Gloppen Kommune

Sandane

Birte Fossheim

Kultursjef

<p>Gloppen folkebibliotek er plassert i hjarte av kultursenteret i kommunen - Kulturhuset Trivselhagen. Vi søkjer etter ein engasjert biblioteksjef som vil vidareutvikle det gode bibliotektilbodet vi har i kommunen.  <br /><br />Gloppen folkebibliotek er ein pulserande arbeidsplass med sin samlokalisering i lag med Firda vgs, Kulturhuset Trivselshagen og Gloppen kulturskule. I tillegg til biblioteket er her kultursal/konsertscene, kino, kafé, dansesalar, dramasal og møterom. Utanom biblioteket sine ordinære opningstider med betjening, har vi meirope bibliotek frå kl 07 – 23 kvar dag. Dette gjer biblioteket svært tilgjengeleg for innbyggjarane i kommunen. Biblioteket vårt er moderne og nyoppussa, med ein god atmosfære. Ein populær stad der det er godt å vere!  <br /><br />Som biblioteksjef får du ein variert og meiningsfull kvardag, med ansvar for å drifte og vidareutvikle bibliotektilbodet i kommunen. Folkebiblioteket si overordna rolle er å bidra til kulturformidling, demokratiutvikling og tilgang for alle, og er sentralt for biblioteket sitt breie samfunnsoppdrag. I jobben som biblioteksjef får du høve til å påverke og realisere idear som stettar dette.  <br /><br />På biblioteket vårt vert det skapt leseglede for dei alle minste til folk i alle alder. Vi har godt samarbeid med lag- og organisasjonar om ulike arrangement og foredrag på biblioteket. Eksterne tilskotsmidlar og prosjektarbeid er også ein viktig del av biblioteksjefen sin kvardag for å vidareutvikle bibliotektilbodet vårt.  <br /><br />Gloppen folkebibliotek har i dag 2,7 årsverk, og fungerer som skulebibliotek for Firda vgs med elevar og lærarar. Biblioteksjefen inngår i kultureininga si leiargruppe.</p><h3>Arbeidsoppgåver</h3><ul><li>Fagleg ansvar for drift og utvikling av biblioteket</li><li>Vidareutvikle biblioteket som ein lågterskel møteplass og ein synleg kulturaktør i lokalsamfunnet</li><li>Vere pådrivar for utviklingsarbeid og samskaping med andre aktørar</li><li>Tverrfagleg samarbeid lokalt og interkommunalt</li><li>Vere del av turnus på skrankevakt</li></ul><h3>Kvalifikasjonar</h3><ul><li>Godkjent bibliotekfagleg utdanning i tråd med <a href="https://lovdata.no/dokument/SF/forskrift/2013-12-20-1656" rel="nofollow">folkebiblioteklova § 5</a></li><li>Det kan søkjast om dispensasjon frå kravet om fagutdanna biblioteksjef dersom vi ikkje får kvalifiserte søkjarar</li><li>Erfaring frå arbeid i bibliotek eller tilsvarande er ein fordel</li><li>God kjennskap til litteratur og digital kompetanse</li><li>God i både skriftleg og muntleg framstilling, samt beherske engelsk godt</li></ul><h3>Personlege eigenskapar</h3><p>Vi ønskjer ein biblioteksjef som</p><ul><li>er engasjert i å vidareutvikle biblioteket som møteplass for litteratur, kunnskap og kulturformidling</li><li>er omstillingsdyktig og serviceinnstilt</li><li>er ein engasjert formidlar innan litteratur</li><li>jobbar systematisk og løysningsorientert</li><li>har gode samarbeidsevner både internt og eksternt, og byggjer gode relasjonar</li><li>bidreg til heilskapleg tenesteutvikling i leiarteamet på kultur, idrett og fritid</li></ul><h3>Vi tilbyr</h3><ul><li>Ein spennande arbeidsplass i eit moderne bibliotek som ligg i eit pulserande miljø i Kulturhuset Trivselshagen.</li><li>Løn etter avtale.</li></ul><h3>Kontaktinformasjon</h3><p>Birte Fossheim, Kultursjef, &#43;47 924 77 248</p><h3>Arbeidsstad</h3><p>Firdavegen 21<br />6823 Sandane</p><h3>Nøkkelinformasjon:</h3><p>Arbeidsgivar: Gloppen kommune<br /> <br />Referansenr.: 5046216024<br />Stillingsprosent: 100%<br />Fast<br />Søknadsfrist: 04.01.2026</p>

Er du vår nye biblioteksjef?