Klepp kommune

Orre

Kenth Magne Asebo-Trodal

rektor

<p><strong> </strong></p><strong>Orre skule har for fyrste gong på lang tid ei ledig 100 % fast lærarstilling.</strong><br /><br />Vi søkjer deg som har godkjend lærarutdanning (allmennlærar, GLU 1–7 eller GLU 5–10), og som ønskjer å vere med og vidareutvikle ein skule med svært godt arbeidsmiljø, imøtekomande elevar og samarbeidsorienterte foreldre. Søkjarar med anna relevant utdanning kan òg vere aktuelle. Stillinga er i utgangspunktet knytt til mellomtrinnet, men småtrinnet kan òg vere mogleg. Oppstart frå februar, eventuelt august 2026. Tiltreding etter avtale med aktuell kandidat.<br /><br /><strong>Om skulen</strong><br />Orre skule er ein barneskule på Pollestad, 4 km frå Bryne sentrum. Dette skuleåret har vi 132 elevar fordelt på sju klassar. Skulen ligg landleg til, med kort veg til naturområde og flotte strender. Vi har ein stor og variert skulegard med leikepark, ballbinger, skatepark og pumptrack. Deler av skulebygget blei nyleg renovert, og vi har fått fleire nye klasserom og ein moderne skaparverkstad med sløydavdeling.<br />Vår skulekultur<br /><br />Vi er ein PALS-skule der positiv samhandling og eit støttande læringsmiljø står sentralt. Både elevar og vaksne jobbar kvar månad mot konkrete mål, som til dømes å helse, smile og seie «god morgon». Dette bidreg til ein god skulekultur kjenneteikna av høg trivsel og eit varmt fellesskap. Mange besøkande fortel at det er godt å kome til Orre skule – og det er vi stolte av.<br />Pedagogisk plattform og satsingsområde<br /><br />I vår pedagogiske plattform står sosial kompetanse, grunnleggande ferdigheiter og aktiv bruk av nærmiljøet sterkt. Skulen følgjer Klepp kommune sine satsingar og strategiar fram mot 2028, og har i tillegg eigne lokale mål. Eit av dei viktigaste er å utvikle eit sterkt profesjonsfellesskap som skal bidra til at resultata våre innan lesing, rekning og engelsk ligg over både kommunalt og nasjonalt snitt.<br />I skaparverkstaden og klasseromma ønskjer vi å foreine praktisk arbeid og utforsking med kritisk tenking og undring.<br />Skule–heim-samarbeid og elevmedverknad<br /><br />Vi har ei engasjert foreldregruppe og eit velfungerande FAU og SU. Eit godt samarbeid mellom skule og heim er nøkkelen til ein trygg og utviklande skulekvardag for elevane våre. Elevrådet er svært aktivt og står bak fleire flotte tiltak, mellom anna det årlege arrangementet «Orre-talentar».<br />Arbeidsmiljø og trivsel<br /><br />Alle elevar og tilsette brukar læringsbrett i det daglege arbeidet. Skulen har lågt sjukefråvær over tid, noko vi trur heng tett saman med god oppfølging frå leiinga, sterk kollegastøtte og høg grad av trivsel.<br /><br />Vi gler oss til å sjå namnet ditt på søkjarlista – og til å ønske deg velkomen som ein del av eit allereie godt arbeidsmiljø.<br /><br />Aktuelle kandidatar blir kalla inn til intervju fortløpande.<p><strong> </strong></p><br />
<h3>Arbeidsoppgåver</h3><ul><li>Vere kontaktlærar og ta ansvar for den daglege oppfølginga av elevane</li><li>Vidareutvikle gode læringsmiljø for alle elevar</li><li>Bidra aktivt i profesjonsfellesskapet, både fagleg og sosialt</li><li>Drive solid begynneropplæring i samarbeid med leiinga og andre tilsette</li><li>Sikre god og tydeleg samhandling mellom skule og heim</li></ul><h3>Kvalifikasjonar</h3><ul><li>Pedagogisk utdanning. Ønskjeleg med GLU 1–7 eller GLU 5–10, men andre søkjarar vil òg bli vurdert.</li><li>Undervisningserfaring frå 1.–7. trinn</li><li>Kyndig i munnlege og skriftlege ferdigheiter</li><li>Ønskjeleg med kompetanse i engelsk, musikk eller kunst og handverk, men andre fag kan òg vere aktuelle</li><li>Før tiltreding må godkjend politiattest og tuberkulinprøve leggast fram</li><li>Legg ved attester og vitnemål </li></ul><h3>Personlege eigenskapar</h3><ul><li>Dyktig i klasseleiing, tydeleg og varm</li><li>Gode kommunikasjons- og samarbeidsevne</li><li>Evne og motivasjon til å skape gode relasjonar til elevar, føresette og kollegaer</li><li>Inkluderande elevsyn, med fokus på auka læringsutbytte for kvar einskild elev og gruppe</li><li>Strukturert og målretta arbeid</li><li>Positiv, fleksibel, nysgjerrig og open for nytenking</li><li>Godt humør og ansvarskjensle for trivsel rundt deg</li><li>Sjølvstendig med høg arbeidskapasitet</li><li>Personlege eigenskapar vil bli vektlagt</li></ul><h3>Vi tilbyr</h3><ul><li>Lærarstilling i 100 % fast stilling</li><li>Eit godt arbeidsmiljø med dyktige og positive kollegaer</li><li>Eit elevmiljø prega av ro, glede og smil</li><li>Samarbeidsvillige foreldre som ønskjer å støtte skulen</li></ul><p>Gode velferdsordningar, pensjon og forsikring gjennom Klepp kommune<br />Tilsetting skjer på vilkår og med plikter som går fram av utlysing, gjeldande lover, reglement og tariffavtalar. Løn etter lokal lønnspolitikk</p><p>Visjonen vår er &#34;Med blikk for alle&#34; Me ønskjer tilsette som tek i eit tak, bryr seg og tenkjer fritt, og me oppmodar alle kvalifiserte til å søkje, uansett alder, kjønn, funksjonsevne, seksuell orientering, religion eller etnisk bakgrunn.</p><h3>Kontaktinformasjon</h3>Kenth Magne Asebo-Trodal, rektor, &#43;47 90790216<br />
<h3>Arbeidsstad</h3>Roslandsvegen 366<br />
4343 Orre<br />
<h3>Nøkkelinformasjon:</h3>Arbeidsgivar: Klepp kommune<br />
<br />
Referansenr.: 5043672076<br />
Stillingsprosent: 100%<br />
Fast<br />
Søknadsfrist: 15.12.2025<br />
<br />
