Høgskulen På Vestlandet

Bergen

<h3 class="navds-heading navds-heading--small navds-typo--spacing">Fakultetet har ledig åremålsstilling som assisterande instituttleiar med funksjonsansvar for grunnskulelærarutdanninga (GLU 5-10) og lærarutdanning i praktisk estetiske fag (LUPE) ved Institutt for pedagogikk, religion og samfunnsfag</h3><p>Fakultet for lærarutdanning, kultur og idrett søkjer assisterande instituttleiar med funksjonsansvar for grunnskulelærarutdanninga (GLU 5-10) og lærarutdanning i praktisk og estetiske fag (LUPE) ved Institutt for pedagogikk, religion og samfunnsfag i fireårig åremålsstilling, med tiltreding 01.01.2026.</p><p>Assisterande instituttleiar skal bistå instituttleiar i leiinga av instituttet og vil ha personalansvar for delar av personalet i instituttet. Det faglege funksjonsansvaret inneber fagleg ansvar for instituttet sine fag- eller kunnskapsområde i utdanningsprogram, overordna ansvar for oppfølging av studentar i programma og kopling mellom funksjonsområdet og fakultetet sin forskingsaktivitet.</p><p>I Institutt for pedagogikk, religion og samfunnsfag er funksjonsansvaret fordelt slik mellom dei ulike assisterande instituttleiarane:</p><ul><li>Assisterande instituttleiar for barnehagelærarutdanninga (BLU)</li><li>Assisterande instituttleiar for grunnskulelærarutdanninga (GLU 1-7) og skulefritidspedagogikk</li><li>Assisterande instituttleiar for grunnskulelærarutdanninga (GLU 5-10) og lærarutdanning i praktisk og estetiske fag (LUPE)</li><li>Assisterande instituttleiar for PPU (praktisk pedagogisk utdanning) og toårige masterutdanningar</li><li>Assisterande instituttleiar for partnarskap og heilskapleg system for kompetanse- og karriereutvikling for lærarar i barnehage og skule</li></ul><p>Arbeidsstad er Bergen, Sogndal eller Stord.</p><br><h3 class="navds-heading navds-heading--small navds-typo--spacing">Ansvars- og arbeidsoppgåver:</h3><ul><li>Ansvar for fagleg kvalitet i utdanning, forsking og innovasjon innanfor delar av instituttet sine fagområde</li><li>Leie arbeidet med å tilpasse instituttet sine fagområde til samfunnets behov og utvikle utdanningstilbod på bachelor- og masternivå, og bidra i arbeidet med utdanningstilbod på phd.-nivå</li><li>Stimulere instituttet sitt personale til kompetanseutvikling og til å utvikle og drive FoU-verksemd av høg kvalitet</li><li>Sjå til at instituttet sine økonomiske rammer vert haldne, og bidra til å sikre god og formålstenleg bruk av instituttet sine ressursar</li><li>Bidra til at HVL rekrutterer best mogeleg kvalifiserte studentar og tilsette</li><li>Ivareta personal- og HMS-ansvar for delar av instituttet sine tilsette og bidra til at instituttet er ein attraktiv arbeidsplass</li><li>Bidra til å utvikle instituttet for å oppnå strategiske mål</li><li>Legge til rette for digital vidareutvikling av utdanning, forsking og innovasjon</li><li>Stimulere dei tilsette til formidling av instituttet sine fag- og forskingsområder</li><li>Legge til rette for, og fremje samarbeid, på tvers av einingane og campus i institusjonen</li><li>Arbeide for internasjonalisering i utdanning, forsking og innovasjon</li><li>Arbeide for godt læringsmiljø for studentane på sitt institutt</li><li>Vidareutvikle relasjonane til relevante samarbeidspartnarar innanfor instituttet sine fagområde og tverrfaglege satsingsområde</li></ul><p>Arbeidsoppgåvene kan bli endra som følgje av strategiske vedtak i HVL.</p><p><strong>Mynde</strong><br>Assisterande instituttleiar har mynde delegert frå instituttleiar og rapporterer til instituttleiar. Vidare inngår assisterande instituttleiar i instituttet si leiargruppe og har medansvar for utvikling av instituttet i samsvar med høgskulen sin strategi, målsetjingar og verdigrunnlag.</p><br><h3 class="navds-heading navds-heading--small navds-typo--spacing">Kvalifikasjonskrav:</h3><p>Formell utdanning og kompetanse:</p><ul><li>Relevant høgare utdanning og høg vitskapleg kompetanse, helst på førstestillingsnivå</li><li>Dokumentert kompetanse og erfaring innanfor instituttet sitt fag- og forskingsområde</li><li>Leiarerfaring, dokumenterte resultat frå fagleg leiarstilling og resultat frå strategi og endringsarbeid blir vektlagt</li></ul><p>Generelle kompetansekrav:</p><ul><li>God forståing for høgskulen sitt samfunnsoppdrag</li><li>God kjennskap til og forståing for verdien av kontinuerleg arbeid med likestilling og mangfald i utdanningane og i rekrutteringa av studentar og tilsette</li><li>God pedagogisk kompetanse, m.a. god forståing for kunnskapsformidling og læreprosessar</li><li>Erfaring frå, og/eller solid kunnskap om, universitets- og høgskulesektoren</li><li>Erfaring frå og kjennskap til dei profesjonane og praksisfelta som instituttet femnar om er ein føremon</li><li>Erfaring med å utvikle og vedlikehalde relasjonar til ulike aktørar regionalt, nasjonalt og internasjonalt</li><li>God forståing for moglegheitene i digitale løysingar</li><li>God munnleg og skriftleg framstillingsevne i norsk og engelsk</li></ul><p>Personlege eigenskapar:</p><ul><li>Gode leiareigenskapar og ein motiverande og inkluderande leiarstil med vekt på samarbeid og medverknad</li><li>Evne til strategisk heilskapleg perspektiv</li><li>Gode evner til kommunikasjon, samhandling og til å bygge tillit og relasjonar internt og eksternt</li><li>Gjennomføringsevne og resultatorientering</li><li>Løysings- og utviklingsorientering</li><li>Stort engasjement for å nå høgskulen sine ambisjonar</li></ul><br><h3 class="navds-heading navds-heading--small navds-typo--spacing">Vi tilbyr:</h3><ul><li>Gode pensjons-, forsikrings-, og låneordningar i Statens pensjonskasse</li><li>Spennande fagmiljø med moglegheit for kompetanseheving - og utvikling</li><li>Høve for trening i arbeidstida</li></ul> <p>Stillinga som assisterande instituttleiar&nbsp;er lønt etter Statens lønsregulativ, i stillingskode 1473 - studieleiar.</p><p>Frå løna vil det bli trekt 2 % innskot til Statens pensjonskasse.</p><br><h3 class="navds-heading navds-heading--small navds-typo--spacing">Korleis søke på stillinga?</h3><p>Send søknad og CV ved å klikke på knappen merka ”Søk stilling” på denne sida.</p><p>Det er søkjar sitt ansvar å sørgje for at alle relevante vedlegg er lagt inn innan fristen, som&nbsp;attester og vitnemål. Dersom vitnemål, karakterutskrifter eller anna&nbsp;dokumentasjon ikkje er på eit skandinavisk språk eller engelsk, må søkjar sjølv laste opp attesterte omsetjingar. Dersom vedlegga overskrid 50&nbsp;MB må dei komprimerast før opplasting eller leggjast ved som lenkje.</p><p>Søkjarar med utanlandsk utdanning&nbsp;må i tillegg dokumentere at utdanninga samsvarar med norsk bachelor-, master-eller ph.d.-grad. &nbsp;<a href="https://hkdir.no/utdanning-fra-utlandet/jeg-har-utdanning-fra-utlandet/sok-godkjenning-av-hoyere-utdanning-bachelor-master-ph-d" rel="nofollow">Sjå www.hkdir.no for meir informasjon om vurdering av høgare utdanning.&nbsp;</a></p><p>HK-dir tilbyr automatisk godkjenning for enkelte gradar frå utvalde land. Dersom utdanninga til søkjaren er dekka av ordninga med automatisk godkjenning, vil det vera tilstrekkeleg å leggje ved dokumentasjon på dette.&nbsp;<a href="https://hkdir.no/utdanning-fra-utlandet/jeg-har-utdanning-fra-utlandet/sok-godkjenning-av-hoyere-utdanning-bachelor-master-ph-d/automatisk-godkjenning-et-raskere-alternativ" rel="nofollow">Du kan lese meir om ordninga med automatisk godkjenning her.</a></p><p>Vi&nbsp;gjer merksam på at søknad om vurdering gjennom den ordinære godkjenningsordninga til HK-dir kan ta tid. Du bør difor sende søknad om godkjenning så raskt som mogeleg når du veit at du vil søkje på stillinga. &nbsp;Dersom du ikkje har fått svar frå HK-dir innan søknadsfristen, legg du ved dokumentasjon frå HK-dir om at dei har motteke søknaden din.&nbsp;</p><p>Søknadar kan ikkje sendast på e-post til enkeltpersonar ved høgskulen.</p><br><h3 class="navds-heading navds-heading--small navds-typo--spacing">Generell informasjon:</h3><p>Vi gjer merksam på at unntak frå den offentlege søkjarlista blir handsama etter reglane i Offentleglova. Søkjarar som har bede om slikt unntak, blir varsla&nbsp;dersom&nbsp;ønskje ikkje vert teke til følgje.</p><p>Den statlege arbeidsstyrken skal i størst mogleg grad spegle mangfaldet i befolkninga. Det er derfor eit personalpolitisk mål å oppnå ei&nbsp;balansert alders- og kjønnssamansetjing og&nbsp;rekruttere personar med minoritetsbakgrunn, nedsett funksjonsevne og hol&nbsp;i CV.</p><p>Arbeids- og opphaldsløyve i Norge er ein føresetnad for å tiltre stillinga.&nbsp;</p><p>Høgskulen på Vestlandet er underlagt eksportkontrollforskriften. Forskrifta kan komme til anvending&nbsp;i behandlinga av søknadane.</p><p>Vi tek atterhald om at stillinga si plassering i organisasjonen kan bli endra&nbsp;som følgje av ev. justeringar i HVL si interne organisering.</p><br><h3 class="navds-heading navds-heading--small navds-typo--spacing">Inkludere, utfordre og samhandle</h3><a href="https://www.hvl.no/" rel="nofollow">Les meir på våre heimesider.</a><br>

Assisterande instituttleiar for GLU 5-10 og LUPE ved Inst. for pedagogikk, religion og samfunnsfag