Finanstilsynet

Oslo

Britt Hjellegjerde

Seksjonsleder

<p>Vil du jobbe med tilsyn med fondsforvaltarar og fond? </p><p>Vi søker etter ein samfunnsinteressert jurist som har lyst til å arbeide i Finanstilsynet med å følge opp fondsmarknaden, forvaltingsselskap, forvaltarar av alternative investeringsfond og depotmottakarar. Dette inkluderer å arbeide med ulike fondstypar som verdipapirfond, aktive eigarfond (PE), eigedomsfond og hedgefond. Hos oss får du varierte oppgåver, faglege utfordringar og gode moglegheiter for utvikling i eit tverrfagleg og inkluderande arbeidsmiljø.  </p><p>Seksjon for fond og kollektive investeringar </p><p>Du vil bli ein del av eit sterkt fagmiljø med 14 medarbeidarar med variert bakgrunn og kompetanse innan kapitalforvalting og tilsynsarbeid. Dette inkluderer både juristar og økonomar. Vi fører tilsyn med at fondsforvaltarane etterlever relevant regulering på finansområdet, inkludert verdipapirfondlova, AIF-lova, PRIIPs-lova og lova om offentleggjering av berekraftsinformasjon i finanssektoren. Lovgivinga er basert på EØS-regulering, og du får gode moglegheiter til å arbeide med EØS-retten. Vi legg vekt på god dialog med næringa, og gjennom arbeidet vil du ha kontakt med verksemdene, andre private aktørar og offentlege myndigheiter. </p><br />
<h3>Arbeidsoppgåvene består av å </h3><ul><li>behandle ei rekke ulike saker frå forvaltingsselskap og AIF-forvaltarar etter relevant lovverk, blant anna konsesjonssøknader og godkjenningar knytte til verdipapirfond </li><li>rettleie verksemder om regelverket og tilsynspraksisen, tolke regelverket, delta i utgreiingsarbeid og halde presentasjonar  </li><li>bistå og kvalitetssikre tilsynet med at fondsforvaltarane etterlever regelverket. </li></ul><p>Stillinga kan få andre arbeidsoppgåver på arbeidsområda til seksjonen, og oppgåvene vil bli tilpassa kvaliﬁkasjonane og erfaringa til personen som blir tilsett i stillinga. </p><p>Dersom du har erfaringa og dei rette kvalifikasjonane, kan det vere aktuelt å få fagansvar der du vil arbeide med å kvalitetssikre og styre saker og prosessar.  </p><h3>Kva for kvalifikasjonar treng du i denne stillinga? </h3><ul><li>juridisk embetseksamen / master i rettsvitskap med gode resultat. Studentar som avsluttar studiet i dette semesteret, kan òg søke </li><li>relevant erfaring frå kapitalforvalting, børs og verdipapirmarknaden og tilsyn er ein fordel, men ikkje eit krav </li><li>god til å forklare saker og tema på ein forståeleg måte, både munnleg og skriftleg </li><li>gode engelskkunnskapar </li><li>god digital kompetanse  </li></ul><h3>Vi søker deg som har</h3><ul><li>god gjennomføringsevne og evne til å jobbe effektivt </li><li>evne til å jobbe analytisk og strukturert – du liker å sette deg inn i problemstillingar og komplekse regelverk </li><li>god vurderingsevne og evne til å ta sjølvstendige avgjerder </li><li>gode samarbeidsevner, men trivst òg med å jobbe sjølvstendig </li></ul><p>Vi legg vekt på at du er personleg eigna og motivert for stillinga. </p><h3>Kvifor skal du velje oss?</h3><p>Finanstilsynet har </p><ul><li>eit viktig samfunnsoppdrag, spennande arbeidsoppgåver og eit godt arbeidsmiljø med kunnskapsrike og engasjerte kollegaer </li><li>store moglegheiter for fagleg utvikling i eit miljø med høg kompetanse </li><li>gode velferdsordningar og god pensjonsordning, og moglegheit for lån i Statens pensjonskasse </li><li>fleksibel arbeidstid (inkludert sommartid) og betalt overtid </li><li>moglegheit for å trene i arbeidstida  </li><li>moglegheit for heimekontor, for tida inntil to dagar i veka </li><li>tiltreding og lønn etter avtale </li></ul><p>Viktig informasjon til deg som søker stillinga </p><ul><li>For å bli vurdert for stillinga må du legge ved vitnemål og relevante attestar. </li><li>Finanstilsynet er opptatt av mangfald, og vi oppfordrar derfor alle kvalifiserte kandidatar til å søke jobb hos oss, uansett alder, kjønn, funksjonsevne, etnisk bakgrunn eller hol i CV-en. Dersom det er mogleg, vil vi legge til rette for medarbeidarar som har behov for det. For positiv særbehandling, sjå <a href="http://arbeidsgiver.difi.no/positivsaerbehandling" rel="nofollow">http://arbeidsgiver.difi.no/positivsaerbehandling</a> </li><li>Alle tilsette i Finanstilsynet må følge dei etiske retningslinjene våre, sjå <a href="https://www.finanstilsynet.no/jobb-hos-oss/#Etiskeretningslinjer" rel="nofollow">https://www.finanstilsynet.no/jobb-hos-oss/#Etiskeretningslinjer</a>   </li><li>Etter at søknadsfristen har gått ut, vil vi utarbeide ei offentleg søkarliste, sjå offentleglova § 25. </li><li>Du kan skrive søknaden på nynorsk eller bokmål. </li><li>Vi utfører ein bakgrunnssjekk av personen som blir tilsett i stillinga.   </li><li>Les meir om Finanstilsynet på <a href="http://www.finanstilsynet.no" rel="nofollow">www.finanstilsynet.no</a> </li></ul><h3>Kontaktinformasjon</h3>Britt Hjellegjerde, Seksjonsleder, &#43;47 22 93 97 24<br />
<h3>Arbeidssted</h3>Revierstredet 3<br />
0151 Oslo<br />
<h3>Nøkkelinformasjon:</h3>Arbeidsgiver: Finanstilsynet<br />
<br />
Referansenr.: 5032541214<br />
Stillingsprosent: 100%<br />
Fast<br />
Søknadsfrist: 09.11.2025<br />
<br />


Jurist til tilsynsarbeid – fond og kapitalforvalting