Interkommunalt Arkiv I Hordaland Iks

Bergen

Knut Rødseth Kjosås

fagleiar

Rune Lothe

dagleg leiar 

<h2>Sjekk ut dei fyrste 35 åra </h2>Interkommunalt arkiv i Hordaland IKS vart skipa i 1987. I samband med 35 års dagen laga vi ein video som fortalte om vår historie og samstundes litt om kven vi er og kva vi jobbar med. Video: <a href="https://www.youtube.com/watch?v&#61;pSBnrGpySZo" rel="nofollow">https://www.youtube.com/watch?v&#61;pSBnrGpySZo</a><h2>Om stillinga</h2>Stillinga gjev deg ei sentral rolle i arbeidet med å styrkje arkiv- og dokumentasjonsforvaltninga i eigarkommunane våre. Du vil bidra til at kommunane gjennomfører arkivlova sine krav, intensjonar og føringar, og vere ein viktig fagleg støttespelar i utviklinga av gode løysingar for framtida.Du vil arbeide tett saman med fagleiar og to andre rådgjevarar/kommunekontaktar i eit miljø prega av samarbeid, kunnskapsdeling og fagleg utvikling. Stillinga inneber noko reiseverksemd og tett dialog med kommunane.Arbeidsoppgåver og ansvarsområde vil utvikle seg i takt med ny teknologi, endringar i lov- og forskriftsverk og behova til kommunane. Dette gjev deg moglegheit til å påverke og bidra til vidare utvikling av fagområdet.Arbeidsoppgåver<ul><li>Kundeansvar og kontaktperson for 6–10 eigarkommunar</li><li>Etablere og vidareutvikle gode samarbeidsrelasjonar med kommunane</li><li>Fagleg rådgjeving og rettleiing i gjennomføring av arkivlova og gjeldande regelverk</li><li>Oppfølging av kommunane si arkiv- og dokumentforvaltning</li><li>Utarbeiding av oversikter, analysar, kartleggingar og statistikk</li><li>Opplærings- og informasjonsarbeid retta mot kommunane</li><li>Sakshandsaming av førespurnader frå kommunane</li><li>Koordinering av arkivfagleg arbeid</li><li>Bistå kommunane med uttrekk, deponering og bevaring av arkiv og data</li><li>Deltaking i prosjekt- og utviklingsarbeid innan fagfeltet</li><li>Andre oppgåver innan verksemda ved behov</li></ul>Roller i stillinga<ul><li>Kommunekontakt</li><li>Rådgjevar/spesialkonsulent</li><li>Sakshandsamar</li><li>Koordinator</li></ul>Rapportering<ul><li>Stillinga rapporterer fagleg til fagleiar.</li><li>Dagleg leiar har personalansvar.</li></ul>Stillingstittel og innplassering<ul><li>Søkjarar med relevant høgare 3-årig utdanning vil normalt bli tilsette som spesialkonsulent.</li><li>Søkjarar med relevant høgare 5-årig utdanning vil normalt bli tilsette som rådgjevar.</li></ul>Endeleg stillingskode og lønsplassering vert fastsett etter ei samla vurdering av utdanning, erfaring og kompetanse. <h2>Kven ser vi etter</h2>Vi ønskjer oss ein fagleg sterk og samarbeidsorientert rådgjevar/spesialkonsulent som, saman med fagleiar og dei andre rådgjevarane, skal vere eit sentralt kontaktpunkt mot kommunane. Du ønskjer å bidra til at eigarkommunane våre ligg i front innan arkivforvaltning og i arbeidet med å gjennomføre arkivlova sine føresegner og intensjonar.Vi ser føre oss at du har:<ul><li>3–5 års relevant høgare utdanning, gjerne innan arkivfag, informasjonsforvaltning eller tilsvarande. Relevant og dokumentert arbeidserfaring kan kompensere for delar av utdanningskravet</li><li>Erfaring frå liknande arbeid, roller eller oppgåver</li><li>Kunnskap om arkivlovgiving, standardar og regelverk for arkiv- og dokumentforvaltning</li><li>Kjennskap til kommunal forvaltning og organisering</li><li>Kompetanse i eitt eller fleire elektroniske fagsystem og/eller sak- og arkivsystem</li><li>Gjerne erfaring med migrering av databasar</li><li>Førarkort klasse B (vi har eigen bil til tenestereiser)</li></ul>Vi legg vekt på personlege eigenskapar og ser etter deg som:<ul><li>Er trygg i ei utadretta rolle med mykje dialog og rettleiing</li><li>Har evne til å planleggje, koordinere og samordne arbeid</li><li>Er strukturert, sjølvstendig og løysingsorientert</li><li>Har gode skriftlege og munnlege framstillingsevner</li><li>Ser moglegheiter i ny teknologi og ønskjer å ta nye løysingar i bruk</li></ul>  <h2>Hjå oss får du</h2><ul><li>Ei meiningsfull stilling med mykje sjølvstende</li><li>Ta del i eit engasjert fagmiljø som arbeider i skjeringspunktet mellom arkivfag, teknologi og samfunnsutvikling</li><li>Moglegheit til å arbeide tett med kommunar i gjennomføringa av eit viktig samfunnsoppdrag</li><li>Rause og dyktige kollegaer som deler fagkunnskap og støttar kvarandre</li><li>Ein arbeidsgjevar som skårar bra på arbeidsmiljø, gjev moglegheit for fagleg utvikling og har ei raus kompetanseordning </li><li>Medlemskap i KLP som har gode pensjonsordningar, konkurransedyktige forsikringsordningar og gunstig bustadlån</li><li>Medlemskap i bedriftshelseteneste</li><li>Fleksibel arbeidstid med god balanse mellom arbeidsliv og privatliv</li><li>Moglegheit for heimekontor etter avtale</li><li>Betalt fridag mellom jul og nyttår</li><li>Dekning av telefon- og mobildata</li></ul>Løn<ul><li>Vert du tilsett som rådgjevar, tilbyr vi ei årsløn i spenn frå kr 600 000–705 000, avhengig av kvalifikasjonar og erfaring.</li><li>Vert du tilsett som spesialkonsulent, tilbyr vi ei årsløn i spenn frå kr 525 000–615 000, avhengig av kvalifikasjonar og erfaring.</li></ul>         Har du særskilde kvalifikasjonar eller relevant erfaring, kan vi vurdere høgare løn. <h2>Verdt å merke seg før du søkjer</h2>Når du søkjer jobb hjå oss, vil namnet ditt stå på ei offentleg søkarliste. Ønskjer du å bli unnateken frå den offentlege søkarlista, må du grunngje kvifor. Vi tek kontakt med deg dersom vi ikkje tek ønsket ditt til følgje, og du får då moglegheit til å trekkje søknaden din.For å bli vurdert som søkjar må du leggje ved relevante attestar og vitnemål. Vitnemål for utdanning teken i Noreg lastar du opp frå Vitnemålsportalen. Har du utdanning frå utlandet, legg du ved godkjenning frå Direktoratet for høyere utdanning og kompetanse/ NOKUT(<a href="https://hkdir.no/utdanning-fra-utlandet" rel="nofollow">https://hkdir.no/utdanning-fra-utlandet</a>).

Rådgjevar / spesialkonsulent – 100% fast stilling.