Barne-, Ungdoms- Og Familiedirektoratet

Bergen

Alice Tunestveit

Avdelingsleder 

Fosterhjemstjenesten i Rogaland og Vestland

<p>Eining for Spesialiserte fosterhjem, Region vest, søker fleire heimar for ungdom (12-18 år). </p><p>Me søker trygge og engasjerte heimar, busatt med inntil ein til to timars reiseavstand frå våre kontor i Bergen, Sogndal, Haugesund og Stavanger.  </p><p>Som spesialisert fosterheim arbeider du heimafrå på oppdrag for Bufetat, med full arbeidsgodtgjersle og vilkår tilnærma lik ein statleg tilsatt. Du vil arbeide i team med våre fagkonsulentar for å gje omsorg som skal bidra til utvikling hjå barnet/ungdommen. Dei fleste bur i fosterheimen til dei fyller 18-20 år før dei flyttar i sjølvstendig  tilvære eller med anna oppfølging. </p><p>Me søker deg som ynskjer å bety ein skilnad for ungdom som treng det og som har eigenskapane som skal til for å kunna stå i oppdraget. </p><p>Me gjer tilbod om gode vilkår og oppfølging og støtte frå fagleg dyktige og erfarne fagkonsulentar. Du vil få fast arbeidsgodtgjersle og medlemskap i Statens pensjonskasse. Den eine vaksne i heimen har dette som sitt fulltidsarbeid og inngår i eit nettverk saman med fleire andre heimar. </p><br />
<h3>Kva inneheld oppdraget? </h3><ul><li>Å gje omsorg og ivaretaking til eit barn/ungdom i eigen heim. </li><li>Tett oppfølging av ungdommen når det gjeld skule, helse og aktivitetar på fritid. </li><li>Å motta individuell rettleiing frå fast fagkonsulent.</li><li>Deltaking i grupperettleiing, fagdagar og anna opplæring for oppdragstakarar. <br /></li><li>Tett samarbeid og møteverksemd med fagkonsulent/rettleiiar frå Eining for Spesialiserte fosterhjem Region vest, barneverntenesta, barnets familie og andre samarbeidspartar. </li></ul><h3>Kvalifikasjonar</h3><p><strong>Kven er du? </strong><br />Me søker deg som er trygg, som evnar å gje god omsorg, er førutseieleg og stabil, og som har røynsle frå arbeid med barn og unge frå tidlegare. Du har et ønske om å hjelpa eit barn eller ein ungdom til å kunna få ein stabil og trygg kvardag og vidare oppvekst som kan fremje utvikling. Me ser etter deg som likar å egna deg til ny kunnskap og å utvikla deg. Som spesialisert fosterheim må du oppfylla dei generelle krava for å verte fosterheim: </p><ul><li>Du og din partnar må gjennomføra “Solid&#34; grunnopplæringskurs, eller ha anna godkjend opplæring som fosterheim (Pride), samt oppdatert godkjenning. </li><li>Røynsle frå arbeid med barn og ungdom. </li><li>3 årig relevant høgskule eller universitetsutdanning er ein fordel. </li><li>Kjennskap til traumebevisst omsorg eller ulike foreldreprogram er ein fordel.</li><li>Heimen dykkar må vera egna og i forsvarleg stand til oppfostring av barn, med eige rom til fosterbarn. </li><li>Godkjend helseattest og tilfredsstillande politiattest frå alle i familien over 18 år.</li><li>Førarkort kl. B. </li><li>Dersom de har eigne barn vil vi at dei skal vere eldre enn 13 år, og same kva alder vil me vurdera barnas mogenhet for oppdraget. </li></ul><p>Personleg skikkaheit vil verte vektlagd. </p><h3>Me gjev tilbod om</h3><p>Treårig statleg kontrakt, med mogelegheit for forlenging </p><ul><li>Full godtgjering og vilkår om du har eit barn buande hjå deg eller ikkje. </li><li>Tjenestepensjonsordning.</li><li>Yrkesskadeforsikring. </li><li>Avlastning og friperiodar.</li><li>Opplæring, tett oppfølging og rettleiing i gruppe og individuelt.</li><li>Fellesskap med andre røynde spesialiserte heimar.  </li><li>Eigen fagkonsulent som rettleiar.</li><li>Eininga har eigen psykolog i teamet vårt.</li><li>Vaktordning; 24 timars beredskap alle dagar.</li><li>Å verte ein del av eit arbeidsmiljø med høg fagleg kompetanse.<br /></li></ul><ul><li>Arbeidsgodtgjersle vert rekna ut individuelt ut frå utdanning og røynsle. </li><li>Utan relevant kompetanse (4,3G – 5,1G) ca. kr. 533 000 - 632 000 per år. </li><li>Med relevant 3-årig høgskuleutdanning (4,7G – 5,5G), ca. kr. 600 000 – 700 000 per år. </li><li>Utgiftsdekking vert utbetalt når det bur barn hjå dykk, med f.t. kr 10 756,- i månaden. </li><li>Satsar for G og utgiftsdekking vert årleg regulert. </li></ul><p> <strong>Informasjon til deg som søker </strong></p><ul><li> Vi tar fortløpende kontakt med alle som henvender seg for en avklarende prat. </li></ul><h3>Kontaktinformasjon</h3>Fosterhjemstjenesten i Rogaland og Vestland, 46 61 90 00<br />
Alice Tunestveit, Avdelingsleder , 46 61 89 02<br />
<h3>Arbeidssted</h3>Solheimsgaten 11<br />
5058 Bergen<br />
<h3>Nøkkelinformasjon:</h3>Arbeidsgiver: Bufetat<br />
<br />
Referansenr.: 4897561165<br />
Stillingsprosent: 100%<br />
Annet<br />
Søknadsfrist: 31.08.2025<br />
<br />


Spesialiserte fosterheimar