Indremisjonsforbundet

Voss

Nainkyrkja er eit fellesskap på Voss knytt til Indremisjonsforbundet. Vi ønskjer å vere ei forsamling der menneske i alle generasjonar kan møte Jesus, vekse i tru og finne sin plass i fellesskapet. No søkjer vi ein pastor som vil vere med å forkynne evangeliet, leie forsamlinga og bidra til å utvikle fellesskapet vidare.
Som pastor i Nainkyrkja får du ei sentral rolle i livet og arbeidet i forsamlinga. Saman med eldsteråd, styre og frivillige medarbeidarar vil du bidra til å byggje fellesskap, utruste menneske til teneste og utvikle forsamlinga vidare som eit ope og tydeleg kristent fellesskap i lokalmiljøet.
Dine viktigaste ansvarsområde:
<ul><li>Forkynne og undervise i samsvar med visjonen og verdiene til Nainkyrkja</li><li>Utøve sjelesorg, rettleiing og åndeleg oppfølging</li><li>Bidra til å utvikle fellesskap, smågrupper og tenesteområde i forsamlinga</li><li>Byggje team og utruste frivillige til teneste</li><li>Bidra til gode strukturar og tydelege prioriteringar i forsamlinga sitt arbeid</li><li>Samarbeide tett med eldsteråd og styre i strategiske prosessar</li><li>Representere forsamlinga lokalt og byggje relasjonar i nærmiljøet</li></ul>
Vi ser etter deg som:
<ul><li>har eit tydeleg engasjement for evangeliet og forsamlingbygging</li><li>kan forkynne bibelsk og relevant på ein måte som inspirerer og engasjerer</li><li>er ein relasjonsbyggjar som trivst med å utvikle menneske og fellesskap</li><li>har evne til å skape struktur og retning i ein organisasjon med mange frivillige</li><li>er trygg i eige leiarskap, men samstundes audmjuk og samarbeidsorientert</li><li>identifiserer deg med Indremisjonen sitt evangelisk-lutherske grunnlag</li></ul>
Teologisk utdanning er ønskjeleg, men ikkje eit krav.
Kva tilbyr vi?
<ul><li>Ei meiningsfull teneste med stor moglegheit til å påverke utviklinga av forsamlinga</li><li>Eit engasjert fellesskap med mange frivillige medarbeidarar</li><li>Samarbeid med dedikerte leiarar i styre og eldsteråd</li><li>Fleksibilitet og rom til å forme arbeidshardagen</li><li>Løn og ordningar etter ImF sine retningslinjer</li></ul>
Personleg eignaheit vil bli tillagt stor vekt.
Arbeidsstad : Voss 
Stillingstype : 80 - 100 % fast 
Søknadsfrist : 06.04.2026 
Kontakt:
<ul><li>Morten Myhren, Human AS: 48 22 46 60</li><li>Anne Stine Fløtre, Human AS: 93 80 10 03</li></ul>

Vil du vere med og leie og utvikle eit levande kristent fellesskap på Voss?