Fitjar Kommune

Louise C Pettersen

Etatssjef

<h1>Einingsleiar tekniske tenester</h1>
Eining for tekniske tenester har ansvaret for drifta av den kommunale eigedomsmassen, inkludert vegar, bruer, kaier og grøntområde; reinhald og vatn og avlaup. Eininga er nyoppretta etter ei omorganisering av etaten Samfunnsutvikling og drift, og dermed ser me no etter ein engasjert og dyktig einingsleiar som kan byggja opp den nye eininga.
Einingsleiar vil inngå i etaten si leiargruppe saman med kommunalsjef, brannsjef og einingsleiar for forvaltning.
Driftsavdelingane knytt til eininga har base i Årskog, men einingsleiaren vil også ha kontor på Fitjar rådhus. Administrasjonsmålet er nynorsk.
 
<h2>Sentrale arbeidsoppgåver</h2>
<ul><li>
Dagleg leiing og oppfylging av eininga.
</li><li>
Overordna fag-, økonomi- og personalansvar for eininga
</li><li>
Særskilt ansvar for vatn og avlaup, inkludert utgreiingsarbeid og sakshandsaming, t.d:
</li></ul>
o Plan for naudvassforsyning
o Arbeid med å inkorporera VA-norma i Vannstandard
o Driva fram arbeidet med lekkasjesøk og reparasjonar av vassnettet
o Utarbeida forslag til ny lokal gebyrforskrift og ordning for vassmålarar
o Utarbeida mal for utbyggingsavtalar
o Arbeid med rutinar, årsplanar, driftsdokumentasjon og internkontroll
o Ajourføring av VA-kartbasen
<ul><li>
Oppfylging av eininga sine drifts- og serviceavtaler, med særskilt vekt på vatn og avlaup
</li><li>
Gjennomføring av mindre driftsprosjekt
</li><li>
Sakshandsaming etter aktuelle regelverk, slik som t.d. svara på nabovarsel, handsama saker etter veglova osv.
</li><li>
Digitaliseringsarbeid knytt til eininga sine fagområde
</li><li>
Fylgja opp og organisera HMT-arbeidet på eininga
</li><li>
Samarbeid med interne og eksterne brukarar og kundar
</li></ul>
Avdelingane på eininga er relativt små og einingsleiar må difor pårekna å bidra med praktisk arbeid når det er behov for det. Einingsleiar må og pårekna å ta del i teknisk vakt på lik linje med dei andre tilsette på eininga.
 
<h2>Kvalifikasjonar for stillinga</h2>
<ul><li>
Fagskule-, ingeniør- eller annan relevant utdanning innan VA-faget. Lang realkompetanse vil kunna kompensera for manglande formell utdanning.
</li><li>
Relevant praktisk erfaring frå eininga sine ansvarsområde vil vera positivt
</li><li>
Kjennskap til aktuelle regelverk knytt til t.d. vegar, skilting, offentlege innkjøp osv er ein føremon.
</li><li>
Evne til å leia og skapa tillit og samarbeida med andre
</li><li>
Gode samarbeids- og kommunikasjonsevner både munnleg og skriftleg. Det er ein føresetnad å kunna arbeida med saksutgreiingsoppgåver og skriftleg sakshandsaming.
</li><li>
Framtidsretta, engasjert og sjølvstendig
</li><li>
Vilje og evne til å setja seg inn i dei delane av eininga sine ansvarsområde som du kjenner mindre til frå før
</li><li>
Førarkort i klasse B, gjerne BE
</li></ul>
Personlege eigenskapar som er naudsynt for stillinga vil verta vektlagde.
 
<h2>Me kan tilby</h2>
<ul><li>
Spanande og meiningsfylte arbeidsoppgåver innanfor eit viktig samfunnsområde
</li><li>
Godt arbeidsmiljø med engasjerte medarbeidarar
</li><li>
God offentleg pensjonsordning
</li><li>
Stilling i ei inkluderande arbeidslivsverksemd (IA -verksemd)
 
</li></ul>
Dersom søkjar ynskjer å verta unnateke frå offentleg søkjarliste, lyt søkjar spesifisera og grunngje det i søknaden. Opplysningar om søkjaren kan verta gjort offentlege sjølv om søkjaren har oppmoda om ikkje å verta ført på søkjarlista. Dersom oppmodinga ikkje vert teke til fylgje, skal søkjaren varslast om dette.
For nærare info om stillinga, ta kontakt med kommunalsjef for Samfunnsutvikling og drift Louise Pettersen, tlf 415 77 063.

ID 1033 Einingsleiar tekniske tenester 100% fast stilling i Fitjar kommune