Fjaler Kommune

Dale I Sunnfjord

Heidi Roos

<p> </p><p>Fjaler kommune har kjøpt ein studieplass på desentralisert helsesjukepleiarutdanning gjennom Studiesenter Vesterålen. Det er ingen karakterkrav, men du må være offentleg godkjent sjukepleiar med minimum eitt års praksis etter endt utdanning.</p><p>Vi søkjer ein motivert sjukepleiar som vil ta ei spanande vidareutdanning i kombinasjon med jobb på helsestasjonen. Du eig ei 100% fast stilling i Fjaler kommune, men jobbar 70 % under utdanninga (du får løn tilsvarande prosenten du jobbar). Det er to års bindingstid etter endt studie. Den faste stillinga fordrar at du startar på studiet i 2026 og fullfører på normert tid. Kommunen dekker studieplassen og utgifter knytt til studiet, med unntak av kostnader til dei fysiske samlingane i starten av kvart semester, som studenten sjølv må dekke.</p><h2>Om studiet</h2><ul><li>Ordinær helsesjukepleiarutdanning tek 1,5 år (2 år dersom ein vel masterutdanning).</li><li>Den desentraliserte utdanninga går over 6 semester (3 år) og gir 90 studiepoeng.</li><li>Undervisninga er digital forutan ei veke fysisk samling på Elverum i starten av kvart semester.</li><li>Universitetet arbeider for at flest mogleg eksamenar kan takast lokalt.</li><li>Det er tre periodar praksis i løpet av dei tre første semestera (ikkje på eigen arbeidsplass).</li><li>Tilrettelegging i studiet: Studenten bør ha 7–10 timar per veke avsett til studiar.</li><li>Det kan leggast til rette for masterstudium over 4 år etter nærare avtale.<br /><br /></li></ul><h2>Krav til kandidaten</h2><ul><li>offentleg godkjent sjukepleiar</li><li>minimum eitt års praksis etter endt utdanning</li><li>interesse for fagfeltet barn, unge og familiane deira</li><li>gode relasjonelle ferdigheiter</li><li>god på kommunikasjon og i dialog med barn og foreldre</li><li>evne til å arbeide både sjølvstendig, i team og tverrfagleg.</li><li>interesse for og ønskje om å styrkje kompetansen i samtalar med barn og foreldre, og i vurdering av psykososiale forhold</li><li>god norsk munnleg og skriftleg framstillingsevne</li><li>førarkort klasse B</li></ul><p><strong>Personleg eignaheit vil bli vektlagt.</strong><br /><br /></p><h2>Les meir om studiet:</h2><p><a href="https://rkkv.no/hjem/helsesykepleier_suksesshistorie" rel="nofollow">Sjå heimesida til Studiesenter RKK Vesterålen, her kan du lese meir om den desentraliserte helsesjukepleierutdanninga.</a></p><h3>Lån og stipend hos Lånekassen:</h3><p>Studiet er lagt til Universitetet i Innlandet som er godkjent for støtte i Lånekassen. </p><p>Studentar kan søkje om:</p><ul><li>basislån</li><li>skulepengelån</li><li><a href="https://lanekassen.no/nb-NO/presse-og-samfunnskontakt/nyheter/stipend-og-lan-til-voksne-studenter/#samtykke-banner" rel="nofollow">På lånekassen.no finn du meir informasjon om ordningar for vaksne studentar.</a></li></ul><p> </p><p>Høyrest dette ut som noko for deg? Då håpar vi du sender inn ein søknad. Ta gjerne kontakt med oss om du har spørsmål.</p><p>Vi gjer merksam på at søkjarliste med namn, kjønn, alder og noverande stilling i utgangspunktet er offentleg. Dersom det ikkje er særlege grunnar for å unnta offentleggjering, vil søkjaren bli kontakta og få høve til å trekke søknaden sin før søkjarliste blir gjort offentleg.</p><p> </p> <br /> Link til søknadsskjema: <a href="https://fjaler.easycruit.com/vacancy/application/3566479/181513?channel&#61;NavRest&amp;iso&#61;nn" rel="nofollow">Søk her</a>

Ønskjer du nye utfordringar som sjukepleiar og vil vidareutdanne deg til helsesjukepleiar? No har du sjansen!