Digitaliseringsdirektoratet

Brønnøysund

Hege Marie Nilsen

Sekjsonsleiar

<h2>Om stillinga</h2><p>Digitaliseringsdirektoratet (Digdir) er regjeringa sin spydspiss på digitaliseringsområdet og bidreg til at norsk offentleg sektor er verdsleiande på digitalisering. For å skape ein enklare digital kvardag og utvikle tenester og løysingar som er best for brukarane, må vi alltid forbetre organiseringa vår og finne den beste måten å arbeide på.</p><p>Vi samarbeider med både statlege og kommunale verksemder, og med privat sektor.</p><p>Avdeling for brukaroppleving og datadeling har mellom anna ansvar for å forvalte og vidareutvikle fellesløysingane Altinn og Felles datakatalog. Vi arbeider i tverrfaglege, sjølvstendige team.</p><p>Vi søker deg som ønskjer å arbeide med brukarrettleiing på Altinn brukarservice ved eitt av kundesentra våre i Digdir.</p><p>Kundesenteret har 10–12 tilsette som arbeider saman i eit ope og aktivt produksjonsmiljø. Stillinga er fast, og arbeidsstaden er kontoret vårt i Brønnøysund. Hovudoppgåva er å rettleie brukarane av tenestene våre på telefon og e-post. Avdelinga har brei brukarkunnskap og arbeider med forenkling til det beste for brukarane. Du blir ein del av ei profesjonell rettleiingsteneste som bidreg til fleire sjølvhjelpne brukarar i nettløysingane våre. Du får høve til å bli godt kjend med Altinn-løysinga sin funksjonalitet og tenester, og du vil få innsikt i kva behov brukarane har.</p><p>Nødvendig og grundig opplæring vil bli gitt. Trur du dette kan vere noko for deg? Då vil vi gjerne høyre frå deg!</p><br /><h2>Kvalifikasjonar</h2><p><strong>Du må ha:</strong></p><ul><li>fullført 3-årig vidaregåande opplæring (utdanning utover dette er òg ønskjeleg)</li><li>evne til å kommunisere godt munnleg og skriftleg, både på norsk og engelsk</li></ul> <p><strong>Du bør ha spesielt god kunnskap og erfaring frå minst eitt av følgjande område:</strong></p><ul><li>har relevant praksis</li><li>har noko kunnskap om næringsliv og offentleg sektor</li><li>er serviceinnstilt</li></ul><br /><h2>Personlege eigenskapar</h2><ul><li>Godt humør og evne til å motivere andre rundt deg</li><li>Kjenner deg att i Digdir sine verdiar: påliteleg, inkluderande og uredd</li><li>Er flink til å bygge gode relasjonar både internt og eksternt</li></ul><br /><h2>Vi tilbyr</h2><ul><li>eit godt arbeidsmiljø med ein uformell tone og stor vilje til å skape noko saman</li><li>arbeidsoppgåver i eit fagfelt prega av høg utviklingstakt og eit spennande samfunnsoppdrag</li><li>gode ordningar for opplæring og vidareutvikling</li><li>familievennleg personalpolitikk</li><li>lønn som førstekonsulent i lønnsspenn kr 555 000 – kr 610 000. For spesielt kvalifiserte søkjarar kan vi vurdere høgare lønn</li><li>fleksitid, sommartid og moglegheit for to timar trening ukentlig i arbeidstida</li><li><a href="https://spk.no/medlemskap-i-spk" rel="nofollow">medlemskap i Statens pensjonskasse som er ein av landets beste pensjonsordningar med gunstige bustadlån og gode forsikringsordningar</a></li></ul><p>Les meir om godene ved å jobbe i staten på <a href="https://arbeidsgiver.dfo.no/lonn-goder-og-reise" rel="nofollow">Arbeidsgivarportalen</a>.</p><br /><h2>Inkluderande arbeidsliv og mangfald</h2><p>Vi har tru på at mangfald er ein viktig byggestein i eit godt, spennande og utviklande arbeidsmiljø, og vi oppfordrar alle kvalifiserte kandidatar til å søke. Rett kompetanse på rett stad er vår viktigaste prioritering når vi rekrutterer, og vi vil legge til rette for at personar med nedsett funksjonsevne også kan jobbe hos oss. </p><br /><h2>Vil du vite meir?</h2><p>Synes du dette høyrest interessant ut og ønskjer nærare informasjon, kontakt gjerne</p><p>Seksjonsleiar<br />E-post: hmn&#64;digdir.no<br />Telefon: 40284552</p> <p>Vitnemål og attestar må følgje søknaden. Vi ber om at du hentar vitnemål frå Vitnemålsportalen direkte i Jobbnorge når du søkjer på stillinga. Har du teke heile eller delar av utdanninga di i utlandet, ber vi om godkjenning frå Direktoratet for høgare utdanning og kompetanse.</p><p>Søkarlister kan bli offentleggjorde i samsvar med offentleglova § 25. Dersom du ønskjer å reservere deg mot å bli oppført på den offentlege søkjarlista, må dette grunngjevast. Opplysningar kan bli offentleggjorde sjølv om du har bedt om å ikkje bli oppført på lista. Du vil i så fall bli varsla.</p><br /><h2>Sikkerheit i Digdir</h2><p>Digdir forvaltar samfunnskritisk infrastruktur. Sikkerheit er derfor integrert i rekrutteringsprosessane hos oss.</p><p>I stillingar som blir vurdert som sikkerheitskritiske, må du rekne med å få spørsmål knytt til sikkerheitsmessig skikkaheit i rekrutteringsprosessen.</p><br />

Kunderettleiar