Den Norske Kirke

Etne

Therese Nesse Mokkelbost

HR-sjef i Bjørgvin bispedøme

Arild Steinsland

Prost

<p>Vi lyser ut ei kombinasjonsstilling i Sunnhordland prosti, som sokneprest i Skånevik sokn i Etne kommune og som prostiprest i Sunnhordland prosti.</p><p>Skånevik er «<strong>Sunnhordlands perle</strong>» - bygda mellom fjord og fjell som du finn på kartet omlag midt mellom Bergen og Stavanger. E 134 kjem over fjellet frå Oslo og går gjennom Etne kommune. Her er det kort veg til det meste. Er du glad i vakker og idyllisk vestlandsnatur, då er dette staden for deg. Lune små vikar med holmar og strender, med vakre solnedgangar, lukta av ferskt bakverk, flott idrettsanlegg og utebasseng, smilande sambygdingar og unik dugnadsvilje. Kommunen tilbyr gode oppvekstvilkår for barn og unge, med barne- og ungdomsskular i både Skånevik og Etne. Her er rikt kulturliv og ei rekkje fritidstilbod for unge og vaksne, m.a. turn, fotball og korps. Pippifestivalen og Blues-festivalen i Skånevik trekker mange folk kvar sommar. Etne-fjella kan skilte med «Gullruta» med mange turistforeningshytter, og rike turmuligheter både sommar og vinter. Det er mange gode grunnar til å flytta til Etne kommune. Du finn utfyllande informasjon her <a href="https://www.etne.kommune.no/mittetne" rel="nofollow">MittEtne</a>. </p><p>Skåneviks-bygda går rundt slik som bygder kan, men presten som støttar når livet går sin gang, manglar me. Er det deg?</p><p>Etne kommune har to sokn, Etne og Skånevik. Skånevik sokn er nordre del av kommunen med Skånevik kyrkje og Fjære kapell insst i Åkrafjorden. I sør ligg Etne sokn med kommunesenteret. Etne sokn har 4 kyrkjer som ligg nokså tett i Etne sentrum. Her er alt frå steinkyrkje bygd i 1160-åra, til ny hovudkyrkje bygd i 2013. Kommunen har 4100 innbyggjarar, omlag 3200 (knapt 900 i Skånevik sokn) av desse er medlem av kyrkja. Prestane gjer teneste i heile kommunen. I tillegg til sokneprest i Etne (100 %) og Skånevik (50%), er kyrkja betjent av to organistar (til saman 95%), kyrkjeverje (80%), sekretær (40%), kyrkjelydspedagog (60%), barne- og ungdomsarbeidar (30%), samt kyrkjegardsarbeidar (100%). Det er godt samarbeid i staben. Kontorstad for stillinga blir ved Etne kyrkjekontor.  <br /></p><p>I kombinasjon med stillinga som sokneprest i Skånevik sokn, skal ein arbeide som prostiprest i heile det flott og langstrakte prostiet. Sunnhordland prosti omfattar dei sju kommunane Stord, Bømlo, Fitjar Sveio, Etne, Kvinnherad og Tysnes, med til saman vel 60 000 innbyggarar. Sunnhordland har ein vakker og variert natur med kyst og fjordar, fjell og isbre, med gode høve til friluftsliv både sommar og vinter. Stord er regionsentrum med variert næringsliv, studietilbod med m.a. høgskule og sjukehus.</p><p>I Sunnhordland prosti har vi eit kjekt og fruktbart samarbeid på tvers av kommunegrenser. Vi har eit velfungerande prostiråd som arbeider for felles samlingar i prostiet så som prostisamling og nyårsmottaking. Desse samlingane er for alle tilsette og medlemene i sokneråda. Dette er med på å byggje kyrkje og gode fellesskap. I 2025 og 2026 har vi vedteke at vi vil ha ungdomsår og satse på ungdomsarbeid i kyrkjelydane og studentarbeid knytt til Høgskulen på Vestlandet sin campus på Stord med cirka 1000 studentar.</p><p>I tillegg samlast prestane, og dei andre faggruppene i kyrkja jamnleg til samlingar, med teambuilding, åndeleg fellesskap og reiser og på velferds- og studieturar i inn- og utland.</p><p>I Sunnhordland prosti er det 23 sokn og 34 kyrkjer, det er 17 prestar. </p><br />
<h3>Arbeidsoppgåver</h3><p><strong>Hovudoppgåvene for soknepresten i Skånevik er:</strong> </p><ul><li>Gudstenester og kyrkjelege handlingar</li><li>Medlem i Skånevik sokneråd</li><li>Ansvarleg for konfirmantopplegget i samarbeid med soknepresten i Etne</li><li>Samarbeid om trusopplæring</li><li>Jamlege andaktar på instutisjonen i bygda</li><li>Kyrkjelydsbyggande arbeid</li><li>Beredskap etter gjeldande ordning for Den norske kyrkja.<strong></strong></li></ul><p><strong>Hovudoppgåvene for prostipresten er:</strong></p><ul><li>Gudstenester og kyrkjelege handlingar</li><li>Anna arbeid kor ein har trong for vikar i sokna kan i einskilde høve vera aktuelt</li></ul><h3>Kvalifikasjonar</h3><ul><li>Cand.theol. med praktikum eller tilsvarande/master i teologi og praktikum</li><li>Medlemskap i Den norske kyrkja</li></ul><h3>Personlege eigenskapar</h3><ul><li>Gode evner til å forkynne evangeliet til ulike aldersgrupper  <br /></li><li>Evne og vilje til samarbeid</li><li>Evne til å byggje lag og samarbeide innad i stab og med frivillige</li><li>Søkjar må kunne samarbeide også liturgisk med kollegaer uavhengig av kjønn eller teologisk usemje</li></ul><h3>Vi tilbyr</h3><ul><li>Stillingskode 1555 sokneprest etter KA sitt tariffområde</li><li>Reiseutgifter godtgjort etter gjeldande regulativ</li><li>Til løna kjem særskilde regulativmessige godtgjersler</li><li>Arbeidsrettleiing (ABV)</li><li>Hjelp til å skaffa bustad viss ynskjeleg</li></ul><p> </p><p><strong>Andre opplysningar</strong><br /></p><p> Vi ber om at søknad med CV, vitnemål og referansar vert sendt elektronisk via Webcruiter.  </p><p>Søkjar må ha førarkort klasse B og disponere bil.</p><p>Skriftspråket er nynorsk.</p><p>Bjørgvin bispedøme skal vere ein arbeidsplass med rom og respekt for mangfald, uavhengig av kjønn, alder, etnisk bakgrunn, seksuell orientering og funksjonsevne. Vi oppfordrar alle kvalifiserte kandidatar til å søke. </p><p>Det vil bli utarbeida ei offentleg søkjarliste etter offentleglova § 25, jf. kyrkjeordning for Den norske kyrkja § 42. Dersom du ønskjer unntak for denne, må du grunngje det i søknaden. Søkjarlista kan bli offentleg sjølv om du ber om unnatak. Grunnlag for handsaming etter personvernforordninga er artikkel 6 nr. 1 bokstav b og artikkel 9 nr. 2 bokstav b og g.</p><p>Den som blir tilsett må vise tilfredsstillande politiattest (barneomsorgsattest) jf. politiregisterloven § 39 jf. trossamfunnsloven § 20.</p><h3>Kontaktinformasjon</h3>Arild Steinsland, Prost, 91555580<br />
Therese Nesse Mokkelbost, HR-sjef i Bjørgvin bispedøme, 93612276<br />
<h3>Arbeidssted</h3>Enge 5<br />
5590 Etne<br />
<h3>Nøkkelinformasjon:</h3>Arbeidsgiver: Den norske kirke<br />
<br />
Referansenr.: 4983665477<br />
Stillingsprosent: 100%<br />
Fast<br />
Søknadsfrist: 10.08.2025<br />
<br />


Sokneprest i Skånevik sokn 50% og prostiprest i Sunnhordland prosti i 50%