Eidfjord Kommune

Eidfjord

Margun Lægreid

Avdelingsleiar

Karin Flatabø Thrane

Kommunalsjef helse- og omsorg

Helsefagarbeidar/assistent - 100% fast stilling i pleie og omsorg  
Eidfjord kommune er i spanande utvikling, og er ei aktiv bygd omgitt av flott natur. Me treng fleire med på laget som kan vera med på å skapa vekst og utvikling i kommunen. Saman med andre dyktige medarbeidarar skal me levera gode tenester og løysa samfunnsoppdraget. 
Om pleie og omsorg:  Bygdaheimen er basen i pleie- og omsorgstenesta i Eidfjord kommune. Sjukeheimen var ny i 2019 og ligg nydeleg til på Brotkanten. Det er 20 bebuarplassar på Bygdaheimen fordelt på somatisk avdeling og demensavdeling. Tenesta er integrert noko som betyr at dei tilsette jobbar fleksibelt mellom avdelingane på Bygdaheimen og i heimetenesta. Me har fokus på kvalitet og har sidan 2013 årleg delteke i nettverk i regi av USHT.  
Hjå oss brukar me årsturnus når me lagar arbeidsplan, dette gjev deg moglegheiter til å vera med å påverke eiga arbeidstid. Lange vakter i helgene gjev moglegheit til å få periodar med turnusfri for deg og gjev oss moglegheit til å gje kollegaene dine høg stilling. Dette fører igjen til ei kompetent og godt kjend kollegagruppe.  
Om stillinga  
<ul><li>2 delt turnus dag og kveld </li><li>Arbeid i turnus med 364 helgetimar pr år, ulike løysingar: langvakt, ordinære vakter eller kombinasjon </li><li>Økonomisk kompensasjon for helgetimar ut over 255 </li><li>Funksjonstillegg på kr 17 000 for godkjent medisinkurs  </li></ul> 
Arbeidsoppgåver:  
<ul><li>Sjølvstendig ansvar for at fagleg arbeid og tiltak vert utført i samsvar med vedtekne mål og retningslinjer </li><li>Leggja til rette for brukarmedverknad </li><li>Yte personleg bistand, pleie og omsorg </li><li>Miljøskapande arbeid i avdelinga </li><li>Ivareta dokumentasjonsplikt </li><li>Bidra til at utvikle og vedlikehalde kvaliteten på det faglege arbeidet </li><li>Rettleia og informera pasientar, pårørande, kollegaer, studentar, elevar og lærlingar </li><li>Medverka til fullt forsvarleg, helsefremjande og inkluderande arbeidsmiljø </li></ul> 
Ynskte kvalifikasjonar:  
<ul><li>Offentleg godkjenning/autorisasjon som helsefagarbeidar/hjelpepleiar </li><li>Det er ynskjeleg med godkjent medikamentkurs, men ikkje eit krav </li><li>Førarkort klasse B </li><li>Norsk ferdigheiter, både munnleg og skriftleg, B1 </li></ul> 
Me ser etter deg som:  
<ul><li>Er sjølvstendig og fagleg trygg </li><li>Skapar gode relasjonar og samarbeid </li><li>Er utviklingsorientert, engasjert og strukturert </li><li>Har eit positivt og løysingsorientert syn </li></ul> 
Me tilbyr:  
<ul><li>Ein arbeidsgjevar som satsar på heiltidskultur med gode turnusordningar der tilsette kan kome med innspel til eigen turnus </li><li>Godt arbeidsmiljø </li><li>Moglegheiter utdanning og kompetanseheving. </li><li>For ufaglærte søkjarar tilbyr me utdanningsløp og opplæring slik at du kan ta fagbrev som helsefagarbeidar medan du jobbar hjå oss. </li><li>Gode pensjons- og forsikringsordningar </li><li>Bedriftshelseteneste </li></ul> 
Tilsetjingsvilkår:  Gyldig politiattest må leggjast fram ved tilsetjing.  
Anna info:  Arbeidsspråk er nynorsk.  
For spørsmål om stillinga kontakt:  Avdelingsleiar Margun Lægreid, telefonnr.: 414 68 449 Kommunalsjef helse- og omsorg Karin Flatabø Thrane, telefonnr.: 951 38 645  
Søknadsfrist: 05.10.2025  
Oppstartsdato: etter avtale  
Arkivsak nr.: 25/1009  
Søknad med CV sender du på elektronisk skjema via &#34;søk på stilling&#34; knappen på denne siden. Velkomen som søkjar!

Helsefagarbeidar/ assistent - 100% fast stilling i pleie og omsorg