Helse Bergen Hf

Bergen

Maria Sigurjonsdottir

Fungerande avdelingsoverlege

Frøydis Haugan

Klinikkdirektør

<p>Vi søkjer no ein ny kollega som vil vere med å vidareutvikle eit heilskapleg og framtidsretta behandlingstilbod for ei kompleks pasientgruppe ved vår Lokale sikkerheitsavdeling. Klinikken er ein del av Divisjon psykisk helsevern i Helse Bergen og består i dag av fem seksjonar: Regional sikkerheitsavdeling (RSA), Lokal sikkerheitsavdeling (LS), Fengselshelsetenesta, Kompetansesenter for sikkerheits-, fengsels- og rettspsykiatri, og Sikkerheitspoliklinikken. Frå medio april 2026 vil vi etablere ei sjette seksjon – Lokal Sikkerheit Rehabilitering – med åtte sengeplassar. <br /><br />Arbeidet i klinikken er prega av tett tverrfagleg samarbeid, med tid til rettleiing, faglege diskusjonar og fordjuping i pasientarbeidet. Vi legg stor vekt på langsiktige relasjonar og stabilitet i behandlinga. <br /><br />Gjennom Program for psykisk helsevern for framtida vil Klinikk sikkerheitspsykiatri bli ein del av Nye Sandviken. Formålet er å skape  eit nytt kapittel, der vi skal utvikle eit langsiktig og heilskapleg tilbod for pasientar med samansette behov.</p><p>I åra som kjem vil vi arbeide for større differensiering av sengepostane og meir samanhengande pasientforløp. Dette er ei unik moglegheit til å vere med og forme framtida innan lokal sikkerheitspsykiatri i Helse Bergen. Vi har no ledig ei 100 % stilling som overlege ved Lokal sikkerheitsavdeling. Sengeposten tek imot pasientar med alvorlege psykiske lidingar og høg risiko for vald, ofte i kombinasjon med personlegdomsforstyrringar og rusproblematikk. Overlegen vil verte sentral i vidareutviklinga og ombygginga av det lokale sikkerheitstilbodet i Helse Bergen.</p><h3>Arbeidsoppgåver</h3><ul><li>Fagleg ansvar for pasientar ved Lokal sikkerheitsavdeling</li><li>Deltaking i inntaksteamet ved Lokalt sikkerheitsnivå</li><li>Klinisk verksemd med utgreiing, diagnostisering og behandling av psykiske lidingar, valdsrisikovurderingar og handtering</li><li>Gje rettleiing til øvrig personell, kommune og andre samarbeidspartnarar</li><li>Delta i det tverrfaglege arbeidet ved klinikken, samt på tvers i divisjonen</li><li>Det kan bli aktuelt å påta seg behandlingsansvar for pasientar ved andre seksjonar i klinikken</li></ul><h3>Kvalifikasjonar</h3><ul><li>Norsk autorisasjon som lege med spesialitet innan psykiatri</li><li>Erfaring frå sikkerheitspsykiatri/rettspsykiatri og rehabilitering vil bli vektlagt</li><li>Interesse for organisasjonsutvikling og erfaring med implementering</li><li>Interesse for rettspsykiatri</li><li>Gode norskkunnskapar, både skriftleg og munnleg</li></ul><h3>Personlege eigenskapar</h3><ul><li>Evne og vilje til å gjennomføre helhetlige sikkerheitspsykiatriske pasientforløp</li><li>Inkluderande samarbeidsstil</li><li>Bidrar positivt i arbeidsmiljøet</li><li>Trivst å arbeide i team og med ei krevande pasientgruppe</li><li>Gode kommunikasjonsevner</li></ul><h3>Vi tilbyr</h3><ul><li>Spennande og utfordrande arbeidsoppgåver i eit fagfelt med gode utviklingsmoglegheiter</li><li>Gode høve for deltaking i interne og eksterne kurs/ konferansar</li><li>Stort og godt fagmiljø</li></ul><p>Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.</p><h3>Kontaktinformasjon</h3><p>Frøydis Haugan, Klinikkdirektør, 908 25 279<br />Maria Sigurjonsdottir, Fungerande avdelingsoverlege, 476 21 929</p><h3>Arbeidsstad</h3><p>Sandviksleitet 1<br />5036 Bergen</p><h3>Nøkkelinformasjon:</h3><p>Arbeidsgivar: Helse Bergen HF<br /> <br />Referansenr.: 5037705036<br />Stillingsprosent: 100%<br />Fast<br />Søknadsfrist: 14.12.2025</p>