Direktoratet For Høyere Utdanning Og Kompetanse

Bergen

Henriette Olderøy

avdelingsdirektør

<h2>Om stillinga og avdelinga</h2><p>Vi søkjer ein engasjert og lærevillig førstekonsulent innan dokumentasjonsforvaltning til vårt kontor i Bergen. Er du opptatt av gode arbeidsprosessar, digitalisering og moglegheitene innan kunstig intelligens? Då vil vi gjerne høyre frå deg!</p><p>Avdeling for informasjons- og dokumentasjonsforvalting har i dag 13 faste tilsette, fordelt på kontor i Bergen og Oslo. Avdelinga har ansvaret for å legge til rette for ei heilheitleg informasjonsforvalting, og at direktoratet følgjer lover og reglar innan dokumentasjonsforvalting. Fagområda er i stor utvikling, og vi treng ein førstekonsulent som kan sjå moglegheiter for standardisering og automatisering av arbeidsprosessar, og bruken av kunstig intelligens (KI).   </p><br /><h2>Arbeidsoppgåvene vil vere</h2><ul><li>Postmottak, journalføring og kvalitetskontroll</li><li>Handsaming av innsyn og offentleg journal</li><li>Opplæring, støtte og rådgjeving til sakshandsamarar</li><li>Vedlikehald og vidareutvikling av prosedyrar og rettleiingar for saksbehandling og arkiv</li><li>Arbeid med dokumentasjonsplan, internkontroll og automatisering av arbeidsprosessar ved hjelp av KI</li><li>Deltaking i arkivfaglege prosjekt </li></ul><br /><h2>Kva kvalifikasjonar treng vi?</h2><p>Du må ha:</p><ul><li>høgare utdanning på minimum bachelornivå innan relevante fagområde. Vi oppmodar nyutdanna til å søkje.</li><li>god munnleg og skriftleg framstillingsevne på norsk </li></ul><p>Det er i tillegg eit føremon om du har:</p><ul><li>erfaring med M365 og  sak- og arkivsystem, fortrinnsvis Public 360</li><li>erfaring innan dokumentasjonsforvaltning i offentleg verksemd</li><li>interesse for prosessforbedring og bruk av KI</li><li>kjennskap til relevant lov- og regelverk </li></ul><br /><h2>Vi ønskjer at du:</h2><ul><li>er fleksibel og omstillingsdyktig</li><li>har gode evner til å samarbeide og kommunisere internt i avdelinga og direktoratet</li><li>arbeider strukturert og nøyaktig  </li><li>er løysingsorientert og ser etter nye moglegheiter </li></ul><br /><h2>Hos oss får du:</h2><ul><li>eit uformelt og godt fag- og arbeidsmiljø </li><li>høve til kompetanseheving fagleg utvikling </li><li>fleksibel arbeidstidsordning og høve for å jobbe heimanfrå delar av arbeidstida </li><li>høve til trening i arbeidstida med inntil to timar i veka </li><li>medlemskap i Statens pensjonskasse, med gode pensjons- og låneordningar </li></ul><br /><h2>Lønsvilkår</h2><ul><li>lønsplassering etter kompetanse som førstekonsulent, med ei årsløn på mellom <br />kroner 520 000 og 600 000</li><li>to prosent trekk til lovfesta innskot i Statens pensjonskasse</li></ul><br /><h2>Inkluderande arbeidsliv og mangfald</h2><p>I HK-dir trur vi at mangfald gir oss breiare perspektiv, og at medarbeidarar med ulik livserfaring og fagkombinasjonar vil gjere oss i stand til å finne enda fleire gode løysningar på våre oppdrag. Vi oppmodar derfor alle til å søke jobb utan omsyn til alder, kjønn, funksjonsevne eller etnisk bakgrunn. Du er også velkomen til å søke sjølv om du ikkje kan vise til ei samanhengande yrkeskarriere. Vi legg forholda til rette for personar med nedsett funksjonsevne.</p><p>Dersom du har funksjonsnedsetting, innvandrarbakgrunn eller hol i CV-en kan du verte positivt særbehandla dersom du kryssar av for dette når du søker stillinga. Vi inviterer minst éin kvalifisert søkar i kvar av desse gruppene til intervju. For å verte positivt særbehandla på denne måten, må du oppfylle visse krav. Les meir om dette på <a href="https://arbeidsgiver.dfo.no/strategisk-hr/inkluderingsarbeid/bli-bedre-pa-rekruttering/hvordan-skrive-stillingsannonser-som-inkluderer/positiv-saerbehandling-nar-man-soker-jobb-i-staten" rel="nofollow">arbeidsgjevarportalen</a>. Avkryssing i Jobbnorge gir grunnlag for anonymisert statistikk, som alle statlege verksemder rapporterer i sine årsrapportar. </p><br /><h2>Offentleg søkjarliste</h2><p>Vi gjer merksam på at opplysningar om søkjaren kan verte offentleggjort sjølv om søkjaren sjølv ber om ikkje å verte ført opp på søkjarliste, jf. Offentleglova § 25. Søkjaren vert i så tilfelle informert om dette på førehand. </p><br /><h2>Søknad og CV</h2><p>For å ha eit godt vurderingsgrunnlag ber vi deg om å registrere søknad og utfyllande CV i vår rekrutteringsportal og laste opp relevante vitnemål og attestar. Vi oppmodar deg om å gje tilgang til vitnemålsportalen. </p><br /><h2>Kontaktperson</h2><p>Namn: Henriette Olderøy</p><p>e-post: henrietter.olderoey&#64;hkdir.no</p><p>telefon: &#43;47 400 66 106</p><br />

Ledig stilling innan informasjons- og dokumentasjonsforvalting