Den Norske Kirke

Lars Erik Dalland

Fellesrådsleiar

Hans Einar Markhus

Assisterande kyrkjeverje

<p>Stillinga som kyrkjeverje i Bjørnafjorden kyrkjelege fellesråd er ledig frå 1. september 2025. Kyrkjeverja er øvste administrative leiar for Den norske kyrkja i Bjørnafjorden kommune, og forvaltar store og viktige verdiar for samfunnet. I hovudsak omfattar dette gravplasstenester for alle våre drygt 26 000 innbyggjarar, arbeidsgjevaransvar for om lag 30 tilsette, samt overordna strategisk og økonomisk ansvar for drift og utvikling av 6 kyrkjer, 1 kapell og 11 gravplassar. Ikkje minst er dette ei nøkkelrolle for utviklinga av folkekyrkja i Bjørnafjorden kommune inn i framtida.</p><p>Kommunen har to sokn, Os og Fusa, som begge har kompetente stabar med eigen dagleg leiar, og til saman fire prestar tilknytt sokna. Leiargruppa består av kyrkjeverje, daglege leiarar i Os og Fusa, og driftsleiar som koordinerer vedlikehald, kyrkjetenarar og gravplass-arbeid. Bjørnafjorden høyrer til Fana prosti og Bjørgvin bispedøme, og har godt etablerte samarbeid med desse einingane for nettverk, fagmiljø, utviklingsarbeid og strategisk arbeid for kyrkja i Vestland. Kyrkja i Bjørnafjorden har to kontor i kommunen, plassert i Fjord’n Senter i Eikelandsosen og i Os sokn sitt bygg Tunet Kyrkje- og kultursenter på Osøyro. Kyrkjeverja delar kontortid mellom desse arbeidsstadane.</p><p>Bjørnafjorden kyrkjelege fellesråd søkjer ein dyktig leiar til kyrkja i Bjørnafjorden. Dette inneberer gode mellommenneskelege og kommunikative evner, tydeleg og løysingsorientert leiarskap, god økonomisk forståing og stor og allsidig kapasitet. Samstundes trengst struktur og leiarfagleg tyngd for å ta kyrkja inn i framtida. Dette løyser ein ikkje åleine, og vi ser difor etter ein leiar som både kan ta roret, men òg spele på lag med gode krefter i stab, kyrkjelyd, styresmakter og samarbeidspartar.</p><p>Dersom intern søkar i organisasjonen vert tilsett, kan dei andre søkjarar til stillinga bli vurdert til annan leiarstilling i fellesrådet.</p><br />
<h3>Arbeidsoppgaver</h3><ul><li>Leie og utvikle verksemda i kyrkja i Bjørnafjorden</li><li>Ivareta administrative og økonomiske oppgåver delegert frå sokna til fellesrådet</li><li>Arbeidsgjevaransvar for dei tilsette</li><li>Tilsetting/rekruttering samt oppfølging av tilsette medarbeidarar</li><li>Budsjett- og økonomiansvar</li><li>Sakshandsaming for fellesrådet og oppfølging av vedtak</li><li>Bidra til samhandling og fremme samarbeid mellom aktuelle kyrkjelege organ, samt i dialog med kommunen</li><li>Hovudansvarleg for å ivareta kyrkjebygg- og gravplassforvaltninga, og vidare ivareta interesser for sokna inn mot kommunen<br /></li></ul><h3>Kvalifikasjoner</h3><ul><li>Relevant utdanning på høgskulenivå med minimum bachelorgrad eller tilsvarande. Relevant realkompetanse kan i ei heilskapsvurdering vega opp for manglande formell utdanning</li><li>Erfaring med personalleiing, økonomistyring, administrasjon og planarbeid</li><li>Evne til å arbeide strukturert med komplekse problemstillingar</li><li>God formuleringsevne på norsk, både munnleg og skriftleg. Målforma er nynorsk.</li><li>Medlem i Den norske kyrkja. Du kan identifisere deg med verdigrunnlaget til kyrkja og visjonen «Meir himmel på jord».<br /></li></ul><h3>Personlige egenskaper</h3><ul><li>Gode samarbeidsevner med fokus på lagbygging og koordinering</li><li>Evne til å arbeide sjølvstendig og strukturert</li><li>Personleg eignaheit vil bli vektlagt</li><li>Ein tillitvekkjande relasjonsbyggar som brenn for kyrkja si rolle i lokalsamfunnet og enkeltmenneske sitt liv</li><li>Kjennskap til Bjørnafjorden, Den norske kyrkja eller andre relevante tilhøve vil vere ein fordel.</li></ul><h3>Vi tilbyr</h3><ul><li>Konkurransedyktige løn- og arbeidsvilkår etter gjeldande avtaleverk og pensjonsordning i KLP</li><li>Eit hyggeleg arbeidsfellesskap med engasjerte og kompetente medarbeidarar</li><li>Ei spennande leiarstilling for ein allsidig og viktig organisasjon i lokalsamfunnet</li><li>Varierte arbeidsdagar og fleksibel arbeidstid</li></ul><p>Vi oppmodar alle interesserte til å søke, uansett bakgrunn, og ser på mangfald som ei styrke i både kyrkjelydane og stabane våre.</p><p>For å skape grunnlag for godt og trygt miljø for alle, må det leggjast fram politiattest før tilsetting i samsvar med Trossamfunnslovens § 20 og Politiregisterloven § 39, første ledd. Når søknadsfristen er ute, vil det bli utarbeidd offentleg søkjarliste. Ynskje om å bli unntatt frå denne lista må grunngjevast i søknadsportalen, og du vil uansett få ei tilbakemelding på dette. Dersom vi ikkje kan innvilge ditt ynskje, vil det vera mogleg å trekkje søknaden.<br /></p><h3>Kontaktinformasjon</h3>Hans Einar Markhus, Assisterande kyrkjeverje, 95936580<br />
Lars Erik Dalland, Fellesrådsleiar, 93041113<br />
<h3>Arbeidssted</h3>Øyro 49<br />
5200 Os<br />
<h3>Nøkkelinformasjon:</h3>Arbeidsgiver: Bjørnafjorden kyrkjelege fellesråd<br />
<br />
Referansenr.: 4993951511<br />
Stillingsprosent: 100%<br />
Fast<br />
Søknadsfrist: 24.08.2025<br />
<br />


Kyrkjeverje