KFO - Ikkje offentleg arkiv, Vestland fylkeskommune

Leikanger

Elin Storøstevik

leiar 

<p>Vi har frå 05.01.2026 ledig fast 100% stilling som arkivar.</p><p>Som vår nye medarbeidar vil du få varierte oppgåver innafor eininga sitt ansvarsområde, og bli del av eit stort og kunnskapsrikt arkivfagleg miljø på Leikanger.<br /><br />Vestland fylkeskommune vernar og formidlar privatarkiv og kulturhistorisk dokumentasjon frå Vestland, samstundes som vi som regional aktør arbeidar for å utvikle og samordne privatarkivarbeidet i Vestland. Vi samarbeider tett med frivillig sektor, kommunar og museum i bevaringsarbeidet, og legg stor vekt på å utvikle gode digitale tenester til innbyggjarane.<br /><br />Fylkeskommune er vertskap for oppgåvefellesskapet Kommunearkivordninga i Vestland (KAV), og du vil bli del av ein arkivseksjon med til saman over 20 tilsette som arbeidar for å bevare og formidle ein samla samfunnsdokumentasjon frå Vestland. Vi kan by på brei fagkompetanse og eit godt arbeidsmiljø. <br /><br />Arbeidsstad for denne stillinga er Leikanger i Sogn, ei lita bygd mellom fjord og fjell i Sogndal kommune. Kommunen er vertskap for mellom anna Digitaliseringsdirektoratet, Høgskulen i Vestland, fleire teknologiverksemder på Campus, Vestlandsforsking og Sogndal fotball. I tillegg til dette har vi eit svært aktivt ski- og friluftsmiljø, samt fleire museum og kulturscener. Her kan du både få eit givande arbeidsliv og ei innhaldsrik fritid.</p><br />
<h3>Arbeidsoppgåver</h3><br /><ul><li>Arkivfagleg rådgiving til ABM-institusjonar, kommunar og frivillige lag og organisasjonar som arbeider med bevaring av privatarkiv i Vestland</li><li>Politisk saksførebuing</li><li>Ta del i arbeidet med å realisere Temaplan for privatarkiv i Vestland 2025-2029, og utøving av Vestland fylkeskommune si rolle som regionalt koordinerande organ for privatarkiv</li><li>Initiere og følgje opp samarbeid med frivillig sektor, så vel som anna offentleg – privat samarbeid kring bevaring av arkiv og dokumentasjon frå privat sektor</li><li>Delta i formidlings-, utviklings- og bevaringsprosjekt i fylkeskommunen</li><li>Publikumsførespurnader</li><li>Synfaring, innhenting, ordning og katalogisering av arkiv</li><li>Mediekonvertering av kjeldemateriale</li><li>Formidling</li><li>Ta del i pågåande prosessar med å flytte inn i og overføre arkiv til vårt nybygde magasinlokale på Leikanger.  <br /><br />Du må rekne med noko reiseverksemd i utføring av stillinga<br /></li></ul><h3>Kvalifikasjonar</h3><p>Du må ha: </p><ul><li>Mastergrad innan relevante fag som arkiv, historie, samfunnsvitskap, kulturvitskap, informasjonsvitskap med fleire. <br /></li><li>God norsk skriftleg og munnleg framstillingsevne på begge målformer<br /></li><li>God digital kompetanse<br /></li><li>Førarkort for personbil</li></ul><p> </p><p>Det er også ønskjeleg om du har:</p><ul><li>Tidlegare arbeidserfaring frå og kunnskap om arkivsektoren<br /></li><li>Erfaring med programvare og nasjonale fellesløysingar for arkiv, som Asta, Arkivportalen og Digitalarkivet<br /></li><li>Erfaring med prosjektarbeid<br /></li><li>Erfaring med offentleg sakshandsaming<br /></li><li>Kompetanse innan vern av digitalt skapte privatarkiv<br /></li></ul><h3>Personlege eigenskapar</h3><ul><li>Sans for systematikk og gode analytiske evner</li><li>Gode kommunikasjons- og samarbeidsevner</li></ul><h3>Vi tilbyr</h3><ul><li>Ei spanande stilling i eit arbeidsmiljø med høg fagleg kompetanse<br /></li><li>Løn etter avtale</li><li>Fleksibel arbeidstid</li><li>Gode offentlege pensjons- og forsikringsordningar</li><li>Arbeidsstad Leikanger i attraktive nyrenoverte kontorlokale og      nytt arkivbygg.   </li></ul><p> </p><h3>Kontaktinformasjon</h3>Elin Storøstevik, leiar , 97653607<br />
<h3>Arbeidsstad</h3>Askedalen 2<br />
6863 Leikanger<br />
<h3>Nøkkelinformasjon:</h3>Arbeidsgivar: Vestland fylkeskommune<br />
<br />
Referansenr.: 5032274973<br />
Stillingsprosent: 100%<br />
Fast<br />
Søknadsfrist: 09.11.2025<br />
<br />


Rådgjevar - privatarkiv