Bondevennen

Stavanger

Ønskjer du å setta namnet ditt på landbruksjournalistikken i Norge?
Er du klar for å kvessa pennen og skriva om alt frå jord - via fjøset - til bord? Bondevennen søkjer ein landbruksfagleg person med god formidlingsevne. Vi vil gjerne høyra frå deg!
Om oss
Bondevennen har ein liten redaksjon med godt arbeidsmiljø. Hjå oss jobbar du i eit miljø prega av fag, engasjement og samarbeid. Her er stort rom for læring og utvikling.
Redaksjonsmedarbeidarane våre er ofte ute på reportasjereiser. I tillegg brukar vi ein del heimekontor.
Kulturen i Bondevennen og i landbruksmiljøet som vi skriv om og for er prega av fagterminologi, historie, tradisjon og nettverk. Kjennskap til dette er nyttig i arbeidet.
Kva vil du gjera i Bondevennen?
Som vår journalist vil du:
<ul><li>Vera særleg oppteken av husdyr- og planteproduksjon</li><li>Dekka Bondevennen sitt område fra Agder til Nord-Vestlandet</li><li>Skriva artiklar, reportasjar, kommentarar og analysar</li><li>Følgja Ver varsam-plakaten og vera opptatt av god presseskikk</li><li>Levera stoff til redigering og korrektur i god tid før deadline</li><li>Halda deg oppdatert innan jordbruksfaglege tema og i samfunnsdebatten</li><li>Utvikla idear til nye saker og samarbeida med kollegaer for å skapa aktuelt og engasjerande innhald</li><li>Bidra til anna redaksjonelt arbeid som småsaker og korrekturlesing</li><li>Disponera eigen bil</li></ul>
Kvifor vil du jobba hjå oss?
<ul><li>Konkurransedyktige vilkår: Vi tilbyr gode forsikrings- og pensjonsordningar som gir tryggleik</li><li>Fleksibilitet og sjølvstende: Du styrer din egen arbeidsdag og har rom for å påverka utforminga av bladet</li><li>Utvikling: Vi vektlegg fagleg og journalistisk kompetanseutvikling, slik at du som arbeidstakar får utvikla deg i jobben</li><li>Variasjon: Arbeidet i Bondevennen er mangfaldig og gir deg spanande utfordringar</li></ul>
Oppstart: Etter avtale
Søknadsfrist: 25. januar 2026

Landbruksfagleg person med skrivelyst og formidlingsevne