Fitjar Kommune

Louise Pettersen

kommunalsjef for Samfunnsutvikling og drift

<h2>Vi styrkjer laget -- bli med som byggjesakshandsamar</h2>
På eininga Forvaltning innan Samfunnsutvikling og drift vert det etter sommaren ledig ei rådgjevarstilling som byggjesakshandsamar. Eininga har seks tilsette, og har ansvaret for sakshandsaming hovudsakeleg innanfor fagfelta plan, byggjesak, kart og oppmåling, natur og miljø, forureining og landbruk. Me sel også tenester til Austevoll kommune innanfor landbruk og miljø.
Fast kontorstad for stillinga er Fitjar rådhus. Administrasjonsmålet er nynorsk.
 
Arbeidsoppgåver:
<ul><li>
Handsaming av byggjesaker og dispensasjonssaker
</li><li>
Handsaming av seksjoneringssaker
</li><li>
Handsaming av saker etter hamne- og farvasslova
</li><li>
Adressering
</li><li>
Matrikkelføring av bygningar
</li><li>
Rettleiing og kontakt med publikum og næringsliv
</li></ul>
Fitjar kommune er ein liten organisasjon, og den som vert tilsett må rekna med å ta del i andre saker på eininga, t.d. handsaming av plansaker, saker om landbruksvegar og saker etter veglova. Me forsøker å fordela arbeidsoppgåvene mellom dei tilsette etter interesse og kvalifikasjonar.
 
Kvalifikasjonar for stillinga:
<ul><li>
Relevant høgare utdanning, t.d. jus, arkitektur, byggingeniør eller liknande.
</li><li>
Manglande utdanning kan i særskilte tilfelle kompenserast med relevant arbeidserfaring.
</li><li>
Kjennskap til plan- og bygningslova er ein føremon.
</li><li>
Erfaring med digitale kartverktøy er ein føremon.
</li><li>
Kjennskap til offentleg forvaltning er ein føremon.
</li><li>
Vilje og evne til å læra seg dei delane av faget du ikkje har kjennskap til frå før.
</li><li>
Gode samarbeids- og kommunikasjonsevner skriftleg og munnleg.
</li><li>
Førarkort i klasse B
</li></ul>
Personlege eigenskapar som er naudsynte for stillinga vil verta vektlagde.
 
Me kan tilby
<ul><li>
Spennande og meiningsfylte arbeidsoppgåver innanfor eit viktig samfunnsområde.
</li><li>
Godt arbeidsmiljø med engasjerte medarbeidarar.
</li><li>
God offentleg pensjonsordning.
</li><li>
Stilling i ei inkluderande arbeidslivsverksemd (IA-verksemd).
</li></ul>
Dersom søkjar ynskjer å verta unnateke frå offentleg søkjarliste, lyt det spesifiserast i søknaden og grunngjevast. Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

ID 1052 Byggjesakshandamar – 100% fast stilling: Bli med og forma framtidas Fitjar!