Finanstilsynet

Oslo

Bjørn Andersen

Senior tilsynsrådgiver

Anders Sanderlien Hole

Avdelingsdirektør

<p>Finanstilsynet søker ein ny seksjonsleiar til seksjonen for konsesjonar og regulering. Seksjonen består av 13 medarbeidarar, i hovudsak juristar. Seksjonsleiaren rapporterer til avdelingsdirektøren for bank- og forsikringstilsyn og er medlem av leiargruppa i avdelinga.<br /><br />Seksjonen har ansvaret for dei fleste sakene knytte til forvalting av lover og regelverk for finansinstitusjonar. Dette omfattar konsesjonssøknader og løyve til endringar i verksemder og dispensasjonssaker innan bank og forsikring. Seksjonen har òg førebuande arbeid med regelverksutvikling på vegner av Finanstilsynet, på oppdrag frå Finansdepartementet.<br /><br />Seksjonen deltek i det internasjonale arbeidet til Finanstilsynet på desse fagområda, som òg inneber å delta i komitear og arbeidsgrupper i EU/EØS og i dei europeiske finanstilsynsmyndigheitene på bank- og forsikringsområdet.<br /><br />Seksjonsleiaren har ei viktig rolle i å planlegge, følge opp og kvalitetssikre arbeidet til seksjonen og sjå til at dei har effektive arbeidsprosessar. Vidare har seksjonsleiaren ei viktig rolle i å koordinere internt og mot andre seksjonar. Vi legg vekt på å ha eit godt arbeids- og læringsmiljø.<br /><br />Arbeidsoppgåvene er varierte og inneber utstrakt kontakt og samarbeid med bransjeorganisasjonar, marknadsaktørar, andre offentlege etatar og tilsynsmyndigheiter i andre land. Anna internasjonalt samarbeid skjer i regi av EØS, men òg på globalt og nordisk nivå.</p><br />
<h3>Arbeidsoppgåver</h3>Stillinga inneber betydelege leiingsoppgåver, både operativt og strategisk, der samfunnsoppdraget og hovudmåla til Finanstilsynet står sentralt. Seksjonsleiaren skal leie og inspirere medarbeidarane sine i ein variert arbeidskvardag, der det er store krav til fagleg kvalitet og effektivitet i gjennomføringa. Stillinga er fagleg utfordrande og omfattar eit vidt spekter av problemstillingar på finansområdet.<h3>Kvalifikasjonar</h3><ul><li>master i rettsvitskap med gode resultat</li><li>erfaring frå offentleg verksemd er ein fordel</li><li>relevant erfaring frå arbeid på finansområdet</li><li>solid kunnskap om finansmarknadene</li><li>god munnleg og skriftleg framstillingsevne, på norsk og engelsk</li><li>leiarerfaring er ein fordel, men personlege eigenskapar vil bli tillagd stor vekt</li></ul><h3>Personlege eigenskapar</h3><ul><li>tydeleg, engasjert og motiverande</li><li>evne til å ta initiativ, involvere og samarbeide</li><li>takle tidspress og ha god gjennomføringsevne</li><li>analytisk, strukturert og systematisk</li><li>positiv og løysingsorientert<br /><br /></li></ul><p>Vi legg vekt på at du er personleg eigna og er motivert for stillinga.</p><h3>Vi tilbyr</h3><ul><li>interessante og utfordrande arbeidsoppgåver i eit godt arbeidsmiljø</li><li>gode moglegheiter for utvikling på ein arbeidsplass med høg fagkompetanse</li><li>gode velferdsordningar og ein generelt fleksibel personalpolitikk</li><li>medlemskap og moglegheit for lån i Statens pensjonskasse</li><li>fleksibel arbeidstid og betalt overtid</li><li>gode treningsfasilitetar og moglegheit for å trene i arbeidstida</li><li>tiltreding og lønn etter avtale</li></ul><p><br />Anna</p><ul><li>Etter at søknadsfristen er gått ut, utarbeider vi ei offentleg søkarliste, jf. offentleglova § 25.</li><li>For å bli vurdert for stillinga må du legge ved vitnemål og relevante attestar.</li><li>Du kan skrive søknaden på nynorsk eller bokmål.</li><li>Vi utfører bakgrunnssjekk av personen som blir tilsett i stillinga.</li><li>Alle tilsette i Finanstilsynet må følge dei etiske retningslinjene våre, sjå:  <br /><a href="https://www.finanstilsynet.no/jobb-hos-oss/#Etiskeretningslinjer" rel="nofollow">https://www.finanstilsynet.no/jobb-hos-oss/#Etiskeretningslinjer</a></li><li>Finanstilsynet er oppteken av mangfald, og vi oppfordrar derfor alle kvalifiserte kandidatar til å søke jobb hos oss, uansett alder, kjønn, funksjonsevne, etnisk bakgrunn eller hol i CV-en. Dersom det er mogleg, vil vi legge til rette for medarbeidarar som har behov for det. For positiv særbehandling, sjå: <a href="http://arbeidsgiver.difi.no/positivsærbehandling" rel="nofollow">http://arbeidsgiver.difi.no/positivsærbehandling</a></li><li>Les meir om Finanstilsynet på nettstaden vår – <a href="http://www.finanstilsynet.no" rel="nofollow">www.finanstilsynet.no</a></li></ul><h3>Kontaktinformasjon</h3>Anders Sanderlien Hole, Avdelingsdirektør, 22 93 97 49<br />
Bjørn Andersen, Senior tilsynsrådgiver, 22 93 98 64<br />
<h3>Arbeidssted</h3>Revierstredet 3<br />
0151 OSLO<br />
<h3>Nøkkelinformasjon:</h3>Arbeidsgiver: Finanstilsynet<br />
<br />
Referansenr.: 4981826905<br />
Stillingsprosent: 100%<br />
Fast<br />
Søknadsfrist: 24.06.2025<br />
<br />
