Helse- Og Omsorgsdepartementet

Oslo

Hege Christina Bredesen

Avdelingsdirektør

<h2>Om Folkehelseavdelinga</h2>Folkehelseavdelinga har ansvar for utvikling og oppfølging av folkehelsepolitikken og koordinering av det tverrdepartementale folkehelsearbeidet. Saksfelta i avdelinga omfattar mellom anna alkohol, narkotika, tobakk, ernæring og mattryggleik, miljø og helse, fysisk aktivitet og psykisk helse. Internasjonalt samarbeid, inkludert arbeid knytt til EU/EØS og WHO, er ein viktig del av oppgåvene. Avdelinga har òg ansvar for smittevern, drikkevatn og strålevern, og spelar ei sentral rolle innan beredskapsfeltet.Avdelinga har fagleg etatsstyring av Helsedirektoratet, Folkehelseinstituttet, Direktoratet for strålevern og atomsikkerhet og Mattilsynet. I tillegg har avdelinga ansvar for eigarstyring av Vinmonopolet. <h2>Om stillinga</h2>Vi søkjer ein person som hovudsakleg skal arbeide med alkohol- og narkotikapolitikken. Arbeid med andre saksfelt i avdelinga kan òg vere aktuelt.Den nye kollegaen vår skal arbeide med:<ul><li>fagleg utvikling på alkohol- og narkotikaområdet, inkludert arbeid med det faglege kunnskapsgrunnlaget</li><li>sakshandsaming og utgreiingsoppgåver</li><li>vanlege forvaltingsoppgåver, som å svare på førespurnader frå enkeltpersonar og førebu saker til politisk leiing</li><li>oppgåver knytte til nordisk, europeisk og internasjonalt samarbeid</li></ul> <h2>Kvalifikasjonar og eigenskapar</h2>Du må ha:<ul><li>høgare relevant utdanning, fortrinnsvis på masternivå</li><li>svært god skriftleg og munnleg framstillingsevne på norsk</li><li>god skriftleg og munnleg framstillingsevne på engelsk</li></ul>Nyutdanna er velkomne til å søkje på stilling som førstekonsulent. Tilsetjing føreset bestått utdanning på tidspunktet for tiltreding. For stilling som rådgjevar krev vi som hovudregel minst tre års relevant erfaring, og for seniorrådgjevar minst seks år. Den som vert tilsett, må kunne autoriserast for behandling av informasjon gradert BEGRENSA eller høgare etter sikkerheitslova.Det er ein føremon om du har:<ul><li>kjennskap til offentleg forvalting</li><li>relevant erfaring, til dømes frå arbeid i departement, utgreiingsoppgåver og internasjonalt arbeid</li><li>forståing for samspelet mellom politikk og forvalting</li><li>kjennskap til og interesse for saksområda i seksjonen og avdelinga</li><li>kjennskap til eigarstyring av statlege selskap</li></ul> Personlege egenskaparVi ser etter deg som:<ul><li>tek initiativ og arbeider sjølvstendig, strukturert og effektivt</li><li>har gode analytiske og strategiske evner</li><li>er pliktoppfyllande og har god gjennomføringsevne</li><li>er raus, fleksibel og omgjengeleg, og har vilje til å arbeide tverrfagleg</li><li>er god til å motivere og involvere kollegaer</li><li>er engasjert og flink til å finne løysingar i komplekse saker med ulike interesser</li><li>har god samfunnsforståing og interesse for politiske prosessar og statlege styringsverkemiddel</li></ul>Vi legg vekt på personlege eigenskapar som gjer nettopp deg skikka til stillinga. <h2>Mangfald og inkludering i Helse- og omsorgsdepartementet </h2>Vi er opptekne av mangfald, og meiner inkludering og mangfald er ein styrke. Vi ønskjer å vere ein arbeidsstad som speglar folket, og vi ønskjer medarbeidarar med ulike kompetansar, fagkombinasjonar, livserfaring og perspektiv for å medverke til endå betre oppgåveløysing. Vi oppmodar derfor alle kvalifiserte kandidatar til å søkje.Vi har eit personalpolitisk mål om å inkludere personar med nedsett funksjonsevne og personar som har stått utanfor arbeid eller utdanning i lengre tid, og vi legg til rette arbeidstilhøva om det trengst.Dersom det er kvalifiserte søkjarar med funksjonsnedsetjing, hol i CV-en eller innvandrarbakgrunn, skal vi kalle inn minst éin søkjar i kvar av desse gruppene til intervju. For å bli vurdert som søkjar i desse gruppene, det vil seie positivt særhandsama på denne måten, må søkjarane oppfylle visse krav. Les meir om krava på <a href="https://arbeidsgiver.difi.no/positivsaerbehandling" rel="nofollow">Arbeidsgjevarportalen</a>Vi oppmodar deg til å krysse av i jobbportalen dersom du har funksjonsnedsetjing, hol i CV-en eller innvandrarbakgrunn. Avkryssinga i jobbsøkjarportalen gjer grunnlag for anonymisert statistikk som alle statlege verksemder rapporterer i sine årsrapportar. <h2>Vi tilbyr</h2><ul><li>eitt års vikariat</li><li>stillingsbrøk: 100 %</li><li>sjølvstendige og varierte arbeidsoppgåver</li><li>eit spennande arbeidsområde med gode høve til fagleg utvikling</li><li>eit godt arbeidsmiljø med kompetente, engasjerte og trivelege kollegaer</li><li>fem veker ferie, fleksitidsordning og gode velferdsordningar</li><li>god pensjons- og låneordning gjennom Statens pensjonskasse</li><li>trening i arbeidstida</li></ul>Les meir om å jobbe hos HOD her: <a href="https://www.regjeringen.no/no/dep/hod/jobb-i-hod/jobbe-i-helse--og-omsorgsdepartementet/id2411858/" rel="nofollow">Jobbe i Helse- og omsorgsdepartementet</a>Vi er underlagde lov- og avtaleverk som sikrar dei tilsette ryddige arbeids- og tenesteforhold.Den som vert tilsett må kunne autoriserast for behandling av informasjon gradert BEGRENSA eller høgare etter sikkerheitslova. Løn:kr. 580 000 - 980 000 avhengig av kvalifikasjonar og erfaring. For særleg kvalifiserte søkjarar kan vi vurdere høgare løn.2 % innskot til Statens pensjonskasse blir trekt frå løna. Medlemskapen er ei av dei beste pensjonsordningane i landet, med gunstig bustadlån og gode forsikringsordningar. <h2>Bakgrunnssjekk</h2>HOD samarbeider med Semac for bakgrunnssjekk av aktuelle kandidatar. Bakgrunnssjekken blir utført etter samtykke frå deg som søkjar, og innebærerat me verifiserer CV og annan søknadsdokumentasjon i samband med tilsetjinga. <h2>Slik søkjer du</h2>Send søknad elektronisk via lenka &#34;Søk stillinga&#34; nedst på sida til JobbNorge.no. Legg ved vitnemål og eventuelle attestar, og legg inn opplysningar til din CV.   Alle dine personopplysningar vert tatt vare på i samsvar med GDPR.     Unntak fra offentlig søkerliste  I samsvar med offentleglova § 25 gjer vi merksam på at opplysningar om søkjaren kan bli offentleggjort, sjølv om søkjaren har bede om ikkje å bli ført opp på søkjarlista.

Eitt års vikariat som førstekonsulent/rådgjevar/seniorrådgjevar i Folkehelseavdelinga