Digitaliseringsdirektoratet

Leikanger

Andreas Handegård

Seksjonssjef 

<h2>Om stillinga</h2><p>Vil du vere med og støtte opp under nokre av Noregs viktigaste digitale fellesløysingar – som Altinn og ID-porten? Har du teknisk kompetanse, eit serviceinnstilt hovud og trivst med å jobbe tett på menneske og teknologi? Då kan du vere den vi ser etter!</p><p>Vi har no ei fast stilling ledig som rådgjevar i seksjonen Drift og sikkerheit, avdeling for fellesløysingar. Du vil få ei sentral rolle i førstelinjestøtta ved kontoret vårt på Økern i Oslo, og bidra til at dei tilsette har ein smidig og effektiv digital arbeidskvardag. </p><p>Stillinga inneber òg ansvar for oppfølging av lærlingane våre, og du vil vere ein viktig ressurs for å sikre god drift av IT-utstyr og møteromsløysingar på lokasjonen.</p><br /><h2>Arbeidsoppgåver</h2><ul><li>Førstelinje brukarstøtte og lokal lærlingoppfølging </li><li>Teknisk ansvar for møterom, skrivarar og videostudio </li><li>Oppfølging av IT-status på kontoret – du er vår «husansvarlege» for IT </li><li>Administrasjon og vedlikehald av Microsoft 365-løysingar </li></ul><br /><h2>Kvalifikasjonar</h2><p><strong>Du må ha:</strong></p><ul><li>Minimum tre års utdanning innan IT, eller relevant erfaring/sertifiseringar som kan kompensere </li></ul> <p><strong>Det er ein fordel om du har erfaring med: </strong></p><ul><li>Microsoft 365-administrasjon </li><li>Førstelinje brukarstøtte </li><li>Teknisk drift av møterom og videostudio </li><li>Oppfølging av lærlingar </li><li>Azure VPN og nettverk </li><li>Samarbeid i team og evne til å handtere fleire oppgåver samtidig </li></ul><br /><h2>Personlege eigenskapar</h2><ul><li>Vi ser etter deg som: </li><li>er systematisk og strukturert </li><li>tek initiativ og jobbar sjølvstendig </li><li>er involverande og trivst i team </li><li>er trygg i krevjande situasjonar </li><li>kommuniserer tydeleg og godt </li></ul><p>Fagleg integritet og personleg eignaheit vil bli vektlagd  </p><br /><h2>Vi tilbyr</h2><ul><li>eit godt arbeidsmiljø med ein uformell tone og stor vilje til å skape noko saman</li><li>arbeidsoppgåver i eit fagfelt prega av høg utviklingstakt og eit spennande samfunnsoppdrag</li><li>gode ordningar for opplæring og vidareutvikling</li><li>familievennleg personalpolitikk</li><li>lønn som rådgjevar i lønnsspenn kr 550 000 – kr 700 000. For spesielt kvalifiserte søkjarar kan vi vurdere høgare lønn</li><li>fleksitid, sommartid og moglegheit for to timar trening ukentlig i arbeidstida</li><li><a href="https://spk.no/medlemskap-i-spk" rel="nofollow">medlemskap i Statens pensjonskasse som er ein av landets beste pensjonsordningar med gunstige bustadlån og gode forsikringsordningar</a></li></ul><p>Les meir om godene ved å jobbe i staten på <a href="https://arbeidsgiver.dfo.no/lonn-goder-og-reise" rel="nofollow">Arbeidsgivarportalen</a>.</p><br /><h2>Inkluderande arbeidsliv og mangfald</h2><p>Vi har tru på at mangfald er ein viktig byggestein i eit godt, spennande og utviklande arbeidsmiljø, og vi oppfordrar alle kvalifiserte kandidatar til å søke. Rett kompetanse på rett stad er vår viktigaste prioritering når vi rekrutterer, og vi vil legge til rette for at personar med nedsett funksjonsevne også kan jobbe hos oss. </p><br /><h2>Vil du vite meir?</h2><p>Synes du dette høyrest interessant ut og ønskjer nærare informasjon, kontakt gjerne</p><p>Seksjonssjef Andreas Handegård  <br />E-post: andreas.handegard&#64;digdir.no  <br />Telefon: 977 16 200  </p> <p>Vitnemål og attestar må følgje søknaden. Vi ber om at du hentar vitnemål frå Vitnemålsportalen direkte i Jobbnorge når du søkjer på stillinga. Har du teke heile eller delar av utdanninga di i utlandet, ber vi om godkjenning frå Direktoratet for høgare utdanning og kompetanse.</p><p>Søkarlister kan bli offentleggjorde i samsvar med offentleglova § 25. Dersom du ønskjer å reservere deg mot å bli oppført på den offentlege søkjarlista, må dette grunngjevast. Opplysningar kan bli offentleggjorde sjølv om du har bedt om å ikkje bli oppført på lista. Du vil i så fall bli varsla.</p><br /><h2>Sikkerheit i Digdir</h2><p>Digdir forvaltar samfunnskritisk infrastruktur. Sikkerheit er derfor integrert i rekrutteringsprosessane hos oss.</p><p>I stillingar som blir vurdert som sikkerheitskritiske, må du rekne med å få spørsmål knytt til sikkerheitsmessig skikkaheit i rekrutteringsprosessen.</p><p>Vi nyttar Semac til bakgrunnssjekk i samband med våre tilsetjingar.</p><br />

IT-medarbeidar