikkerhet/sikkerhetsklarering/autorisasjon/" rel="nofollow">Autorisasjon - Nasjonal sikkerhetsmyndighet</a> <h2>Slik søkjer du</h2>Send søknad elektronisk via lenkja «Søk stillinga» øvst på denne sida. Snarleg tiltredelse er ønskjeleg.Me meiner at inkludering og mangfald er ein styrke. Me ønskjer medarbeidarar med ulike kompetansar, fagkombinasjonar, livserfaring og perspektiv for å bidra til endå betre oppgåveløysing. Me vil leggja til rette for medarbeidarar som har behov for det. Aktuell tilrettelegging kan til dømes vera tekniske hjelpemiddel, tilpassing av møblar eller endring av rutinar, arbeidsoppgåver og arbeidstid. Les meir om inkludering og mangfald <a href="https://arbeidsgiver.dfo.no/strategisk-hr/inkluderingsarbeid/bli-bedre-pa-rekruttering/hvordan-skrive-stillingsannonser-som-inkluderer/positiv-saerbehandling-nar-man-soker-jobb-i-staten" rel="nofollow">her. </a> KDD nyttar Semac bakgrunnssjekk i gjeldande rekrutteringsprosess. Bakgrunnssjekk blir utført etter samtykke frå kandidaten, og inneber mellom anna at vi verifiserer CV og annan søknadsdokumentasjon i samband med tilsetjinga. Tilsetjing føreset godkjend bakgrunnssjekk.I samsvar med offentleglova §25 gjer vi merksam på at opplysningar om søkjaren kan bli offentleggjorde sjølv om søkjaren har bede om å ikkje bli ført opp på søkjarlista.Kontaktperson: For nærmare opplysningar om stillinga: Kontakt avdelingsdirektør Ivar Tveden på tlf. &#43;47 900 54 232 eller på e-post: ivar.tvede&#64;kdd.dep.no.

Førstekonsulent