Jobway

Oslo

Jeanett Zara

Rekrutteringskonsulent

Er du ein erfaren teknikar som trivst med ansvar, tekniske utfordringar og eit kreativt arbeidsmiljø? Ønskjer du å bruke kompetansen din i eit av Noregs mest ikoniske kulturbygg -- midt i hjartet av Oslo? Då vil vi gjerne høyre frå deg!
I rolla som teknikar hos Det Norske Teatret får du ein variert og meiningsfull arbeidskvardag i eit unikt og skapande miljø. Du vil ha fagleg ansvar for teaterets VVS-system og arbeide med drift, tilsyn og vedlikehald av bygget sine tekniske installasjonar. Som ein sentral del av teamet bidreg du til at teateret sitt moderne bygg på 26 000 kvadratmeter fungerer optimalt -- både framfor og bak scena.
Arbeidsoppgåvene dine vil mellom anna vere:
<ul><li>
Innregulering og vedlikehald av ventilasjonsanlegg
</li><li>
Finne avvik og feil, til dømes mellom SD-anlegget og ventilasjonsanlegget
</li><li>
Prosjektarbeid innan til dømes gjennomgang av trykkluftsystem eller å optimalisere energibruken
</li><li>
Reparasjon og spyling av varme- og kjølebatteri (lodding)
</li><li>
Utskifting og overhaling av pumper, ventil(ar), spjeld og motorventilar
</li><li>
Feilsøking på elektriske system og reparasjon av maskiner og utstyr
</li></ul>
For å lukkast i rolla trur vi at du har:
<ul><li>
Bakgrunn og erfaring innan VVS
</li><li>
Erfaring med å drifte større lokale
</li><li>
God forståing av tekniske teikningar, skjema og byggeteikningar
</li><li>
Det er ein fordel om du òg har erfaring med brannvarslingsanlegg, styringssystem og digitale verktøy
</li><li>
Gode norskkunnskapar, både munnlege og skriftlege
</li></ul>
Vi ser etter deg som er ansvarsmedviten, løysingsorientert og serviceinnstilt. Du arbeider systematisk, har evne til å prioritere under press og trivst med å løyse utfordringar i samarbeid med andre. Du er fleksibel, allsidig og har eit ekte engasjement for faget - og set pris på å jobbe i eit kreativt og meiningsfylt miljø.
Det Norske Teateret tilbyr deg:
<ul><li>
Ei spennande og utfordrande stilling i eit unikt og inspirerande arbeidsmiljø
</li><li>
God pensjons- og forsikringsordning
</li><li>
Gode ferieordningar
</li><li>
Tilgang til treningsrom og organiserte tilbod
</li><li>
Gode velferdsordningar
</li><li>
Kollegialt miljø med høg fagleg kompetanse og sterk lagånd
</li></ul>
Arbeidstida er 35,5 timar per veke. Stillinga inngår i skiftordning, og det må reknast med noko kvelds- og helgearbeid.
Det Norske Teatret ønsker å spegle samfunnet og oppfordrar kvalifiserte kandidatar som kan auke mangfaldet i organisasjonen vår til å søke.
Velkomen med søknaden din:
Vi praktiserer løpande vurdering av søknader, og alle søknader vert behandla konfidensielt. Eventuelle spørsmål kan rettast til rekrutteringskonsulent Jeanett Zara på e-post: jeanett.zara&#64;jobway.no eller telefon: &#43;47 907 52 436.

Driftstekniker i eit spanande arbeidsmiljø med varierte arbeidsoppgåver