Hardanger Og Voss Næringshage

Voss

Vil du vera med og forma framtida for reiselivet på Voss? Brenn du for reiselivsutvikling og ønskjer å spela ei nøkkelrolle i å vidareutvikle Voss sin posisjon som eit attraktivt og berekraftig reisemål?
Voss er verdskjend gjennom festivalar som Ekstremsportveko og Vossa Jazz, gjennom våre mange OL-vinnarar og skiheltar, og for vår fantastiske natur- og kulturarv. Om vinteren vert Voss forvandla til eit vintereldorado der du kan boltra deg i to ulike alpinanlegg, kilometervis med langrennsløyper eller i den flotte fjellheimen vår.
Visit Voss er i dag ein integrert del av næringsutviklingsselskapet Hardanger og Voss Næringshage, etter samanslåing med Næringshagen i 2021. Samarbeidet omfattar òg Turistinformasjonen som ein del av Visit Voss og sentrumsforeininga Voss Sentrum. Til saman er me kring 15 faste tilsette samt fleire dedikerte turistvertar knyta til turistinformasjonen.
Hovudoppgåvene til Visit Voss er å koordinere og marknadsføre reiselivet på Voss, samt drive prosjektutvikling innan reiseliv. Voss har som målsetjing å vere leiande som heilårsreisemål i Noreg, med ambisiøs satsing på produktportefølje og berekraftig utvikling.
Arbeidsoppgåver
Som leiar for Visit Voss vil du mellom anna ha ansvar for:
· Personalleiing og oppfylging
· Budsjett-, strategi og handlingsplanarbeid
· Marknadsarbeid, overordna /styring av team
· Prosjektsøknader og andre søknader om midlar
· Oppfølging av prosjekt /prosjektleiing /prosjektansvar/rapportering
· Oppfølging turistinformasjonen med utforming og innhald
· Oppfølging av samarbeidspartnarar, arbeidsfora og møter
· Kontaktpunkt for Voss Reiselivsråd, Voss herad, fylkeskommunen m.fl.
· Internasjonalt marknadsarbeid i samarbeid med Fjord Norge
· Konseptutvikling nye satsingar
· Vera ein synleg ambassadør for Visit Voss og Hardanger og Voss Næringshage i relevante nettverk og møteplassar
Noko reiseverksemd må påreknast
Om kandidaten
· Har solid erfaring frå reiselivsbransjen eller destinasjonsutvikling
· Høgare utdanning innan relevant fagområde (til dømes reiseliv, sal/marknadsføring, økonomi/administrasjon, leiing eller liknande). Solid erfaring kan kompensera for utdanning
· Er ein engasjert og strategisk leiar, med evne til å bygge tillit og nettverk
· Kommuniserer godt på både nynorsk og engelsk
· Ønskjer å bidra til berekraftig reiselivsutvikling på Voss
· Kommersiell teft og salserfaring
Me tilbyr
· Moglegheittil å påverke utviklinga av eit av Noregs mest spennande heilårsreisemål
· Ein sentral og strategisk rolle i eit inkluderande og dynamisk utviklingsmiljø
· Ein arbeidsplass med stor grad av friheit, ansvar og tverrfagleg samspel
Gode moglegheiter for fagleg utvikling, til dømes innan berekraft, digitalisering og prosjektleiing

Hardanger og Voss Næringshage søkjer avdelingsleiar til reiselivsavdelinga, destinasjonsselskapet Visit Voss