Direktoratet For Forvaltning Og Økonomistyring

Bergen

Kari Christine Moldekleiv

Seniorrådgivar til styringsstaben i vareførselsdivisjonen Tolletaten har ei viktig rolle som samfunnsbeskyttar. Samfunnsoppdraget vårt er å sikre at varene som kryssar Noregs grenser til sjøs, på land og i lufta, er trygge og lovlege. Tolletaten er i utvikling og har ein høg endringstakt, særleg innanfor digitalisering. Vareførselsdivisjonen (VD), som er etablert i Bergen, skal leggje til rette for korrekt og effektiv inn- og utførsel av varer for både næringslivet og privatpersonar. Divisjonen er i gang med fleire endrings- og utviklingsprosjekt.    Vi skal no rekruttere ein seniorrådgivar til styringsstaben.    Styringsstaben skal støtte divisjonsdirektøren i utøvinga av rollene som linjeleiar, arbeidsgivar og fagmyndigheit. Staben skal sikre heilskapleg styring og utvikling av divisjonen, støtte divisjonsleiarane og dessutan bidra til å løyse oppgåver i samband med styring, planlegging, koordinering, analyse, utgreiing, rådgiving, organisasjonsutvikling, rapportering og revisjon. Styringsstaben har til saman tolv medarbeidarar.   Sentrale arbeidsoppgåver:<ul><li>strategisk rådgiving i saker og problemstillingar som gjeld verksemdsstyring og organisasjonsutvikling</li><li>leiarstøtte</li><li>utviklings- og endringsarbeid</li><li>utgreiingsarbeid</li><li>prosjektarbeid</li></ul> Kvalifikasjonar: <ul><li>fullført mastergrad innanfor relevante fagområde</li><li>erfaring med strategisk arbeid og verksemdsutvikling</li><li>erfaring med utgreiingsarbeid</li><li>fordel med erfaring frå prosjektarbeid/ leiing</li></ul>   Eigenskapar:<ul><li>analytisk og strukturert</li><li>gode samarbeidsevner</li><li>utviklings- og løysingsorientert</li><li>god verksemdsforståing</li><li>god skriftleg formuleringsevne</li></ul> Vi tilbyr:<ul><li>gode høve til å utvikle seg fagleg</li><li>utfordrande oppgåver i eit spennande fagmiljø</li><li>eit godt arbeidsmiljø med engasjerte medarbeidarar</li><li>lønn som seniorrådgivar etter statens regulativ, kr 750 000–850 000 per år avhengig av kvalifikasjonar (for særleg godt kvalifiserte søkjarar kan høgare lønn vurderast)</li><li>pensjons-, forsikrings- og låneordningar i Statens pensjonskasse</li><li>fleksibel arbeidstidsordning</li><li>moderne lokale sentralt i Bergen (Solheimsviken)</li></ul>   Nærmare opplysningar om stillinga får du ved å kontakte avdelingsdirektør Kari Christine Moldekleiv på tlf. 404 72 635 eller seniorrådgiver Marit Larsen Tysnes på tlf. 416 01 296.       Til deg som søker jobb i Tolletaten Vi nyttar Semac bakgrunnssjekk i samband med våre tilsetjingar. Du må fylle ut felta «Utdanning» og «Arbeidserfaring» og laste opp relevante vitnemål og eventuelle attestar. I Tolletaten meiner vi at mangfald og inkludering er ei styrke, og vi har nulltoleranse for trakassering og diskriminering. Vi er avhengige av medarbeidarar med ulik bakgrunn, kompetanse og erfaringar for å løyse vårt samfunnsoppdrag. Dersom du har hol i CV-en, funksjonsnedsetting eller innvandrarbakgrunn, oppmodar vi deg til å krysse av for dette då du kan ha rett til positiv særbehandling. Les meir om dette på <a href="https://arbeidsgiver.dfo.no/strategisk-hr/inkluderingsarbeid/bli-bedre-pa-rekruttering/hvordan-skrive-stillingsannonser-som-inkluderer/positiv-saerbehandling-nar-man-soker-jobb-i-staten" rel="nofollow">arbeidsgivarportalen</a>.

Er du samfunnsengasjert og ønskjer å arbeide med endring og utvikling?