Bømlo Kommune Helse- Og Sosialadministrasjon

Bremnes

Vanja Espeland

Personalsjef

Kjetil Aga Gjøsæter

Kommunedirektør

<p><strong></strong><strong></strong><strong>Etter mange år i jobben går noverande økonomisjef av med pensjon. Me søkjer difor ein ny økonomisjef som vil ta over stafettpinnen og bidra til å forma framtida i ein kommune med høge ambisjonar og sterke verdiar.</strong> <strong></strong><br /></p><p>Me ser etter ein strategisk og utviklingsorientert økonomisjef som vil leia økonomiavdelinga og spela ei sentral rolle i kommunedirektøren si leiargruppe. Du får ansvar for budsjett, rekneskap, økonomistyring og finansforvaltning, og skal bidra til berekraftig samfunnsutvikling gjennom god økonomisk planlegging og leiing. <strong></strong><br /></p><p><strong>Om kommunen</strong><br />Bømlo ligg vakkert til på kysten, midt mellom Bergen og Stavanger. Me har eit variert næringsliv, eit rikt kulturliv og gode oppvekstvilkår. Kommunen har om lag 12 500 innbyggjarar og er ein attraktiv stad å bu og arbeida. Me har høge ambisjonar for utviklinga av lokalsamfunnet vårt – og me treng dyktige folk med på laget.</p><br />
<h3>Arbeidsoppgåver og ansvar</h3><p>Som økonomisjef har du overordna ansvar for kommunen sin økonomi og finansforvaltning. Du skal leia og vidareutvikla økonomiavdelinga og sikra at Bømlo kommune har god økonomistyring og langsiktige planar på plass. </p><p>Dette inneber blant anna: </p><ul><li>Budsjett og rekneskap: leia budsjettprosessen, sørgja for      nøyaktig rekneskapsføring og økonomiplanar, samt følgja opp at vedtatt      budsjett blir halde.</li><li>Økonomistyring og rapportering: sikra god kontroll på utgifter      og inntekter gjennom året og rapportera jamleg til administrativ og      politisk leiing. Du har ei sentral rolle i å formidla økonomiske analysar      og innsikt på ein forståeleg måte, slik at både organisasjonen og      politikarane har god økonomisk forståing.</li><li>Strategi og utvikling: vera ein aktiv bidragsytar i kommunen      si overordna planlegging. Du skal sjå økonomi i samanheng med      tenesteutvikling, identifisera handlingsrom og føreslå tiltak som fremjar      ei berekraftig utvikling for Bømlo-samfunnet.</li><li>Samarbeid og leiarskap: delta i kommunedirektøren si      leiargruppe og bidra til godt tverrfagleg samarbeid. Du jobbar tett med      verksemdsleiarar og andre fagmiljø for å integrera økonomiske perspektiv i      alt frå samfunnsplanar til dagleg drift. Som leiar for økonomiavdelinga      motiverer og utviklar du medarbeidarane dine og byggjer eit sterkt      fagmiljø.  </li></ul><p>Andre oppgåver kan bli tillagt stillinga avhengig av den tilsette sin kompetanse og interesser. Endringar i arbeidsområdet må kunne påreknast. </p><h3>Kvalifikasjonar</h3><ul><li>Høgare utdanning innan økonomi (masternivå er ønskjeleg).</li><li>Erfaring med økonomistyring og finansielle analysar.</li><li>Relevant leiarerfaring er ein fordel. </li><li>Gode digitale ferdigheiter og systemforståing.</li><li>God framstillingsevne på norsk.</li></ul><h3>Personlege eigenskapar</h3><ul><li>Strategisk og analytisk – ser heilskapen og tenkjer langsiktig.</li><li>Strukturert og fleksibel – handterer varierte oppgåver med målretta innsats.</li><li>God kommunikator og lagspelar – formidlar økonomi på ein forståeleg måte og byggjer gode relasjonar.</li><li>Trygg og engasjerande leiar – motiverer medarbeidarar og tek ansvar.</li><li>Utviklingsorientert – open for nye løysingar og held deg fagleg oppdatert.<br /></li></ul><p>Ved vurdering av den best kvalifiserte, legg me vekt på utdanning, erfaring og personlege eigenskapar, samt din motivasjon for stillinga. <br /></p><h3>Me tilbyr</h3><ul><li>Ei nøkkelstilling i ein framoverlent kommune. Dette er ei utfordrande og lærerik      toppleiarstilling. </li><li>Eit kompetent og engasjert arbeidsmiljø. Økonomiavdelinga hos oss består av flinke folk med høg kompetanse som gledar seg til å få ein ny leiar på laget. Elles i organisasjonen vil du møta ein kultur prega av samarbeid og openheit, der me lever etter verdiane våre: raus, modig og engasjert.</li><li>Gode offentlege pensjons- og forsikringsordningar (KLP).</li><li>Konkurransedyktige løns- og avtalevilkår.</li><li>Mogleg medlemskap med tilsettegoder i velferdsklubben.</li><li>Trivelege kollega, kantine og eige kontor.</li></ul><p><strong>Andre opplysingar</strong></p><ul><li>Administrasjonsmålet i kommunen er nynorsk.</li><li>Bømlo kommune ser på inkludering og mangfald som ein styrke, og vil oppmode alle kvaliserte søkjarar om å søke stilling uavhengig av bakgrunn.</li><li>Me gjer merksam på at søkjarar vert ført opp på offentlig søkerliste. Det er mogleg å søkje om anonymitet, men det må vere særskilte omstende for å få innvilga unntak, jf. Offentleglova § 25.</li></ul><p>Synes du stillinga ser interessant ut, og samsvarar med kvalifikasjonane dine, sender du oss søknaden din elektronisk via Webcruiter.no med CV, vitnemål og attestar vedlagt. Ved førespurnad må du kunna skaffa bekrefta kopiar av dokumentasjonen din. Dersom du har spørsmål om stillinga og rekrutteringsprosessen, ta kontakt med Kjetil Aga Gjøsæter, kommunedirektør eller personalsjef Vanja Espeland.</p><h3>Kontaktinformasjon</h3>Kjetil Aga Gjøsæter, Kommunedirektør, 408 63 501<br />
Vanja Espeland, Personalsjef, 480 17 825<br />
<h3>Arbeidsstad</h3>Leirdalen 1<br />
5430 Bremnes<br />
<h3>Nøkkelinformasjon:</h3>Arbeidsgivar: Bømlo kommune<br />
<br />
Referansenr.: 4993297734<br />
Stillingsprosent: 100%<br />
Fast<br />
Søknadsfrist: 21.09.2025<br />
<br />


Økonomisjef