Digitaliserings- Og Forvaltningsdepartementet (dfd)

Oslo

Asseline B. Grindheim

Rekrutteringsrådgiver (DSS)

Jo-Eystein Lindberg

Utredningsleder

Hanne Jule

Avdelingsdirektør

<h2>Om stillinga</h2>Vi ser etter ein samfunnsengasjert og strukturert medarbeidar som ønskjer å arbeide med eit viktig fagfelt i skjæringspunktet mellom politikk og forvaltning. Som førstekonsulent hos oss får du høve til å påverke den statlege byggje- og eigedomspolitikken, og bidra til at han er berekraftig, samordna og kostnadseffektiv. Du får óg bidra til at statlege verksemder har effektive og berekraftige lokale som støttar verksemdene sine føremål. Oppgåvene er varierte, og du får gode mogelegheiter til å utvikle deg. Seksjon for bygg og eigedom er ein av seksjonane under avdeling for forvaltningsutvikling. Seksjonen har sju tilsette. I tillegg til det overordna ansvaret for byggje- og eigedomspolitikken i statleg sivil sektor, har seksjonen mellom anna etatsstyringsansvaret for forvaltningsbedrifta Statsbygg og budsjettansvar for Kongehuset. I denne seksjonen vil du ha utstrakt samarbeid med andre departement og ha moglegheit til å påvirke et politikkområde med betydning for andre statlege verksemder.  <h2>Arbeidsoppgåver</h2>Du får bidra i arbeidet med: <ul><li>etatsstyringa av Statsbygg</li><li>oppfølging av strategi for bygg og eigedom i statleg sivil sektor</li><li>statlege byggeprosjekt og leigesaker</li><li>andre oppgåver som høyrer til seksjonen</li></ul> <h2>Vi søkjer deg som har</h2>Du må ha<ul><li>fullført relevant mastergrad eller tilsvarande utdanning, gjerne innan samfunnsøkonomi eller anna samfunnsvitskapleg utdanning</li><li>god rolleforståing </li><li>god skriftleg og munnleg framstillingsevne på norsk</li></ul> Det er ønskjeleg at du har noko relevant erfaring frå, eller kunnskap om, offentleg forvaltning. Vi ønskjer nyutdanna søkjarar velkomne. Vitnemål må liggja føre før tiltreding. Søkjarar med utdanning frå utlandet må kunne leggje fram dokumentasjon på at utdanninga er vurdert som jamgod med norsk mastergrad av Direktoratet for høgare utdanning og kompetanse (HK-dir) eller NOKUT. Personlege eigenskaparVi ser etter deg som tek ansvar og initiativ, og sørgjer for framdrift i prosessar og oppgåver. Du vil ha dialog med kollegaer internt, med andre departement og samarbeidspartnarar eksternt. Gode samarbeidsevner er derfor viktig. For å trivast og lukkast i denne rolla, ser vi for oss at du<ul><li>har gode samarbeids- og kommunikasjonsevner</li><li>evner å jobbe strukturert og planmessig</li><li>har god gjennomføringsevne og sørgjer for framdrift i eigne oppgåver</li><li>er fleksibel og trivast med varierte oppgåver med til tider korte fristar </li><li>er komfortabel med å jobbe i et miljø med høy kompetanse og lang erfaring</li><li>har gode analytiske evner </li></ul>Personlege eigenskapar vil bli vektlagde.Utdanning og erfaring skal dokumenterast med vitnemål og attestar, og gjerast greie for i ein CV. <h2>Vi tilbyr </h2><ul><li>eit arbeidsfellesskap med dyktige kollegaer som er stolte av jobben sin</li><li>ein spennande jobb i eit sterkt fagmiljø</li><li>gode utviklingsmoglegheiter</li><li>lokala våre ligg sentralt i Oslo med kort veg til offentleg transport</li><li>gode forsikrings- og pensjonsordningar, med automatisk medlemskap i Statens pensjonskasse</li><li>fleksibel arbeidstid</li><li>eit tilbod av sosiale, kulturelle og sportslege aktivitetar, til dømes DFD-ung som er ein sosial arena for unge i departementet</li></ul>Løn: Stilling blir lønt som førstekonsulent frå 580.000–630.000 kroner per år. Lønsplassering avheng av erfaring og kvalifikasjonar.  Autorisasjon: Tilsetjing skjer under føresetnad at søkjar blir autorisert på nivå Begrenset. Les meir om autorisering på nettsidene til <a href="https://nsm.no/fagomrader/personellsikkerhet/" rel="nofollow">Nasjonalt tryggingsorgan</a>. <h2>Vi er opptekne av</h2>Mangfold er ein styrke og gjer at vi kan løysa oppgåvene våre endå betre. Derfor ønskjer vi oss medarbeidarar med ulike kompetansar, fagkombinasjonar, livserfaringar og perspektiv. Har du funksjonsnedsetjing, hol i CV-en eller innvandrarbakgrunn, oppmodar vi deg som søkjar til å kryssa av i jobbsøkjarportalen. Er det kvalifiserte søkjarar, kallar vi inn minst éin i kvar gruppe til intervju, og får du jobben, legg vi til rette for deg om du treng det. Avkryssingane i jobbsøkjarportalen blir ikkje brukt til noko anna enn anonymisert statistikk som statlege verksemder rapporterer i årsrapportane sine.  <h2>Informasjon til deg som søkjer </h2>Vi er opptekne av kva du kan, erfaringane dine og kompetansen du har, og vil derfor stille deg nokre faglege spørsmål, framfor å be deg skrive ein søknadstekst. Når du trykker på &#34;Søk stillinga&#34;, kjem du til rekrutteringsportalen og må logge inn. I portalen er det viktig at du: <ul><li>Svarar på spørsmåla du får innleiingsvis. Spørsmåla erstattar søknadsbrev/tekst. </li><li>Fyller ut CV-felta i portalen (sjølv om du legg ved ein ferdigutfylt CV). Dette er nødvendig for bl.a. å vareta kravet om fullstendige søkjarlister. </li></ul>DFD nyttar bakgrunnssjekk frå Semac i nokre av rekrutteringsprosessane. Bakgrunnssjekk blir utført etter samtykke, og inneber blant anna at vi verifiserer CV og annan søknadsdokumentasjon i samband med tilsetjinga.Vi gjer merksam på at opplysninga om at du er søkjar kan bli offentleggjort sjølv om du har bede om ikkje å bli ført opp på søkjarlista, jf. offentleglova § 25. Du vil bli informert før offentleggjeringa og få moglegheit til å trekkja søknaden.Kontaktperson: For nærare opplysningar om stillinga kontakt Hanne Jule på tlf. 99 70 54 64 eller e-post <a href="mailto:Hanne.Jule&#64;dfd.dep.no" rel="nofollow">Hanne.Jule&#64;dfd.dep.no</a>, eller Jo-Eystein Lindberg på tlf. 97 11 35 35 eller e-post Jo-Eystein.Lindberg&#64;dfd.dep.no. For nærare opplysningar om rekrutteringsprosessen, ta kontakt med rekrutteringsrådgjevar i DSS Asseline B. Grindheim på e-post: Asseline-Benjaminson.Grindheim&#64;dss.dep.no.

Fast

AFU SBE - Førstekonsulent / rådgiver

Avdeling for forvaltningsutvikling søkjer førstekonsulent