Digitaliseringsdirektoratet

Oslo

Gry Johanne Østby 

Seniorrådgjevar 

<h2>Om stillinga</h2><p>Vi har ei ledig fast stilling i avdeling for strategi og samhandling, der du vil jobbe med leiarstøtte og prosessleiing. Målet er å sikre ein smidig og effektiv arbeidskvardag for både leiinga og organisasjonen.</p><p>Digitaliseringsstrategien som vart lansert hausten 2024 har eit ambisiøst mål: Noreg skal vere verdas mest digitaliserte land innan 2030. Digitaliseringa skal gje innbyggarane ein enklare og tryggare kvardag, styrke konkurransekrafta i næringslivet og forbetre offentleg sektor. Digdir har ei nøkkelrolle i å realisere strategien – vi støttar departementa i gjennomføringa av digitaliseringspolitikken og gjer råd om langsiktige prioriteringar.</p><p>Vi jobbar for at offentlege tenester skal vere heilskaplege, samanhengande og av høg kvalitet – og at innbyggarane skal ha tillit til digitaliseringa.</p><p>Er du interessert i digitalisering og samhandling? Har du god forståing for offentleg forvaltning, er strukturert, tenker heilskapleg og har sterk gjennomføringsevne? Då vil vi gjerne høre frå deg!</p><p>Stillinga er fast, med arbeidsstad i Oslo.</p><br /><h2>Arbeidsoppgåver</h2><p>Rolla kombinerer leiarstøtte med administrative og praktiske oppgåver for avdelinga, og er avgjerande for å sikre smidig, effektiv og profesjonell gjennomføring av møter, aktivitetar og interne prosessar. Eksempel på arbeidsoppgåver kan vere:</p><ul><li>Støtte leiinga i daglege gjeremål</li><li>Tilrettelegging og koordinering av møter og arrangement</li><li>Bidra til rapportering og styring i samarbeid med leiinga og verksemdsstyring</li><li>Hjelpe og støtte med implementering og oppfølging av OKR</li><li>Hjelpe og støtte avdelinga med læring og kompetanseheving på nødvendige og relevante område</li></ul><br /><h2>Kvalifikasjonar</h2><p><strong>Du må ha:</strong></p><ul><li>ha relevant høgare utdanning på bachelor eller masternivå </li><li>ha relevant erfaring frå offentleg forvaltning</li><li>ha god digital kompetanse, inkludert i digitale samarbeidsverktøy</li><li>ha gode kommunikasjonsevner, både skriftleg og munnleg, på norsk og engelsk</li></ul> <p><strong>Du bør ha:</strong></p><ul><li>erfaring frå prosess- eller prosjektleiing </li></ul><br /><h2>Personlege eigenskapar</h2><p><strong>Du</strong></p><ul><li>er strukturert, nøyaktig og proaktiv, med evne til å handtere fleire parallelle oppgåver</li><li>har gode samarbeidsevner  </li><li>er god til, og trivst med, å koordinere og drive prosessar framover</li><li>er profesjonell, rollebevisst og har evna til å tenke strategisk</li><li>har godt humør og bidreg til eit positivt arbeidsmiljø</li><li>blir motivert av høgt tempo og endringar</li></ul><p>Vi legg stor vekt på personlege ønskjelege eigenskapar for stillinga.</p><br /><h2>Vi tilbyr</h2><ul><li>utfordrande og varierte arbeidsoppgåver med stor moglegheit for personleg utvikling og kompetanseheving</li><li>eit godt arbeidsmiljø med ein uformell tone og stor vilje til å skape noko saman</li><li>eit spanande samfunnsoppdrag</li><li>familievenleg personalpolitikk med gode arbeidstidsordningar: fleksitid, sommartid og moglegheit for to timar trening kvar veke i arbeidstida</li><li>hybrid arbeidskvardag med moglegheit for å veksle mellom å jobbe frå heime og å møtes på kontoret når arbeidsoppgåvene tilseier at det let seg gjere </li><li>lønn som rådgjevar i spennet kr 500 000 - kr 700 000. For spesielt kvalifiserte søkjarar kan vi vurdere høgare lønn</li><li><a href="https://spk.no/medlemskap-i-spk" rel="nofollow">medlemskap i Statens pensjonskasse som er ein av landets beste pensjonsordningar med gunstige bustadlån og gode forsikringsordningar</a></li></ul><p>Les meir om godene ved å jobbe i staten på <a href="https://arbeidsgiver.dfo.no/lonn-goder-og-reise" rel="nofollow">Arbeidsgivarportalen</a>.</p><br /><h2>Inkluderande arbeidsliv og mangfald</h2><p>Vi har tru på at mangfald er ein viktig byggestein i eit godt, spennande og utviklande arbeidsmiljø, og vi oppfordrar alle kvalifiserte kandidatar til å søke. Rett kompetanse på rett stad er vår viktigaste prioritering når vi rekrutterer, og vi vil legge til rette for at personar med nedsett funksjonsevne også kan jobbe hos oss. </p><br /><h2>Vil du vite meir?</h2><p>Synes du dette høyrest interessant ut og ønskjer nærare informasjon, kontakt gjerne</p><p>Seniorrådgjevar Gry Johanne Østby<br />E-post: <a href="mailto:gryjohanne.ostby&#64;digdir.no" rel="nofollow">gryjohanne.ostby&#64;digdir.no</a><br />Telefon: &#43;47 90981275</p> <p>Vitnemål og attestar må følgje søknaden. Vi ber om at du hentar vitnemål frå Vitnemålsportalen direkte i Jobbnorge når du søkjer på stillinga. Har du teke heile eller delar av utdanninga di i utlandet, ber vi om godkjenning frå Direktoratet for høgare utdanning og kompetanse.</p><p>Søkarlister kan bli offentleggjorde i samsvar med offentleglova § 25. Dersom du ønskjer å reservere deg mot å bli oppført på den offentlege søkjarlista, må dette grunngjevast. Opplysningar kan bli offentleggjorde sjølv om du har bedt om å ikkje bli oppført på lista. Du vil i så fall bli varsla.</p><br /><h2>Sikkerheit i Digdir</h2><p>Digdir forvaltar samfunnskritisk infrastruktur. Sikkerheit er derfor integrert i rekrutteringsprosessane hos oss.</p><p>I stillingar som blir vurdert som sikkerheitskritiske, må du rekne med å få spørsmål knytt til sikkerheitsmessig skikkaheit i rekrutteringsprosessen.</p><p>Vi nyttar Semac til bakgrunnssjekk i samband med våre tilsetjingar.</p><br />

Leiarstøtte