Drift/teknisk divisjon/ Hospitaldrift Matforsyning, Helse Bergen

Bergen

Jon Magnus Haga

Seksjonsleiar lege

Rune Kleppe

Prosjektleiar

<p>Norsk senter for maritim medisin og dykkemedisin ved Yrkesmedisinsk avdeling, Helse Bergen, søker etter ein engasjert og dyktig PhD-kandidat eller postdoktor til å delta i eit spennande forskingsprosjekt. Prosjektet har fokus på mekanismar og biomarkørar for adaptive og patologiske responsar ved yrkesdykking.</p><p>Norsk senter for maritim medisin og dykkemedisin er  eit nasjonalt fagmiljø for maritim medisin og dykkemedisin ved Yrkesmedisinsk avdeling i Helse Bergen HF. Avdelinga arrangerer bl.a. seleksjonsmedisinske kurs for dykkarlegar og har fleire aktive forskingsprosjekt.<br /></p><br />
<h3>Arbeidsoppgåver</h3><p><strong></strong>Prosjektet er eit samarbeid mellom industripartnarar organisert gjennom Offshore Norge og Haukeland universitetssjukehus og varer i 3 år. I tillegg samarbeider vi med fleire andre forskingsmiljø i Noreg og utlandet, blant anna Norges teknisk-naturvitenskapelige universitet, Universitetet i Bergen og Høgskulen på Vestlandet. Målet med prosjektet er å forstå korleis kroppen tilpassar seg omgjevnadane under yrkesdykking og kva som skjer når denne tilpassinga sviktar. Prosjektet undersøker biologiske mekanismar og leitar etter biomarkørar som kan skilje mellom sunn tilpassing og potensielt farlege reaksjonar, som trykkfallssjuke. I PhD-/postdoktor-prosjektet vil det bli omfattande analyser av blod og urinprøvar frå dykkarar og frå laboratorieforsøk. Det er mogleg å lese meir utfyllande informasjon om senteret på våre <a href="http://www.helse-bergen.no/avdelinger/yrkesmedisinsk-avdeling/norsk-senter-for-maritim-medisin-og-dykkemedisin" rel="nofollow">nettsider</a> og om prosjektet på nettsida til prosjektet (<a href="http://www.helse-bergen.no/avdelinger/yrkesmedisinsk-avdeling/norsk-senter-for-maritim-medisin-og-dykkemedisin/forskning-og-utvikling/joint-industry-project/" rel="nofollow">Joint Industry Project</a>).</p><p>Den utlyste stillinga er tilknytt Norsk senter for maritim medisin og dykkemedisin ved Yrkesmedisinsk avdeling på Haukeland universitetssjukehus. Kandidaten vil dessutan vere knytt til proteomikkmiljøet ved PROBE, proteomikkinfrastrukturen ved UiB, som er lokalisert på Institutt for biomedisin, og den baromedisinske forskingsgruppa på NTNU leia av Ingrid Eftedal.<br /><br />I stillinga inngår proteinanalysar med bruk av LC-MS teknologi. Praktisk erfaring med bruk av metodar innan proteomikk er difor av interesse. Det er planlagt at den som blir tilsett skal hjelpe til med å samle inn biologiske prøvar frå dykkarar. Spesielt gjeld dette for prøvar frå offshore dykkarar og det vil bli høve til å ta nødvendig tryggleikskurs. Det er også planlagt eit forskingsopphald på 6 mnd hjå det dykkemedisinske miljøet i Brest, Frankrike.</p><h3>Kvalifikasjonar</h3><p>Vi søker etter kandidatar med følgande kvalifikasjonar:<br /></p><ul><li>For PhD-stillinga gjeld:<br />· Norsk mastergrad eller tilsvarande innan eit relevant fagområde (t.d. biomedisin, molekylærbiologi, cellebiologi, farmasi) eller medisinsk embetseksamen er eit krav. · Opptak til doktorgradsprogrammet ved UiB.<br /><br /></li><li>For postdoktorstillinga gjeld:<br />· Norsk PhD eller tilsvarande innan relevant fagområde (t.d. biomedisin, molekylærbiologi, cellebiologi, medisin, farmasi) er eit krav.<br /><br /></li><li>For begge stillingane gjeld:<br />· Erfaring med forsking og publisering av vitskaplege artiklar.<br />· Praktisk erfaring med metodar innan proteomikk (t.d. kvantitativ proteomikk, analyse av post-translasjonelt modifiserte peptid, oksidativt modifiserte peptid, proteolytisk modifiserte protein) er ein fordel og vil bli vektlagd særskild. Dette gjeld særleg for postdoktorstillinga.<br />· Erfaring med bioinformatiske analyser av proteomikkdata eller andre storskaladata er ein fordel. Det er også relevant med erfaring frå andre berekningsorienterte metodar t.d. innan matematisk modellering, datavitskap, eller biostatistikk.</li></ul><h3>Personlege eigenskapar</h3><ul><li>Gode analytiske ferdigheiter og evne til å arbeide sjølvstendig.<br /></li><li>Gode kommunikasjons- og samarbeidsevner.</li></ul><h3>Vi tilbyr</h3><ul><li>Engasjement i 3 år (Postdoc eller PhD-kandidat) </li><li>Eit godt og inkluderande arbeidsmiljø<br /></li><li>Løn etter avtale<br /></li></ul><p>Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.</p><h3>Kontaktinformasjon</h3>Rune Kleppe, Prosjektleiar, rune.kleppe&#64;helse-bergen.no<br />
Jon Magnus Haga, Seksjonsleiar lege, jon.magnus.haga&#64;helse-bergen.no<br />
<h3>Arbeidsstad</h3>Jonas Lies vei 79<br />
5053 BERGEN<br />
<h3>Nøkkelinformasjon:</h3>Arbeidsgivar: Helse Bergen HF<br />
<br />
Referansenr.: 4987633371<br />
Stillingsprosent: 100%<br />
Engasjement<br />
Startdato: 01.09.2025<br />
Sluttdato: 31.08.2028<br />
Søknadsfrist: 20.07.2025<br />
<br />


Postdoc/ Ph.d.-kandidat