Helse Førde Hf

Førde

Kristina Apalseth Kalland

Avdelingssjef

<p><strong>Har du eit brennande engasjement for Medisinsk mikrobiologi? </strong></p><p><strong>Mikrobiologisk avdeling ved Førde sentralsjukehus har frå hausten 2025 ledig 100% fast stilling som lege i spesialisering, LIS3. <br />Tidspunkt for tiltreding etter avtale.</strong> <br /></p><p>Mikrobiologisk avdeling er ei av 11 avdelingar i medisinsk klinikk. Avdelinga gjev laboratorietenester innan bakteriologi, serologi og molekylærbiologi til innbyggarane i Sogn og Fjordane. Vi mottek, analyserar og gjev ut svar på prøver til avdelingar i Helse Førde, samt eksterne legekontor og kommunale helseinstitusjonar. </p><p>Fag og teknologi utviklar seg raskt, spesielt innan molekylærbiologi. Her har fleire analyser vore etablert dei siste åra - og i 2025 vart laboratoriearealet til molekylærbiologi utvida. Avdelinga har fokus på kvalitet og er akkreditert etter standard for medisinske laboratorium NS-EN ISO 15189. Avdelinga har eit tverrfagleg miljø med 27 tilsette. Det er tett samarbeid mellom legar, bioingeniørar, molekylærbiologar, avdelingsingeniørar og sekretærar.</p><p>Avdelinga har regionalt samarbeid med dei mikrobiologiske avdelingane ved sjukehusa i Stavanger, Fonna og Bergen – som alle nyttar same labdatasystemet, Unilab700. Vidare er avdelinga også del av lokalt laboratorieprosjekt i Helse Førde, samt prosjektarbeid knytt til Nye Førde Sjukehus der ein jobbar med vidare modernisering innan bygg og instrumentpark.</p><p>Den utlyste stillinga gjeld for spesialiteten medisinsk mikrobiologi og gjev teneste som del av spesialiseringa i medisinsk mikrobiologi. Det er i tillegg krav om minimum 12 månadars mikrobiologisk teneste ved universitetssjukehus. I samarbeid med mikrobiologisk avdeling på Haukeland Universitetssjukehus, får LIS i Førde høve til å ta naudsynt teneste der.</p><p>LIS har i utgangspunktet dagtidsjobb måndag – fredag kl. 08:00 – 16:00. Deltaking i overlegane si vaktordning laurdagar og heilagdagar kan bli aktuelt ei stund ut i spesialiseringsløpet. <br /></p><br />
<h3>Arbeidsoppgåver</h3><ul><li>LIS deltek i arbeidsoppgåver knytt til mikrobiologisk diagnostikk og godkjenning av prøvesvar</li><li>Undervisning og rettleiing av andre tilsette ved mikrobiologisk avdeling samt rekvirentar</li><li>Deltaking i kvalitets- og utviklingsarbeid ved avdelinga</li></ul><h3>Kvalifikasjonar</h3><ul><li>Norsk autorisasjon som lege og godkjend turnusteneste/LIS1</li><li>Røynsle med medisinsk mikrobiologi eller klinisk relevant teneste er fordel</li><li>Må beherske norsk godt, både munnleg og skriftleg. Søkjarar utanfor Skandinavia må kunne vise til dokumentasjon på dette.     </li></ul><h3>Personlege eigenskapar</h3><ul><li>Interesse for fagfeltet og motivasjon for å vidareutvikle kompetansen</li><li>Gode evner til kommunikasjon og samarbeid</li><li>Strukturert og målretta</li><li>Tar aktivt ansvar for eiga læring - og får oppgåvene gjort.</li><li>Positiv, arbeidsvillig og fleksibel</li><li>Personleg eignaheit vert vektlagt          </li></ul><h3>Vi tilbyr</h3><ul><li>Kompetente kollegaer i tverrfagleg miljø</li><li>Løn i samsvar med gjeldande overeinskomst</li><li>Gode pensjons- og forsikringsordningar </li><li>Rekrutteringstillegg</li></ul><h3>Kontaktinformasjon</h3>Kristina Apalseth Kalland, Avdelingssjef, (&#43;47) 959 23 340<br />
<h3>Arbeidssted</h3>Svanehaugvegen 2<br />
6812 Førde<br />
<h3>Nøkkelinformasjon:</h3>Arbeidsgiver: Helse Førde<br />
<br />
Referansenr.: 4753087272<br />
Stillingsprosent: 100%<br />
Fast<br />
Søknadsfrist: 03.07.2025<br />
<br />


Lege i spesialisering