Internasjonalt Samisk Filminstitutt

Kautokeino

Anne Lajla Utsi

Direktevrra

<h1>Háliidat go leat oassin Internášunála Sámi Filbmainstituhta jođiheaddji joavkkus?</h1>
<h2>Mii ohcat Ekonomiija hálddašeaddji!</h2>
<p>Virggi namma: Økonomiansvarlig/Ekonomiija hálddašeaddji<br />
Báiki: Guovdageaidnu</p>
<p><strong>Internašunála Sámi Filbmainstituhta (ISFI) hukse nanu ja ceavzilis filbmaealáhusa mii lea geasuheaddji, ja riikkaidgaskasaččat oidnosis. ISFI lea ruhtaduvvon earet eará Kulturdepartemeantta ja Sámedikki (NO) bokte. Sámi filbmaealáhus lea sakka stuorrumin ja ISFI láidesta dán ovdáneami. ISFI lea ožžon guovddáš ja jođiheaddji doaimma internašunálalaččat ja ISFI ovttasbargoguoimmit leat earet eará The Academy (Oscar akademiija), Netflix ja European Film Academy.</strong></p>
<p>Danin dárbbaša ISFI nannet hálddahusa joavkku ja virgádit ekonomiijahálddašeaddji bistevaš virgái.</p>
<h2>Barggut:</h2>
<p>Internašunála Sámi Filbmainstituhta ekonomiijakonsuleantan du váldodoaimmat leat, muhto eai dušše:</p>
<ul><li>
<p>Ovddasvástádus fitnodaga ekonomiijahálddašemiin fárrolagaid rehketdoalofitnodagain ja direktevrrain: ekonomiijadoaimmat, bušeahta, rehketdoallu, prošeaktareporteren.</p>
</li><li>
<p>Hálddašit bálká- ja peršonálaproseassaid.</p>
</li><li>
<p>Dárkkistit ja čuovvolit lágaid ja láhkaásahusaid ekonomiija ha HR ektui.</p>
</li><li>
<p>Ovddasvástádus čuovvolit ISFI prošeaktahivvodaga ja prošeaktaraporterema, ovttas hálddahusjođiheaddjin.</p>
</li><li>
<p>Oassálastit strategiijabarggus.</p>
</li><li>
<p>Rehketdoaloraporteren stivrrii, fárrolagaid rehketdoallin ja direktevrrain.</p>
</li></ul>
<h2>Gealbbut:</h2>
<p>Mii ohcat áŋgiris ja hárjánan kandidáhta geas lea čuovvovaš gelbbolašvuohta:</p>
<ul><li>
<p>Buorre máhttu sámegielas lea ovdamunni, muhto ii gáibádus, gáibádus dárogielas ja eŋgelasgielas sihke njálmmálaččat ja čálalaččat.</p>
</li><li>
<p>Dus berre leat bachelorgráda ekonomiijas, gávpehálddašeamis dahje eará gullevaš fágasurggiin. Mastergráda dahje relevánta sertifiseren lea ovdamunnin.</p>
</li><li>
<p>Sávvat bargohárjáneami ekonomiijas, strategiijas ja bargiid jođiheamis.</p>
</li><li>
<p>Vuđolaš máhttu rehketdoalus ja ekonomalaš prinsihppain.</p>
</li><li>
<p>Buorit gulahallandáiddut, sihke čálalaččat ja njálmmálaččat.</p>
</li><li>
<p>Dáidu bargat iehčanassii ja joavkkus.</p>
</li><li>
<p>Vuđolaččat dovdá relevánta ekonomiija- ja hálddahuslágaid ja láhkaásahusaid.</p>
</li></ul>
<h2>Maid mii fállat:</h2>
<ul><li>
<p>Vejolašvuođa bargat jođiheaddjijoavkkus ovdánahtti institušuvnnas mas lea dehálaš servodatdoaibma.</p>
</li><li>
<p>Vejolašvuođa váikkuhit ja hábmet min ekonomiijastrategiija.</p>
</li><li>
<p>Movttiidahttit sámegielat bargobirrasa mas lea positiivitehta, ovttasbargu, hutkáivuohta ja áŋgirvuohta.</p>
</li><li>
<p>Bargat innovatiiva sámi ja internašunála filbmaealáhusas.</p>
</li><li>
<p>Ovtta jagi &lt;&lt;filbmaoahppanáigi&gt;&gt;, oahpásmuvvandihti filbmaealáhussii, filbmafestiválaide ja filbmafágalaš semináraide.</p>
</li><li>
<p>Bálká šiehtadusa ektui.</p>
</li><li>
<p>Buori penšuvdnaortnegat ja dáhkádusat.</p>
</li><li>
<p>Vejolaš bargat ruovttukantuvrras dárbbu mielde.</p>
</li></ul>
<h2>Ohcanáigemearri lea geassemánu 25. beaivvi.</h2>
<p>Mii ávžžuhit buot gelbbolaš kandidáhtaid ohcat.</p>
<h2>Ohcanproseassa:</h2>
<p>Sádde CV ja ohcamuša ISFI direktevrii Anne Lajla Utsi, annelajla&#64;isfi.no fáddálinjjáin &lt;&lt;Ohcan Ekonomiijahálddašeaddji -- ISFI&gt;&gt;.</p>
<p>Mii meannudit ohcamušaid dađi mielde go bohtet ja váldit oktavuođa guovdilis kandidáhtaiguin bovden dihte jearahallamii.</p>
<h2>Bargobáiki:</h2>
<p>Bargobáiki lea min kantuvrrabáiki Buletjávrris Guovdageainnus, muhto eará čovdosat sáhttet maid veardiduvvot.</p>
<p>ISFI lea bargoaddi mii atná máŋggabealatvuođa árvvus ja ávžžuha buot gelbbolaš kandidáhtaid ohcat beroškeahttá sohkabealis, agis, kultuvrralaš duogážis dahje doaibmanávccain.</p>
<p>Mii illudit oažžut du ohcama ja sávvat dutnje bures boahtima min jovkui.</p>
<br />


Ekonomiijahálddašeaddji - Internašunála Sámi Filbmainstituhtta