Integrasjon, Helse Vest IKT

Stavanger

Steinar Aslaksen Hamre

Seksjonsleiar

Bjørn Gunnar Lunde

Gruppeleder

<p><strong>Vil du vere med og sikre at framtidige integrasjonsløysingar er trygge og robuste? Vi søkjer no etter ein erfaren og fagleg sterk person, som kan ta leiinga innan sikkerheitstest.</strong><br /><br />Helse Vest IKT har etablert eit integrasjonssenter med samla ansvar for koordinering, leveranse og forvaltning av integrasjonsløysingane. Med sine 41 kunnskapsrike medarbeidarar er senteret eit viktig og etterspurt kompetansemiljø i helsesektoren.</p><p>Helse Vest har eit av dei mest komplekse systemlandskapa på Vestlandet. Datasystem i helsevesenet har dei siste åra blitt heilt sentrale i pasientbehandlinga, og behovet for utveksling av data mellom systema er stort. Tilgang til kritiske helsedata for 1,2 millionar innbyggarar på ein enkel, men samstundes trygg og effektiv måte, har aldri vore viktigare.</p><p>Du vil inngå i eit fagteam med sju testleiarar. Som fagansvarleg for teknisk sikkerheitstest vil du bidra til at løysingane er i tråd med sikkerheitskrav og standardar.  Rolla di blir å støtte testleiarane med rådgjeving og tidvis utføring av sikkerheitstesting. Du vil også få ansvar for verktøy og metodikk som naturleg høyrer til stillinga.</p><h3>Arbeidsoppgåver</h3><ul><li>Vere ein fagressurs for Integrasjonssenteret i spørsmål som gjeld sikkerheitstesting</li><li>Halde oversikt over gjeldande lover, standardar og krav innan informasjonssikkerheit</li><li>Utarbeide og koordinere teststrategiar for teknisk sikkerheit, inkludert penetrasjonstesting og sårbarheitsanalysar</li><li>Samarbeide med interne og eksterne ressursar på området for informasjonssikkerheit</li><li>Bistå testleiarar med å utforme sikkerheitstestar, og utføre sikkerheitstesting ved behov</li><li>Medverke ved ROS-analyse av nye og endra integrasjonsløysingar</li></ul><h3>Kvalifikasjonar</h3><ul><li>Høgare utdanning innan IT. Fortrinnsvis med vekt på informasjonssikkerheit og sikkerheitstesting.</li><li>Relevant erfaring over tid kan kompensere for høgare utdanning</li><li>Kunnskap om relevante standardar og rammeverk, som til dømes ISO 27001, OWASP Top 10, NIST</li><li>Evne til å vurdere risiko og formidle dette på ein klar og forståeleg måte til både tekniske og ikkje-tekniske målgrupper</li><li>Kunnskap om testmetodikk, og gjerne ISTQB-sertifisering eller tilsvarande, er ein fordel.</li><li>Erfaring frå test av integrasjonar eller anna teknisk testing er ein fordel</li><li>Kjennskap til helsesektoren tel positivt</li></ul><p>I tillegg til formelle og faglege kvalifikasjonar, legg vi stor vekt på personlege eigenskapar.</p><h3>Kven er du?</h3><ul><li>Du likar å arbeide strukturert, er analytisk og har evne til å setje deg inn i komplekse problemstillingar.</li><li>Du er sjølvgåande, men likar å arbeide i team både som deltakar og som drivande kraft.</li><li>Du samarbeider godt med andre, deler kunnskap, erfaring og informasjon, og støttar andre i å nå måla til teamet.</li><li>Du formulerer deg godt på norsk, både skriftleg og munnleg, og du kommuniserer på ein klar, presis og strukturert måte.</li><li>Du likar å ha stor kontaktflate.</li><li>Du er nøyaktig, men ser samstundes  når resultat er gode nok.</li></ul><h3>Hos oss får du</h3><ul><li>Eit skikkeleg bra arbeidsmiljø. Vi spelar kvarandre gode og har det gøy saman på jobb.</li><li>Jobb i eit stort og tverrfagleg miljø i ein banebrytande bransje.</li><li>Kvar dag er ulik. Vi har varierte og utfordrande arbeidsdagar med rom for fagleg og personleg utvikling. Hos oss får du jobbe med store og små oppdrag.</li><li>Tilgang til Helse Vest sine kollektive avtalar og tilbod for tilsette.</li><li>Fleksible ordningar med heimekontor, fleksitid og arbeidsveke på 37,5 timar inkl. lunsj.</li><li>Løn etter avtale.</li><li>Innplassering i stillingskode «Rådgjevar IKT» eller «Seniorrådgjevar IKT», avhengig av kvalifikasjonar.</li><li>Medlemskap i KLP som sikrar gode pensjonsrettar.</li></ul><p>Høyrest dette ut som noko for deg? Søk slik at me kan snakkast!</p><p>Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mulig. Har du utdanning frå utlandet, legg ved godkjenning frå Direktoratet for høgare utdanning og kompetanse.</p><h3>Kontaktinformasjon</h3><p>Bjørn Gunnar Lunde, Gruppeleder, &#43;47 90659901<br />Steinar Aslaksen Hamre, Seksjonsleiar, 91356369</p><h3>Arbeidsstad</h3><p>Bjørnsons gate 29<br />5052 BERGEN</p><h3>Nøkkelinformasjon:</h3><p>Arbeidsgivar: Helse Vest IKT<br /> <br />Referansenr.: 4985796728<br />Stillingsprosent: 100%<br />Fast<br />Søknadsfrist: 03.08.2025</p>

Fagansvarleg for teknisk sikkerheitstesting