Høgskulen I Volda

Volda

<h2>Om stillinga</h2><p>Ved Høgskulen i Volda, Avdeling for humanistiske fag og lærarutdanning, Institutt for pedagogikk er det ledig inntil fire faste stillingar som førsteamanuensis/høgskulelektor i pedagogikk/ spesialpedagogikk.</p><p>Stillinga er knytt til Institutt for pedagogikk der det no er 32 tilsette. Fagmiljøet har brei kompetanse innanfor pedagogikk og spesialpedagogikk, og har eit mangfaldig forskarmiljø med pågåande prosjekt nasjonalt og internasjonalt.</p><h2>Kvalifikasjonar</h2><p>Kriteria for tilsetting i undervisnings- og forskarstilling går fram <a href="https://lovdata.no/dokument/SF/forskrift/2024-06-28-1392/KAPITTEL_3#KAPITTEL_3" rel="nofollow">av forskrift til universitets- og høyskoleloven(universitets- og høyskoleforskriften) kapittel 3.</a></p><p>Den som vert tilsett må</p><ul><li>ha solid kjennskap til pedagogikk eller spesialpedagogikk som fag og vitskapsfelt</li><li>kunne arbeide sjølvstendig, ta initiativ og vere fleksibel</li><li>ha gode samarbeids- og formidlingsevne</li><li>ha høgt etisk medvit i møte med studentar</li><li>kunne bruke digitale verktøy i arbeidskvardagen</li><li>meistre norsk eller eit anna skandinavisk språk</li><li>vere personleg eigna for stillinga</li></ul><p>Den som vert tilsett som førsteamanuensis må</p><ul><li>ha doktorgrad i pedagogikk eller spesialpedagogikk</li></ul><p>Den som vert tilsett som høgskulelektor må</p><ul><li>ha mastergrad eller hovudfag i pedagogikk eller spesialpedagogikk</li></ul><p>Den som vert tilsett bør</p><ul><li>ha kompetanse innan eitt eller fleire av fagområda rettleiing, fleirkulturell pedagogikk, yrkesdidaktikk og/eller spesialpedagogikk</li><li>ha kunnskap om og erfaring frå praksisfelta</li><li>kunne dokumentere relevant kompetanse i og erfaring frå forsking, undervisning og formidling i pedagogikk</li></ul><h2>Arbeidsfelt</h2><p>Stillingane inneheld oppgåver knytt til undervisning, rettleiing, praksisoppfølging, formidling, forskings- og utviklingsarbeid. Undervisning i barnehagelærarutdanninga, grunnskulelærarutdanningane, praktisk-pedagogisk utdanning, rettleiarutdanning og mastergradene i spesialpedagogikk og barnehagekunnskap er sentrale oppgåver. I tillegg bidreg fagmiljøet i tilskotsordninga for kollektiv kompetanseutvikling i barnehage og skule, der vi har rolla som utviklingspartnar. Instituttet er involvert i fleire forskingsprosjekt og har god publiseringsaktivitet. Det er venta at alle tilsette er aktive medlemmer i ei av forskingsgruppene ved høgskulen.</p><h2>Vi tilbyr</h2><p>HVO tilbyr varierte arbeidsoppgåver i ei stor, spanande og samfunnsviktig verksemd.Avdelinga har eit inkluderande og godt fagleg arbeidsfellesskap, der det er høve til fagleg og personleg utvikling.</p><p>Stillinga er løna etter kompetanse og kvalifikasjonar i statens lønsregulativ med normal årsløn frå kr. 702830 – 869334 i stillingskode 1011førsteamanuensis ved Høgskulen i Volda og med normal årsløn frå kr. 650 000  - 784185 i stillingskode 1008 høgskulelektor ved Høgskulen i Volda.</p><h2>Generell informasjon</h2><p>Ved HVO er vi opptatt av mangfald. Medarbeidarar med ulik livserfaring vil gjere oss i stand til å finne  gode løysingar på arbeidet vårt. Vi oppmodar difor alle til å søke stillinga utan omsyn til alder, kjønn, funksjonsevne eller etnisk bakgrunn. Du er også velkommen til å søke sjølv om du ikkje kan vise til ei samanhengande yrkeskarriere. Lokala er universelt utforma, og vi legg tilhøva til rette for personar med nedsett funksjonsevne.</p><p>Dersom du har nedsett funksjonsevne, innvandrarbakgrunn eller hol i CV kan du bli positivt særbehandla om du kryssar av for dette når du søker stillinga. Vi vil invitere minst éin kvalifisert søkar i kvar av desse gruppene til intervju. For å bli positivt særbehandla på denne måten, må du oppfylle visse krav. Les meir om dette på <a href="https://arbeidsgiver.difi.no/strategisk-hr-og-ledelse/inkluderingsdugnaden/hvordan-bli-en-mer-inkluderende-virksomhet" rel="nofollow">arbeidsgiverportalen</a>.</p><p>Tilsetjing skjer på dei vilkåra som følgjer av lov om offentlege tenestemenn, regulativ, reglement og instruksar som til ei kvar tid gjeld for stillinga, mellom anna lovfesta innskot i Statens pensjonskasse.</p><p>Aktuelle kandidatar vert innkalla til intervju. Søkjarar som vert kalla inn til intervju, må ta med originalar av vitnemål og attestar for å dokumentere dei elektronisk innsende vedlegga.</p><h2>Om søknaden</h2><p>Alle som søker stillinga må søke digitalt gjennom rekrutteringsportalen Jobbnorge. Du må laste opp relevante vitnemål og attestar. Vi gjer merksam på at søknaden blir vurdert ut frå informasjon som ligg føre ved utløp av søknadsfristen. Det er viktig at du viser korleis din kompetanse fyller kriteria for stillinga</p><p>Offentleg søkarliste blir utarbeidd etter at søknadsfristen er ute. Dersom du ønsker å reservere deg frå oppføring på offentleg søkarliste, må dette grunngjevast i Jobbnorge. Du vil bli varsla om reservasjon ikkje blir tatt til følge.</p><h2>Kontakt</h2><p>Nærare opplysningar om stillingane får ein ved å kontakte instituttleiar Septína Selma Einarsdóttir tlf. 70 07 51 53/ 450 33 789, e-post: <a href="mailto:septina.selma.einarsdottir&#64;hivolda.no" rel="nofollow">septina.selma.einarsdottir&#64;hivolda.no</a></p><h2>Om instituttet</h2><p>Avdeling for humanistiske fag og lærarutdanning tilbyr grunnskulelærarutdanning, barnehagelærarutdanning, praktisk pedagogisk utdanning allmennfag og yrkesfag, ulike fagutdanningar og mastergradstudium med spesialiseringar i matematikk, norsk, spesialpedagogikk eller barnehagekunnskap, samt eit omfattande etter- og vidareutdanningstilbod.</p><h2>Om avdelinga</h2><p>Avdeling for humanistiske fag og lærarutdanning tilbyr grunnskulelærarutdanning, barnehagelærarutdanning, praktisk pedagogisk utdanning allmennfag og yrkesfag, ulike fagutdanningar og mastergradstudium med spesialiseringar i matematikk, norsk, spesialpedagogikk eller barnehagekunnskap, samt eit omfattande etter- og vidareutdanningstilbod.</p><h2>Studiebygda Volda</h2><p>Midt mellom fjord og fjell på spektakulære Sunnmøre finn du Høgskulen i Volda, med sine lange tradisjonar.</p><p>Les meir på<a href="http://www.hivolda.no/" rel="nofollow"> www.hivolda.no</a></p><p>Video: <a href="https://www.youtube.com/watch?v&#61;wSlL1WkuUXc" rel="nofollow">https://www.youtube.com/watch?v&#61;wSlL1WkuUXc</a></p>

Førsteamanuensis/høgskulelektor i pedagogikk/spesialpedagogikk ved Høgskulen i Volda