Eide Fjordbruk

Brandasund

Eide er eit familieeigd selskap og blant pionerane i havbruksnæringa. Me har ein visjon om å setje standarden for framtidas havbruk. Visjonen vår handlar om å vere eit førebilete, sik at me kan produsera mat i sjøen på ein berekraftig måte.
Me har nyleg gjennomført oppkjøp av slakteriet i Brandasund, som er ei viktig langsiktig satsing for Eide. Med eige slakteri har me kontroll over heile prosessen og kvaliteten på vårt produkt. Slakteriet skal vere eit føregangsslakteri innan kvalitet, HMS, berekraft og bruk av restråstoff.
Om rolla
I rolla som produksjonskoordinator skal du halde kontinuerleg oversikt på kvar fisken kjem frå og kvar den skal. Dette skjer gjennom utarbeiding og oppfølging av prognosar, ordrar, utskiping og dokumentasjonskrav. Du vil i tillegg planlegge og tilpasse innkjøp av emballasje og sikre at me har full sporing på fisken vår, samt leverer høg kvalitet og presisjon i dialog med aktørane me samhandlar med.
Du vil følgje fisken frå brønnbåt til utsending, gjennom nøye overvaking og kontroll. Dette skjer i tett dialog med salsselskapet vårt, oppdrettarar, eksportørar og transportørar. Rolla krev også tett og kontinuerleg samarbeid med dei ulike avdelingane på fabrikken. Produksjonskoordinator skal ha ei sentral rolle i å utvikle og forbetre rutinar og system innanfor eige arbeidsområde.
Arbeidsoppgåver inkluderer mellom anna:
<ul><li>Dagleg produksjonsplanlegging</li><li>Ordre- og lagerhandtering</li><li>Rapportering</li><li>Utsending av ferdigvare</li><li>Innkjøp av emballasje og forbruksartiklar</li></ul>
Arbeidsplassen vil vere ved vår fabrikk i Brandasund i Bømlo kommune.
Kven er du?
Er du framoverlent, nytenkjande og oppteken av effektive og nøyaktige prosessar kan du vere den me ser etter. Om du i tillegg ynskjer spennande arbeidsoppgåver i eit triveleg miljø, då vil me gjerne høyre frå deg.
Ønska kvalifikasjonar:
<ul><li>Logistikkutdanning eller erfaring frå tilsvarande arbeid</li><li>Gode datakunnskapar</li><li>Systematisk og nøyaktig</li><li>Trivest i eit hektisk miljø</li><li>Fleksibel ifht arbeidstid</li><li>Framifrå kommunikasjonsevner, munnleg og skriftleg</li></ul>
Eide tilbyr:
<ul><li>Godt arbeidsmiljø</li><li>Faglege utfordringar</li><li>Konkurransedyktige lønsvilkår, forsikrings- og pensjonsordningar</li></ul>
Din kompetanse og ditt bidrag vil verer svært viktig for verksemda si vekst og drift i framtida. I Eide kjem du inn i ei verksemd som tør å satse både på våre visjonar og på våre folk.
Me har eit motto: «Det viktigaste er å ha det gøy».
Søknadsinformasjon
Me ønskjer deg velkomen til å sende inn søknad, CV og relevante dokument via vårt rekrutteringssystem. Merk at berre søknader som kjem inn gjennom systemet blir behandla; søknader sendt direkte på e-post blir ikkje vurderte.
Har du spørsmål om stillinga eller rekrutteringsprosessen, ta gjerne kontakt med produksjonsleiar Monica Urang: <a rel="nofollow" href="mailto:monica.urang@efb.no">monica.urang@efb.no</a> / +47 97 71 02 42.

Ta del i å setje standarden for framtidas havbruk som produksjonskoordinator