Direktoratet For Høyere Utdanning Og Kompetanse

Bergen

Are Straume

Avdelingsdirektør

<h2>Om stillinga og avdelinga</h2><p>Direktoratet for høgare utdanning og kompetanse (HK-dir) har ledig ei fast stilling som rådgjevar i avdeling for globalt samarbeid. Avdelinga forvaltar verkemiddel og kunnskap som fremjar kvalitetsutvikling og globalt kunnskapssamarbeid, spesielt retta mot prioriterte samarbeidsland utanfor Europa.</p><p><br />HK-dir har ansvaret for å forvalte mandatet for profilering av Noreg som attraktivt samarbeids- og studieland. Målet er å styrke norsk utdanning sitt omdømme internasjonalt. Ein viktig del av dette arbeidet er å legge til rette for at norske universitet og høgskular både kan inngå utdannings-samarbeid med partnarar frå prioriterte samarbeidsland og  rekruttere internasjonale studentar til studiar (både på utvekslingsopphald og for å ta ein heil grad) i Noreg. Dette inkluderer og utvikling av merkevara Study in Norway og drift av www.studyinnorway og tilhøyrande sosiale medier.</p><p><br />Arbeidet er retta mot både norske universitet/høgskular og direkte mot internasjonale studentar.   <br />Avdeling for globalt samarbeid har i dag 18 tilsette, fordelt på kontorstad i Bergen og Oslo. Stillinga vert utlyst i Bergen, det kan også avtalast arbeidsstad ved ein av våre andre kontor lokasjonar. Stillinga er ledig frå 1. januar 2026.<br /> </p><br /><h2>Sentrale arbeidsoppgåver vil vere</h2><ul><li>koordinering av profileringsmandatet knytt til Noreg som samarbeids- og studieland</li><li>støtte institusjonane i deira profileringsarbeid, t.d. organisere webinar/seminar og legge til rette for deltaking på relevante internasjonale konferansar</li><li>koordinere og vidareutvikle det praktiske marknadsføringsarbeidet retta mot internasjonale studentar</li><li>utvikle, følgje opp og implementere kommunikasjonsplan og merkevarestrategi knytt til profilering av Norge som samarbeids- og studieland</li><li>redaktøransvar for www.studyinnorway.no og vere ein pådrivar for drift og vidareutvikling av nettstaden og tilhøyrande sosiale mediekanalar</li><li>bidra til utvikling av ulike typar kunnskapsgrunnlag knytt til rekruttering av internasjonale studentar.  <br /> </li></ul><br /><h2>Kva kvalifikasjonar treng vi?</h2><p>Du må ha:</p><ul><li>relevant høgare akademisk utdanning, minimum bachelornivå, helst innan kommunikasjon og marknadsføring. Relevant arbeidserfaring kan kompensera for delar av utdanningskravet</li><li>kunnskap om og erfaring med kommunikasjon og marknadsføring, knytta til profileringsarbeid innan høgare utdanning</li><li>kjennskap til norsk høgare utdanning og internasjonalt kunnskapsarbeid</li><li>god formulerings- og formidlingsevne på norsk og engelsk, skriftleg og munnleg<br /> </li></ul><p>Det er i tillegg ein fordel om du:</p><ul><li>har god forståing av strategisk kommunikasjon og digital marknadsføring</li></ul><p> </p><br /><h2>Vi søkjer deg som:</h2><ul><li>jobbar systematisk og sjølvstendig</li><li>er løysingsorientert og målretta i arbeidet</li><li>har gode samarbeids- og kommunikasjonsevner, også i ein internasjonal kontekst<br /> </li></ul><br /><h2>Hos oss får du:</h2><ul><li>eit uformelt og godt fag- og arbeidsmiljø </li><li>høve til fagleg utvikling </li><li>jobb i moderne kontorfellesskap med faglege dyktige kollegaer </li><li>ein fleksibel arbeidstidsordning og høve for å jobbe heimanfrå delar av arbeidstida </li><li>høve til trening i arbeidstida, med inntil to timar i veka </li><li>medlemskap i Statens pensjonskasse, med gode pensjons- og låneordningar </li></ul><br /><h2>Lønsvilkår</h2><ul><li>lønsplassering etter kompetanse<ul><li>rådgjevar med ei med ei årslønn mellom kr. 600.000 - 720.000</li><li>medlemskap i Statens pensjonskasse, med trekk på to prosent til lovfesta pensjonsinnskot </li></ul></li></ul><br /><h2>Inkluderande arbeidsliv og mangfald</h2><p>I HK-dir trur vi at mangfald gir oss breiare perspektiv, og at medarbeidarar med ulik livserfaring og fagkombinasjonar vil gjere oss i stand til å finne enda fleire gode løysningar på våre oppdrag. Vi oppmodar derfor alle til å søke jobb utan omsyn til alder, kjønn, funksjonsevne eller etnisk bakgrunn. Du er også velkomen til å søke sjølv om du ikkje kan vise til ei samanhengande yrkeskarriere. Vi legg forholda til rette for personar med nedsett funksjonsevne.</p><p>Dersom du har funksjonsnedsetting, innvandrarbakgrunn eller hol i CV-en kan du verte positivt særbehandla dersom du kryssar av for dette når du søker stillinga. Vi inviterer minst éin kvalifisert søkar i kvar av desse gruppene til intervju. For å verte positivt særbehandla på denne måten, må du oppfylle visse krav. Les meir om dette på <a href="https://arbeidsgiver.dfo.no/strategisk-hr/inkluderingsarbeid/bli-bedre-pa-rekruttering/hvordan-skrive-stillingsannonser-som-inkluderer/positiv-saerbehandling-nar-man-soker-jobb-i-staten" rel="nofollow">arbeidsgjevarportalen</a>. Avkryssing i Jobbnorge gir grunnlag for anonymisert statistikk, som alle statlege verksemder rapporterer i sine årsrapportar. </p><br /><h2>Offentleg søkjarliste</h2><p>Vi gjer merksam på at opplysningar om søkjaren kan verte offentleggjort sjølv om søkjaren sjølv ber om ikkje å verte ført opp på søkjarliste, jf. Offentleglova § 25. Søkjaren vert i så tilfelle informert om dette på førehand. </p><br /><h2>Søknad og CV</h2><p>For å ha eit godt vurderingsgrunnlag ber vi deg om å registrere søknad og utfyllande CV i vår rekrutteringsportal og laste opp relevante attestar og vitnemål. Vi oppmodar deg om å gi tilgang til vitnemålsportalen. </p><br /><h2>Kontaktperson</h2><p>Namn: Are Straume</p><p>e-post: Are.Straume&#64;hkdir.no</p><p>telefon: &#43;47 99 26 07 07 </p><br />

Ledig stilling innan profilering av Noreg som samarbeids- og studieland