Infraplast

Lærdal

Infraplast er ei moderne industriverksemd med høg teknisk kompetanse og kundedriven vekst . I 2022 tok vi i bruk nye produksjonslokale i Lærdal med moderne fasilitetar og rom for vidare utvikling -- og den siste tida har vi lagt til rette for vidare vekst gjennom målretta investeringar i produksjonskapasitet og eit tydeleg strategisk rammeverk. Vi har klare ambisjonar for å vekse vidare.Vi søkjer no ein produksjonsdirektør som vil spele ei sentral rolle i vidareutviklinga av moderne og berekraftig produksjon i selskapet.
Som produksjonsdirektørfår du det overordna ansvaret for all produksjon i Infraplast -- med hovudtyngd i Lærdal, og på sikt - eit ansvar for produksjonen på Follese. Du vil leie eit kompetent produksjonsmiljø, og sørgje for at vi leverer på riktig kvalitet, kapasitet, ytelse og HMS -- med menneska og laget som viktigaste ressurs.
Rolla inngår i leiargruppa i Infraplast AS, og rapporterer til administrerande direktør. Du blir ein sentral bidragsytar i selskapet si vidare utvikling -- både innan drift, kultur og berekraftig vekst.
Kven ser vi etter?
Vi søkjer deg som har leiarerfaring frå produksjonsverksemd, gjerne med ansvar for målstyring, HMS og kvalitetssystem. Du evnar å setje retning, ta gode grep og byggje tillit i organisasjonen. Du må vere trygg og tydeleg -- og ha evna til å få folk med deg.
Vi ser gjerne at du har:
<ul><li>
Erfaring med leiing frå industri, produksjon og strategisk ledelse
</li><li>
God kjennskap til målstyring og ytelsesmåling
</li><li>
Erfaring frå ledelse av arbeid med HMS, forbetringsarbeid og kvalitetsstyring
</li><li>
Erfaring med å leie skiftorganisasjonar og operative team
</li><li>
God munnleg og skriftleg framstillingsevne på norsk
</li></ul>
Det viktigaste er likevel kven du er. Vi byggjer organisasjonen vår på folk som tek ansvar, bryr seg om andre og får ting til å skje.
Sentrale ansvarsområder og arbeidsoppgåver:
<ul><li>
Overordna ansvar for produksjonen i selskapet
</li><li>
Budsjett-, resultat- og personalansvar for produksjonsavdelinga
</li><li>
Vidareutvikle målstyring og optimalisering av ytelse - inkludert OEE
</li><li>
Sikre godt HMS-, kvalitets- og internkontrollarbeid (ISO 9001, 14001 og 45001)
</li><li>
Vidareutvikle ein sunn kultur for samarbeid, kontinuerleg forbetring og medverknad
</li><li>
Representere Infraplast ovanfor kundar, samarbeidspartnarar og lokalsamfunn på ein god måte
</li></ul>
Kva tilbyr vi?
Infraplast er inne i ei spennande utvikling med nye areal, investeringar i utstyr og eit tydeleg ambisjonsnivå. Vi tilbyr ei nøkkelrolle i ei framtidsretta industriverksemd som spelar ei viktig rolle i det grøne skiftet -- mellom anna med eigne løysingar for gjenvinning og plastavfall.
Hos oss får du moglegheita til å påverke, bygge kultur, og ta mange av dei viktige med på å skape resultat som betyr noko.
Lyst til å ta ein prat om stillinga? Ta kontakt: 
Daniel Klakegg Dvergsdal på telefon 904 79 470 eller <a rel="nofollow" href="mailto:Daniel@visere.no">Daniel@visere.no</a> 
Asbjørn Grini på telefon 917 94 825 eller e-post <a rel="nofollow" href="mailto:Asbjorn@visere.no">Asbjorn@visere.no</a>

Vi søkjer ein produksjonsdirektør med struktur i arbeidet, kraft i gjennomføringa og blikk for optimal ytelse.