Helse Møre Og Romsdal Hf

Ålesund

Kjetil Lundberg

HR-Direktør

<p><strong></strong><strong>Stillinga som HR-sjef i Helse Møre og Romsdal er ledig!</strong></p><p>Helse Møre og Romsdal HF har eit krevjande og meiningsfylt oppdrag: Vi skal levere gode helsetenester av høg kvalitet, samstundes som vi må omstille for å sikre berekraftig drift og møte dei demografiske utfordringane. HR-funksjonen i Helse Møre og Romsdal spelar ei avgjerande rolle for at føretaket skal lukkast med oppdraget sitt. Gjennom profesjonelle og framtidsretta HR-tenester skal vi bidra til utvikling, kvalitet og gjennomføringsevne i alle klinikkane og i heile organisasjonen.</p><p>HR-sjefen er leiar for HR-seksjonen. Stillinga har ansvar for å drifte og vidareutvikle HR-funksjonen slik at føretaket får best moglege HR-tenester, både strategisk og operativt, innanfor gjeldande rammer. </p><p>HR-seksjonen er eit av fylket sine største HR-miljø og består av tre team med ulike ansvarsområde, samt HMS-koordinator. </p><p>I stillinga som HR-sjef vil du ha personal- og fagansvar, og du vert ei viktig drivkraft for utvikling, kvalitet og samhandling i heile HR-portefølja. Du har også ansvar for personaloppfølging av frikjøpte tillitsvalde, samt budsjettering og økonomistyring i seksjonen.</p><p>HR-sjefen rapporterer til HR-direktøren, og må pårekne å fungere som stedfortredar for HR-direktøren i føretaksleiinga. Du deltek òg ved høve i det regionale HR-direktørnettverket og vert ein sentral rådgivar og støttespelar for HR-direktøren.<br /></p><p>Dette er ei rolle for deg som ønskjer å kombinere strategisk HR-utvikling med tydeleg personalleiing og tett operativ oppfølging – i ein kvardag prega av høgt tempo, kompleksitet og sterke fagmiljø. Du må rekne med å ha eiga HR-portefølje og bidra i konkrete prosjekt og leveransar.</p><p>Den største delen av fagmiljøet er samla i Ålesund. Arbeidsstaden din vil difor vere i administrasjonsbygget ved Ålesund sjukehus. Noko reising må påreknast mellom sjukehusa og institusjonane i føretaket.<br /></p><p>Er du topp motivert til å vere med og bygge framtidas HR-tenester i Helse Møre og Romsdal? Då vil vi gjerne høyre frå deg.</p><br />
<h3>Arbeidsoppgåver</h3><ul><li>Leie, støtte og utvikle medarbeidarar i HR-seksjonen  </li><li>Sikre heilskapleg leveranse og kontinuerleg forbetring av HR-tenestene  <br /></li><li>Utøve tydeleg personalleiing og skape trivsel, tillit og fagleg stoltheit i seksjonen  <br /></li><li>Ha stor interesse for heile HR-porteføljen – frå strategisk HR og leiingsstøtte til drift, HMS og personalforvaltning  <br /></li><li>Bidra i lokale, regionale og nasjonale oppdrag innan HR-feltet  <br /></li><li>Vidareutvikle og implementere prosessar innan rekruttering, leiar- og organisasjonsutvikling, HMS, arbeidsgivarpolitikk og medarbeidaroppfølging / personal.   <br /></li><li>Vere ein sentral pådrivar for samhandling i stabsområdet, særleg med fagavdeling, økonomiavdeling og bedriftshelseteneste  <br /></li><li>Ved behov, representere HR-direktør i føretaksleiinga og i regionale fora  <br /></li><li>Bidra til utvikling av felles HR-strategiar og prosjekt i samarbeid med Helse Midt-Noreg  </li></ul><h3>Kvalifikasjonar</h3><ul><li>Høgare relevant utdanning innan HR, leiing, organisasjonsutvikling, økonomi og/eller jus/arbeidsrett  (minimum bachelor)</li><li>Brei HR-kompetanse og genuin interesse for heile HR-feltet – frå strategisk utvikling til operativ støtte  </li><li>Fleire år med leiarerfaring, helst frå større og komplekse verksemder, og kan vise til resultat</li><li>Erfaring frå offentleg verksemd og sjukehusdrift vil vere ein fordel, men er ikkje eit krav.<br /></li></ul><h3>Personlege eigenskapar</h3><ul><li>Du har svært gode munnlege og skriftlege språklege ferdigheiter. HMR nyttar nynorsk som offisiell målform.  </li><li>Du har evne til å bygge kultur og resultat gjennom andre. </li><li>Å vere personlig egna vert vektlagt ved tilsetting</li></ul><h3>Vi tilbyr</h3><ul><li>Ei nøkkelrolle med stort handlingsrom og strategisk betydning  <br /></li><li>Eit engasjert HR-miljø med høg kompetanse, sterk lagkjensle og moglegheit for reell påverknad  <br /></li><li>Medarbeidarar og leiarar som er opptekne av eit godt arbeidsmiljø, og at du skal trivast og lukkast <br /></li><li>Særleg uavhengig og leiande stilling, unntatt frå arbeidsmiljølova sine arbeidstidsbestemmelsar. </li><li>Løn etter avtale, avhengig av kvalifikasjonar og erfaring.  <br /></li><li>Gode pensjons- og forsikringsordningar  </li></ul><p>Vi ber om at attestar og vitnemål vert scanna og lasta opp som vedlegg til din CV.</p><p><em>Ålesund er kåra til den vakraste byen i Norge. Ålesund sin vakre Jugendstilarkitektur er viden kjent. Eit mangfald av tårn, spir og vakre utsmykkingar er som teken ut av eit eventyr. Byen og omlandet har eit særs rikt kultur- og konsertliv med nasjonale og internasjonale artistar. Du kan og oppleve eit mangfold av fjordar, øyer og fjell som ventar på å få begeistre deg. <a href="https://www.visitnorway.no/reisemal/vestlandet/alesund-sunnmore/" rel="nofollow"><strong>Les meir om Ålesund og omland her.</strong></a></em></p><h3>Kontaktinformasjon</h3>Kjetil Lundberg, HR-Direktør, &#43;47 90018120<br />
<h3>Arbeidsstad</h3>Åsehaugen 5<br />
6017 Ålesund<br />
<h3>Nøkkelinformasjon:</h3>Arbeidsgivar: Helse Møre og Romsdal HF<br />
<br />
Referansenr.: 5028915517<br />
Stillingsprosent: 100%<br />
Fast<br />
Søknadsfrist: 10.11.2025<br />
<br />


HR - sjef