Den Norske Kirke

Vassenden

Knut Magne Nesse

Prost i Sunnfjord

Therese Nesse Mokkelbost

HR-sjef i Bjørgvin bispedøme

<p>Vi har ledig stilling som sokneprest i Jølster med tenestestad i Ålhus og Helgheim sokn!</p><p>Det er høve til å søkje på stillinga innanfor ordninga &#34;Prest under utdanning &#34; (PUU). Du kan derfor søkja på stillinga også dersom du med inntil 120 studiepoeng vil oppfylla kvalifikasjonskrava for kyrkjelydsprestar. Det gitt i inntil 4 år for å fullføra studia. Ved tilsetjing utarbeider du saman med arbeidsgivar og studiestad ein individuell plan for studieprogresjon og arbeidsmengd. Undervegs i studiet følgjer du programmet for Vegen til vigsling (VTV). Ved fullført studieløp og VTV er du kvalifisert for å kunna vigslast til teneste som sokneprest i dei nemnde sokna i Sunnfjord prosti. Etter fullførte studiar blir stillinga lønt etter vilkår i gjeldande tariffavtale for den aktuelle stillingstypen. Det vil normalt vera 2 års bindingstid etter studieperioden. Les meir om ordninga: <a href="https://www.kirken.no/nb-NO/bli-med/jobb-i-den-norske-kirke/prest%20under%20utdanning/" rel="nofollow">Prest under utdanning</a></p><p>Jølster er ei kulturbygd midt i Sunnfjord med gode høve for eit innhaldsrikt friluftsliv ved fjord og på fjell. Jølster er ein vakker stad midt i målaren Nikolai Astrup sitt rike. Her er mange lag- og organisasjonar og eit kulturliv med tradisjon.</p><p>Vi søkjer ein sokneprest til ei variert og allsidig presteteneste. Vi ynskjer ein som trivst godt med å arbeide med born og unge. Vi ynskjer ein som samarbeider godt med frivillige, som er god til å organiserer og får med seg folk. Vi treng ein prest som trivst med å forkynne evangeliet og gje opplæring i den kristne trua.<br />Det er to tettstader i Jølster; Skei og Vassenden, som ligg i kvar sin ende av Jølstravatnet. Her er tre kyrkjer: Helgheim, Ålhus og Vassenden. Kyrkjesenteret på Vassenden er ei moderne arbeidskyrkje med kontor, salar og kyrkjerom. Det er trusopplæring på kyrkjesenteret og Skei misjonshus. På Skei er det ei stor speidergruppe KFUK/M.</p><p>Det bur 3100 i Jølster og av desse er 80% medlemmer i kyrkja. Det er to sokneråd i Jølster. Det er gode kommunikasjonar og Jølster ligg sentralt i Sogn og Fjordane. E39 og RV5 går gjennom Jølster og avstanden frå Vassenden til regionsenteret i Førde er på berre 20 km. Det gjer at mange pendler til arbeid i Førde. Jølster er ein del av Sunnfjord kyrkjelege fellesråd og Sunnfjord kommune. Kyrkjekontoret er på Vassenden kyrkjesenter. Her arbeider organist i 90%, det er to tilsette i trusopplæring med 20% kvar. Kontortilbodet er felles i heile fellesrådsområdet, men kontorsekretær arbeider nokre dagar i veka i Jølster. Tysdagar er det stabsmøte, tidebøn og lunsj med frivillige på kyrkjesenteret. Dette er ein fast møtestad mellom tilsette og frivillige.</p><p>I fellesrådet arbeider det 38 tilsette i om lag 20 årsverk. I tillegg kjem det sju prestar. Prestene i det nye Sunnfjord kyrkjelege fellesråd samarbeidar godt, har faglege møter, hjelper og utfyller kvarandre i oppgåver som det er krevjande å stå åleine om eller når det vert for mykje på same tid.<br />Prosten er leiar for prestenesta i Sunnfjord prosti.<br /><br /><em> Vi ber om at søknad med CV, vitnemål og referansar vert sendt elektronisk via Webcruiter.  </em></p><br />
<h3>Arbeidsoppgåver</h3><ul><li>Gudstenester og kyrkjelege handlingar<br /></li><li>Konfirmantundervisning<br /></li><li>Trusopplæring i lag med trusopplærarar<br /></li><li>Soknerådsarbeid<br /></li><li>Stillinga inngår i Den norske kyrkja si ordning for beredskap</li></ul><h3>Kvalifikasjonar</h3><ul><li>medlemskap i Den norske kyrkja<br /></li></ul><ul><li>stadfesting frå studiestad om at du har opptak på studiet, og maksimalt har 120 studiepoeng igjen før du kvalifiserer til presteteneste etter tenesteordningen for kyrkjelydsprestar § 3<br /></li><li>eller<br /></li><li>cand. theol. med praktikum eller tilsvarende/master i teologi med praktikum<br /></li></ul><h3>Personlege eigenskapar</h3><ul><li>Gode formidlingsevner</li><li>Erfaring med samarbeid med frivillige</li><li>Vilje til å bygge eit kyrkjeleg arbeid for alle aldersgrupper</li><li>Evne og vilje til samarbeid</li><li>Søkjar må og kunne samarbeide liturgisk med kollegaer uavhengig av kjønn eller teologisk usemje<br /></li></ul><h3>Vi tilbyr</h3><ul><li>Stillingskode 1555 sokneprest etter KA sitt tariffområde (ved PUU er koden 0950 prestevikar fram til vigsling til prest)<br /></li><li>Medlemskap i kollektiv pensjonsordning i KLP. Les meir om offentleg tenestepensjon på www.klp.no<br /></li><li>Reiseutgifter godtgjort etter gjeldande regulativ.<br /></li><li>Til løna kjem særskilde regulativmessige godtgjersler.<br /></li><li>Arbeidsrettleiing (ABV).</li></ul><p> </p><p><strong>Andre opplysningar</strong><br /><br />Søkjar må ha førarkort og disponere bil.</p><p>Skriftspråket er nynorsk.</p><p>Bjørgvin bispedøme skal vere ein arbeidsplass med rom og respekt for mangfald, uavhengig av kjønn, alder, etnisk bakgrunn, seksuell orientering og funksjonsevne. Vi oppfordrar alle kvalifiserte kandidatar til å søke. </p><p>Det vil bli utarbeida ei offentleg søkjarliste etter offentleglova § 25, jf. kyrkjeordning for Den norske kyrkja § 42. Dersom du ønskjer unntak for denne, må du grunngje det i søknaden. Søkjarlista kan bli offentleg sjølv om du ber om unnatak. Grunnlag for handsaming etter personvernforordninga er artikkel 6 nr. 1 bokstav b og artikkel 9 nr. 2 bokstav b og g.</p><p>Den som blir tilsett må vise tilfredsstillande politiattest (barneomsorgsattest) jf. politiregisterloven § 39 jf. trossamfunnsloven § 20. </p><h3>Kontaktinformasjon</h3>Knut Magne Nesse, Prost i Sunnfjord, 91713275<br />
Therese Nesse Mokkelbost, HR-sjef i Bjørgvin bispedøme, 93612276<br />
<h3>Arbeidsstad</h3><br />
6847 Vassenden<br />
<h3>Nøkkelinformasjon:</h3>Arbeidsgivar: Den norske kirke<br />
<br />
Referansenr.: 4985564602<br />
Stillingsprosent: 100%<br />
Fast<br />
Søknadsfrist: 10.08.2025<br />
<br />


Sokneprest i Sunnfjord prosti med Jølster som tenestestad