Den Norske Kirke

Slidre

Janne Sukka

Sokneprest

Kine Ramsland

Representant frå fellesrådet

<p>Stillinga som kyrkjeverje i Vestre Slidre kyrkjelege fellesråd er ledig frå 1. september 2025. Kyrkjeverja har ei sentral rolle i utviklinga av folkekyrkja i Vestre Slidre i samarbeid med prestetenesta.</p><p>Den norske kyrkje forvaltar ein rik kulturarv, og i Vestre Slidre er det fire kyrkjer, eit kapell og ein kyrkjeruin, alle innafor ein radius på åtte km frå kyrkjekontoret. Fellesrådet er óg gravplassmyndigheit i kommunen og har forvaltningsansvaret for fire gravplassar og andre bygg som høyrer til kyrkja.</p><p>Kyrkjeverja er den øvste administrative leiaren for kyrkjeleg fellesråd i Vestre Slidre, og skal hjelpe fellesrådet med å leie strategi - og utviklingsarbeid. Kyrkjeverja har óg ansvar for kyrkja sin administrasjon og økonomi med investeringar, drift og vedlikehald av eigedommar med eit årleg driftsbudsjett på ca. 4 mill. kroner. Stillinga inneber arbeidsgjevaransvar for ca. 7 tilsette (ca 3 årsverk), her rekna med kontorfullmektig, kantor, menigheitspedagog, kyrkjetenar, klokkarar og ringarar. I tillegg har stillinga HMS-ansvar for soknepresten i kommunen. Kyrkjekontoret ligg sentralt i Slidre.</p><p>Kyrkjeverja skal vera ein synleg representant for fellesrådet og bidra til dialog og samarbeid med både politiske og administrative offentlege myndigheiter; både kommunen, prosten, bispedømmerådet, Riksantikvaren og andre relevante instansar.</p><p>Vestre Slidre kyrkjelege fellesråd søkjer ein engasjert og utviklingsorientert kyrkjeverje/dagleg leiar som er trygg i leiarrolla og som har evna til å utvikle verksemda til fellesrådet. Den nye kyrkjeverja/daglege leiaren må ha solid sosial kompetanse og forståing for kva det inneber å leie ei verksemd med tilsette i ulike profesjonar, og å samarbeide med frivillige som bidreg med betydeleg innsats. Stillinga krev gode skriftlege ferdigheiter, samfunnsinteresse og solid arbeidskapasitet.</p><br />
<h3>Arbeidsoppgåver</h3><ul><li>Leie og utvikle verksemda og ansvarsområdet til fellesrådet, og på vegne av rådet<br /></li><li>Ivareta administrative og økonomiske oppgåver på vegne av sokna gjennom kyrkjeleg fellesråd<br /></li><li>Utarbeide mål og planar for verksemda til fellesrådet<br /></li><li>Ivareta arbeidsgjevaransvaret for dei som blir lønna over fellesrådsbudsjettet<br /></li><li>Budsjett, økonomi og rekneskapsarbeid<br /></li><li>Saksbehandling for fellesrådet og oppfølging av vedtak som blir fatta der<br /></li><li>Bidra til samhandling og fremme samarbeid mellom aktuelle kyrkjelege organ, samt representere i forhold til aktuelle offentlege myndigheiter<br /></li><li>Kyrkjeverja har eit særskilt ansvar for å ivareta kyrkjebygg- og gravplassforvaltning som ligg til fellesrådet, og vidare ivareta interesser for sokna i forhold til kommunen<br /></li><li>I ein liten stab vil det óg vere naturleg for kyrkjeverja å bidra i praktiske gjeremål saman med andre tilsette ved behov</li></ul><h3>Kvalifikasjonar</h3><ul><li>Relevant utdanning på høgskulenivå med minimum bachelorgrad eller tilsvarande. Særleg relevant realkompetanse kan vega opp for manglande formell utdanning<br /></li><li>Erfaring med personalleiing, økonomistyring, administrasjon og planarbeid<br /></li><li>Gode digitale ferdigheiter<br /></li><li>Gode evner til å arbeide med komplekse problemstillingar<br /></li><li>God formuleringsevne på norsk, både munnleg og skriftleg. Målforma er nynorsk.<br /></li><li>Medlem i Den norske kyrkje og at du kan identifisere deg med verdigrunnlaget til kyrkja og oppdraget «Meir himmel på jord».<br /></li><li>Søkjar må disponere eigen bil</li></ul><h3>Personlege eigenskapar</h3><ul><li>Gode samarbeidsevner med fokus på lagbygging<br /></li><li>Gode kommunikasjonsferdigheiter<br /></li><li>Kunne glede seg over å sjå resultat gjennom medarbeidarar<br /></li><li>Evne til å arbeide sjølvstendig og ta initiativ<br /></li><li>Serviceinnstilt, påliteleg og strukturert<br /></li><li>Personleg egnaheit vil bli vektlagt</li></ul><h3>Me tilbyr</h3><ul><li>Fast tilsetjing. Lønn- og arbeidsvilkår etter gjeldande avtaleverk og pensjonsordning i KLP<br /></li><li>Eit hyggeleg arbeidsfellesskap<br /></li><li>Varierte arbeidsdagar og fleksibel arbeidstid<br /></li><li>Kjøregodtgjering utbetalt etter gjeldande regelverk<br /></li><li>Arbeidsplass i ein vakker kommune med rikt friluftsliv og kulturliv, dessutan ein solid og god grunnskule og kulturskule, båe med gode lærar-ressursar, og barnehagar med full dekning.<br /></li><li>Hjelp med å finne bustad<br /></li></ul><p>For å skape grunnlag for godt og trygt miljø for alle, må det leggjast fram politiattest før tilsetting i samsvar med Trossamfunnslovens § 20 og Politiregisterloven § 39, første ledd. Når søknadsfristen er ute, vil det bli utarbeidd offentleg søkjarliste. Ynskje om å bli unntatt frå denne lista må grunngjevast i søknadsportalen, og du vil uansett få ei tilbakemelding på dette. Dersom ynskjet ditt ikkje kan imøtekomast, vil det vera mogleg å trekkje søknaden.</p><h3>Kontaktinformasjon</h3>Kine Ramsland, Representant frå fellesrådet, 994 29 856<br />
Janne Sukka, Sokneprest, 458 61 038<br />
<h3>Arbeidsstad</h3>Slidrevegen 20<br />
2966 Slidre<br />
<h3>Nøkkelinformasjon:</h3>Arbeidsgivar: Kirkejobb<br />
<br />
Referansenr.: 4988873151<br />
Stillingsprosent: 100%<br />
Fast<br />
Søknadsfrist: 18.07.2025<br />
<br />


Kyrkjeverje/dagleg leiar i Vestre Slidre kyrkjelege fellesråd