Eide Fjordbruk

Brandasund

Eide er eit familieeigd selskap og ein av pionerane i havbruksnæringa. Me har ein visjon om å setje standarden for framtidas havbruk. Visjonen vår handlar om å vere eit førebilete, slik at me kan produsera mat i sjøen på ein berekraftig måte.
Som sal- og logistikkoordinator vil du spele ei nøkkelrolle i å sikre ein smidig og presis samanheng mellom sal, produksjon, slakt og logistikk -- med hovudfokus på økologisk laks. Dette er ei rolle for deg som likar ansvar, presisjon og samarbeid -- og som vil vere med på å gjere ein forskjell.
Arbeidsoppgåver og hovudansvar
<ul><li>
Koordinere daglege aktivitetar mellom slakteri, produksjonsplan og salsteam for å sikre presis og punktleg levering
</li><li>
Følgje opp kontraktar og sikre at avtala leveransevolum og -vekter blir haldne kvar veke
</li><li>
Varsle om avvik og flaskehalsar i god tid
</li><li>
Vedlikehalde og oppdatere oversikta over alle økologiske leveransar
</li><li>
Delta i salstavlemøte og bidra til kontinuerleg forbetring av produksjonsflyten
</li><li>
Støtte salsteamet med dokumentasjon, logistikkinformasjon og systematisk oppfølging
</li></ul>
Kven er du?
Me ser etter deg som har erfaring frå drift, salskoordinering, logistikk eller produksjonsplanlegging -- gjerne frå sjømat eller daglegvare. Dine personlege eigenskapar er like viktige som di erfaring og kompetanse. Det er viktig at du har evne til å arbeide strukturert og målretta, og tar tak og varslar før det oppstår problem.
<ul><li>
Du har god systemforståing og klarer å handtere fleire parallelle prosessar
</li><li>
Du har sterke samarbeidsevner og trivst med å vere bindeleddet mellom ulike avdelingar
</li><li>
Kjennskap til slakteri, foredling eller oppdrett er ein fordel, men ikkje eit krav
</li></ul>
Kvifor Eide?
I Eide tør me å satse, på visjonar og på folk. Me bryr oss om kvarandre, fisken vår, og miljøet me driv og lever i. Som vår sal- og logistikkoordinator vil du vere ein viktig lagspelar og bli ein del av eit godt arbeidsmiljø. Hos oss vil du ha moglegheit for personleg og fagleg utvikling i eit godt, trygt og inkluderande arbeidsmiljø, der arbeidsglede er viktig.
<ul><li>
Jobb i ei framtidsnæring, i eit selskap som tør å satse
</li><li>
Varierte og interessante arbeidsoppgåver
</li><li>
Et arbeidsmiljø der både tryggleik og arbeidsglede er viktig
</li><li>
Konkurransedyktige vilkår
</li></ul>
Arbeidsstaden vil vere på Brandasund, eller i nærleiken av slakteriet
Søknadsinformasjon
Me ønsker deg velkommen til å sende inn søknad, cv, og relevante dokument innan søknadsfristen. Om du har spørsmål knytt til stillinga, ta gjerne kontakt med HR-leiar Mari Lundal / <a rel="nofollow" href="mailto:mari.lundal@efb.no">mari.lundal@efb.no</a> / +47 40 62 87 43.
For meir informasjon om selskapet, sjå våre nettsider og sosiale medium www.efb.no.
Søk i dag og bli ein viktig del av vår spanande reise for å setje standarden for
framtidas havbruk

Bli med å setje standarden for framtidas havbruk som sal- og logistikkoordinator