Den Norske Kirke

Svelgen

Mari Saltkjel

Prost Nordfjord prosti

Therese Nesse Mokkelbost

HR-sjef i Bjørgvin bispedøme

Vi har ledig stilling som sokneprest i Nordfjord prosti, med sokna Midtgulen, Ålfoten, Davik og Rugsund som tenestestad!Sokna ligg i vakre Bremanger kommune, som er kjent for sine kvite strender, sjøklipper, hav og isbre – eit eldorado for alle som likar friluftsliv. I Bremanger kan du sole deg og bade på strender som Grotlesanden og Vetvika, og gå på topptur på Hornelen, Europas høgste sjøklippe. Her er det også eit rikt dyreliv og du kan komme tett på ørn, oter, hjort, ulike fuglar, fisk og sjødyr. Bremanger kommune har om lag 3500 innbyggarar og satsar på gode tenestetilbod for alle aldrar. Her får du mellom anna gratis barnehage med tilbod om opptak gjennom heile året. Bremanger kommune er med i ordninga om å få sletta studielån. Ekspressbåten til Bergen går to gongar dagleg. I Bremanger er det engasjerte sokneråd som for tida arbeider med å utvikle samarbeidet om det kyrkjelydsbyggande arbeidet i heile kommunen. Her finn du også eit rikt kult- og idrettsliv, som i stor grad er resultatet av kreative og entusiastiske frivillige. I Bremanger står folkekyrkja sterkt. Det er høg oppslutnad om kyrkjelege handlingar og sokneråda arbeider engasjert og systematisk for å bidra til ulike samlingar og aktivitetar i kyrkjene sine. Dei 8 kyrkjene i kommunen er viktige for menneska som bur i bygdene. Her ønsker vi ein prest som set pris på å samarbeide med stab, folkevalde og frivillige i vidareutviklinga av ei relevant og sentral kyrkje. Presten bør har vilje og evne til systematisk kyrkjelydsbyggande arbeid som balanserer lokalkyrkja og fellesskapen sine behov. Kyrkja i Bremanger byr på mange mogligheitar. Her finn du alt frå arbeidskyrkja i Svelgen, til tradisjonelle Ålfoten kyrkje frå 1600-talet. Men mest av alt: sokneråd som gler seg til å få ta vel imot den nye presten sin. Soknerådsleiar i Rugsund, Audhild Storøy, tar gjerne imot spørsmål: 97519454 Svelgen er administrasjonssenter i kommunen, kyrkjekontoret har lokale på rådhuset. Soknepresten vil samarbeide tett med den andre soknepresten i kommunen: sokna Berle, Bremanger og Frøya. Prosten leier prestetenesta i prostiet, og jamleg samlast dei 12 prestane i Nordfjord til konvent for fagleg utvikling og kollegafellesskap. For meir informasjon, sjå: <a href="https://www.kyrkja.no/nn-NO/fellesrad/bremanger/" rel="nofollow">Kyrkja i Bremanger</a> Vi ber om at søknad med CV, vitnemål og referansar vert sendt elektronisk via Webcruiter.   
<h3>Arbeidsoppgåver</h3><ul><li>Gudstenester og kyrkjelege handlingar etter oppsett plan </li><li>Konfirmantundervisning </li><li>Trusopplæring i lag med trusopplærarar </li><li>Vere geistleg representant i Midtgulen, Ålfoten, Davik og Rugsund sokneråd </li><li>Bidra til inspirasjon i gudstenestelivet og arbeidet i kyrkjelydane </li><li>Stillinga inngår i Den norske kyrkja si ordning for beredskap</li></ul><h3>Kvalifikasjonar</h3><ul><li>Cand.theol. med praktikum eller tilsvarande/master i teologi med praktikum </li><li>Medlemskap i Den norske kyrkja</li></ul><h3>Personlege eigenskapar</h3><ul><li>Gode formidlingsevner </li><li>Erfaring med samarbeid med frivillige </li><li>Vilje til å bygge eit kyrkjeleg arbeid for alle aldersgrupper </li><li>Evne og vilje til samarbeid </li><li>Søkjar må og kunne samarbeide liturgisk med kollegaer uavhengig av kjønn eller teologisk usemje</li></ul><h3>Vi tilbyr</h3><ul><li>Stillingskode 1555 sokneprest etter KA sitt tariffområde, </li><li>Medlemsskap av den kollektive pensjonsordninga i KLP. Les meir om offentleg tenestepensjon på www.klp.no </li><li>Reiseutgifter godtgjort etter gjeldande regulativ. </li><li>Til løna kjem særskilde regulativmessige godtgjersler. </li><li>Arbeidsrettleiing (ABV). </li><li>Moglegheit til å bu i prestebustad i Davik</li></ul> Andre opplysningar Målforma soknet er nynorsk. Søkjar må ha førarkort klasse B og disponere bil.  Det vil bli utarbeida ei offentleg søkjarliste etter offentleglova § 25, jf. kyrkjeordning for Den norske kyrkja § 42. Dersom du ønskjer unnatak for denne, må du grunngje det i søknaden. Søkjarlista kan bli offentleg sjølv om du ber om unnatak. Grunnlag for handsaming etter personvernforordninga er artikkel 6 nr. 1 bokstav b og artikkel 9 nr. 2 bokstav b og g. Den som blir tilsett må vise tilfredsstillande politiattest (barneomsorgsattest) jf. politiregisterloven § 39 jf. trossamfunnsloven § 20. Bjørgvin bispedøme skal vere ein arbeidsplass med rom og respekt for mangfald, uavhengig av kjønn, alder, etnisk bakgrunn, seksuell orientering og funksjonsevne. Vi oppfordrar alle kvalifiserte kandidatar til å søke. <h3>Kontaktinformasjon</h3>Therese Nesse Mokkelbost, HR-sjef i Bjørgvin bispedøme, 93612276 
Mari Saltkjel, Prost Nordfjord prosti, 45914954 
<h3>Arbeidssted</h3>Granden 4 
6723 Svelgen 
<h3>Nøkkelinformasjon:</h3>Arbeidsgiver: Den norske kirke 
 
Referansenr.: 5018729514 
Stillingsprosent: 100% 
Fast 
Søknadsfrist: 28.09.2025

Sokneprest i Nordfjord prosti med Bremanger som tenestestad