Høgskulen På Vestlandet

Bergen

Vegard Fusche Moe

Prodekan for forsking (dekan frå 01.08.2025)

<h2>Høgskulen på Vestlandet, Fakultet for lærarutdanning, kultur og idrett har ledig åremålsstilling som prodekan for forsking</h2><p>Fakultet for lærarutdanning, kultur og idrett søkjer prodekan for forsking i fireårig åremålsstilling, med tiltreding etter avtale, seinast 01.01.2026.</p><p>Fakultetet har 3 prodekanar. Prodekan for forsking vil ha eit særleg ansvar for å fremje arbeidet med forsking og utvikling (FoU), kunstnarisk utviklingsarbeid, FoU-basert innovasjon og internasjonalisering i fakultetet. </p><p>I eininga til prodekan for forsking inngår 10-14 medarbeidarar.</p><p>Fakultetet har 5 strategiske forskingsprogram (Kunst, kreativitet og kulturelle praksisar; Språk, kommunikasjon og læring; Praksisnær profesjons- og utdanningsforsking; Berekraft, medverknad og mangfald og Idrett, fysisk aktivitet og kosthald), som er under revisjon, i tillegg til ph.d-programmet.</p><p>Studiar av danning og didaktiske praksisar. Leiarane av desse programma og programleiar for internasjonalisering inngår i eininga for forsking som blir leia av prodekan. Senterleiar for Barnkunne rapporterer óg til prodekan. <br />Forskingsadministrasjonen i fakultetet er også lagt til denne eininga. </p><p>Det er venta at prodekan samarbeider tett med institutta og med dei andre prodekanane i fakultetet.</p><p>Som ansvarleg for effektiv utnytting av eininga sine ressursar, skal prodekan sjå til at dette skjer i samsvar med høgskulens mål, departementet sine rammer, tildelt budsjett og styret sine strategiske føringar.</p><p>Prodekanen har òg ansvar for at forvaltingsoppgåvene vert ivaretekne med god kvalitet og at oppgåveløysinga er i samsvar med god forvaltingspraksis.</p><p>Den som vert tilsett må rekne med ein del reiseverksemd mellom campusane.</p><p>Arbeidsstad er campus Bergen, Sogndal eller Stord.</p><br /><h2>Ansvars- og arbeidsoppgåver:</h2><ul><li>Posisjonere fakultetet som ein attraktiv forskings- og utdanningsinstitusjon som er kjend for høg kvalitet i forsking og god samanheng mellom forsking og utdanningsprogramma i fakultetet</li><li>Bidra til å styrke arbeidet med internasjonalisering i fakultetet</li><li>Overordna ansvar for fagleg kvalitet og gjennomstrøyming i fakultetet sitt ph.d-program</li><li>Bidra til å fremje forskingsformidling, synlegheit og gjennomslag for fakultetet si forsking</li><li>Bidra til systematisk prosjektporteføljebygging og auke i ekstern finansiering av forsking i fakultetet</li><li>Legge til rette for digitalisering og nyskaping i forskinga</li><li>Bidra til samarbeid mellom praksisfelta og fakultetet om forsking</li><li>Bidra til etablering og vidareutvikling av relasjonar regionalt, nasjonalt og internasjonalt for eininga sine fagområde</li><li>Bidra til å styrke fakultetet sitt arbeidet med integritet og etikk i forsking</li><li>Delta i nasjonale fora som er relevante for stillinga</li><li>Ansvar for at tenestene vert utførte i samsvar med gjeldande reglar og retningslinjer for god forvalting</li><li>Ansvarleg for at eininga sine økonomiske rammer vert haldne, og sikre god og formålstenleg bruk av eininga sine ressursar</li><li>Ivareta personal- og HMS-ansvar for eininga sine tilsette</li><li>Fungere for dekan i dekan sitt fråvær (gjeld éin av prodekanane)</li></ul><p>Prodekan kan få ansvars-/arbeidsoppgåver ut over det som står i utlysinga.</p><p><strong>Mynde</strong><br />Mynde i stillinga er delegert frå dekan, og prodekan rapporterer til dekan. Prodekan inngår i fakultetet si leiargruppe og har medansvar for utvikling av fakultetet i samsvar med høgskulen sin strategi, målsetjingar og verdigrunnlag.</p><br /><h2>Kvalifikasjonskrav:</h2><p>Formell utdanning og kompetanse:</p><ul><li>Relevant høgare utdanning og ph.d -grad, fortrinnsvis professorkompetanse med klar relevans for fakultetet sin faglege profil</li><li>Dokumentert kompetanse og erfaring innanfor forskingsleiing og søknad om eksterne forskingsmidlar</li><li>Leiarerfaring, dokumenterte resultat frå fagleg leiarstilling og resultat frå strategi- og endringsarbeid blir vektlagt</li></ul><p>Generelle kompetansekrav</p><ul><li>God forståing for høgskulen sitt samfunnsoppdrag</li><li>Forståing for verdien av kontinuerleg arbeid med likestilling og mangfald i utdanningane og i rekrutteringa av studentar og tilsette</li><li>God pedagogisk kompetanse, m.a. god forståing for kunnskapsformidling og læreprosessar</li><li>Erfaring frå, og/eller solid kunnskap om, universitets- og høgskulesektoren</li><li>Erfaring frå og kjennskap til dei profesjonane og praksisfelta som fakultetet femnar om er ein føremon</li><li>Erfaring med å utvikle og vedlikehalde relasjonar til ulike aktørar regionalt, nasjonalt og internasjonalt</li><li>God forståing for moglegheitene i digitale løysingar</li><li>God munnleg og skriftleg framstillingsevne i norsk og engelsk</li></ul><p>Personlege eigenskapar:</p><ul><li>Gode leiareigenskapar og ein motiverande og inkluderande leiarstil med vekt på samarbeid og medverknad</li><li>Evne til strategisk heilskapleg perspektiv</li><li>Gode evner til kommunikasjon, samhandling og til å bygge tillit og relasjonar internt og eksternt</li><li>Gjennomføringsevne og resultatorientering</li><li>Løysings- og utviklingsorientering</li><li>Stort engasjement for å nå høgskulen sine ambisjonar</li></ul><br /><h2>Vi tilbyr:</h2><ul><li>Gode pensjons-, forsikrings-, og låneordningar i Statens pensjonskasse</li><li>Spennande fagmiljø med moglegheit for kompetanseheving - og utvikling</li><li>Høve for trening i arbeidstida</li></ul> <p>Stillinga som prodekan er lønt etter Statens lønsregulativ, i stillingskode 1474 - dekan.</p><p>Frå løna vil det bli trekt 2 % innskot til Statens pensjonskasse.</p><br /><h2>Korleis søke på stillinga?</h2><p>Send søknad og CV ved å klikke på knappen merka ”Søk stilling” på denne sida.</p><p>Det er søkjar sitt ansvar å sørgje for at alle relevante vedlegg er lagt inn innan fristen, som attester og vitnemål. Dersom vitnemål, karakterutskrifter eller anna dokumentasjon ikkje er på eit skandinavisk språk eller engelsk, må søkjar sjølv laste opp attesterte omsetjingar. Dersom vedlegga overskrid 50 MB må dei komprimerast før opplasting eller leggjast ved som lenkje.</p><p>Søkjarar med utanlandsk utdanning må i tillegg dokumentere at utdanninga samsvarar med norsk bachelor-, master-eller ph.d.-grad.  <a href="https://hkdir.no/utdanning-fra-utlandet/jeg-har-utdanning-fra-utlandet/sok-godkjenning-av-hoyere-utdanning-bachelor-master-ph-d" rel="nofollow">Sjå www.hkdir.no for meir informasjon om vurdering av høgare utdanning. </a></p><p>HK-dir tilbyr automatisk godkjenning for enkelte gradar frå utvalde land. Dersom utdanninga til søkjaren er dekka av ordninga med automatisk godkjenning, vil det vera tilstrekkeleg å leggje ved dokumentasjon på dette. <a href="https://hkdir.no/utdanning-fra-utlandet/jeg-har-utdanning-fra-utlandet/sok-godkjenning-av-hoyere-utdanning-bachelor-master-ph-d/automatisk-godkjenning-et-raskere-alternativ" rel="nofollow">Du kan lese meir om ordninga med automatisk godkjenning her.</a></p><p>Vi gjer merksam på at søknad om vurdering gjennom den ordinære godkjenningsordninga til HK-dir kan ta tid. Du bør difor sende søknad om godkjenning så raskt som mogeleg når du veit at du vil søkje på stillinga.  Dersom du ikkje har fått svar frå HK-dir innan søknadsfristen, legg du ved dokumentasjon frå HK-dir om at dei har motteke søknaden din. </p><p>Søknadar kan ikkje sendast på e-post til enkeltpersonar ved høgskulen.</p><br /><h2>Generell informasjon:</h2><p>Vi gjer merksam på at unntak frå den offentlege søkjarlista blir handsama etter reglane i Offentleglova. Søkjarar som har bede om slikt unntak, blir varsla dersom ønskje ikkje vert teke til følgje.</p><p>Den statlege arbeidsstyrken skal i størst mogleg grad spegle mangfaldet i befolkninga. Det er derfor eit personalpolitisk mål å oppnå ei balansert alders- og kjønnssamansetjing og rekruttere personar med minoritetsbakgrunn, nedsett funksjonsevne og hol i CV.</p><p>Arbeids- og opphaldsløyve i Norge er ein føresetnad for å tiltre stillinga. </p><p>Høgskulen på Vestlandet er underlagt eksportkontrollforskriften. Forskrifta kan komme til anvending i behandlinga av søknadane.</p><p>Vi tek atterhald om at stillinga si plassering i organisasjonen kan bli endra som følgje av ev. justeringar i HVL si interne organisering.</p><br /><h2>Inkludere, utfordre og samhandle</h2><p><a href="https://www.hvl.no/" rel="nofollow">Les meir på våre heimesider.</a></p><br />

Prodekan for forsking ved Fakultet for lærarutdanning, kultur og idrett