Barne-, Ungdoms- Og Familiedirektoratet

Nesttun

Cecilie Kronheim Opdal

Vi ser etter deg som har eit stort engasjement og hjarte for ungdom som treng trygge og dyktige miljøterapeutar rundt seg, for at dei skal få eit godt liv som vaksen. I Bufetat er vi stolte over det arbeidet vi gjer for å gje barn og unge ein god barndom som varar livet ut. Vi ligg i front internasjonalt innafor våre fagfelt når det kjem til kunnskapsbasert praksis, der vi både bidreg til og praktiserar den aller siste forskinga. Hos oss møtar du ein arbeidskultur prega av åpenheit og nytenking. Vi ser etter deg som er nysgjerrig og ikkje låser deg til bestemte løysingar på utfordringane i jobben. For å kunne gje alle våre barn og unge god og tilpassa omsorg, ønsker vi derfor å rekruttere medarbeidarar med ulik kompetanse, fagkombinasjonar, livserfaringar og perspektiv. Skjoldvegen barnevernsenter er ein omsorgsinstitusjon i Bergen for barn og unge i alderen 13 - 18 (20) år. Vi tek imot plasseringar etter Lov om barneverntenester §§ 3.1, 3.2 og 5.1. Skjoldvegen barnevernsenter skal gjennom traumebevisst omsorg og Omsorg- og endringsmodellen (OEM) etablere profesjonelle omsorgsrammer som legg til rette for endring og utvikling. Vi kan tilby eit godt arbeidsmiljø med gode moglegheiter for fagleg og personleg utvikling, rettleiing og spanande utfordringar. Skjoldvegen barnevernsenter består i dag av tre avdelingar; Skjold, Søfteland og Fyllingsdalen med til saman 14 plassar. Frå hausten 2025 skil avdelingane lag, og avdeling Skjold vil då inngå som ein del av eit nyoppretta senter i Bufetat, region vest saman med Eikelund ungdomssenter, KASA Sandsli og KASA Hop. Senteret er ein del av ei nasjonal pilotsatsing og byggjer mellom anna på tilrådingane i NOU 2023:24 Med barnet heile vegen. Sentermodellen vil bestå av fire ulike institusjonar innanfor eit avgrensa geografisk område som utgjer ei større eining. Målsetjinga er at barna skal få tverrfagleg støtte gjennom heile opphaldet hos oss, større stabilitet i butilbodet, redusera uønska flyttingar og skapa ein tryggare og betre kvardag for ungdomane som bur i senteret. Senteret vil bruka kompetansen til tilsette fleksibelt i forhold til avdelingane på senteret og det samla behovet til ungdomane.Stillingane er i to-delt turnus med dag og kveldsvakter og arbeid kvar 4. helg.Det kan og vera moglegheitar for andre vikariat av ulik storleik og lengder ved eininga.Stillingane som miljøterapeut inneber eit ansvar for målretta fagleg og miljøterapeutisk arbeid i tråd med Omsorg- og endringsmodellen, senteret sine retningsliner og faglege rettleiarar. Miljøterapeutane arbeidar både sjølvstendig og i team. Dei deltek i overlapping ved vaktskifte, praktisk rapportskriving og anna skriftleg dokumentasjon knytt til arbeidet. Miljøterapeutane deltar i fagmøter og i rettleiing som vert gitt i høve modellen. Miljøterapeutane har praktiske, huslege oppgåver og vedlikehald i og rundt avdelinga i løpet av vaktene. 
<h3>Arbeidsoppgåver</h3>Miljøterapi i en omsorgsinstitusjonTil oss kjem barn og ungdom når omsorgssituasjonen rundt dei må styrkjast. Dei har samansette og omfattande utfordringar i liva sine. Dette kan vera knytt til psykisk helse, rusproblematikk, ustabile relasjonar, mangel på tillit til system og normbrytande åtferd. Dei kan også ha erfaringar med vald, traume og ustabile buforhold med fleire tidlegare flyttingar.Skjoldvegen barnevernsenter arbeidar etter Omsorgs- og endringsmodellen (OEM), som inneber blant anna traumebevisst omsorg, dialektisk atferdsterapi mv.Målet vårt er å bidra til at ungdomane tek gode val som leiar til varig positiv endring i sine liv. For å lykkast er det viktig at vi: <ul><li>utfører godt miljøterapeutisk endringsarbeid ved hjelp av kunnskapsbaserte metodar og standardiserte forløp</li><li>sikrar tverrfagleg samhandling med kommunal barnevernsteneste, føresette, sosialt nettverk, skule, helse og arbeid</li><li>bidreg til å vareta rettstryggleiken til ungdomen ved hjelp av god dokumentasjon</li><li>reflekterar over eiga rolle og funksjon i møte med barn, unge, familiar, kollegaer og samarbeidspartar</li><li>arbeider med krise- og stresshandtering og har kunnskap om å stabilisera barn i krise</li><li>arbeidar førebyggjande og handterar åtferd/hendingar der barn og ungdom kan skada seg sjølv eller andre</li><li>identifiserar teikn på, og handterar konsekvensar av omsorgssvikt og vald</li><li>kartlegg styrkane og behova til ungdomen og utarbeidar og følgjer opp planar på ein fagleg og systematisk måte</li></ul>I jobben treng du også gode verktøy. Hos oss vil du få jobbe med nokre av dei fremste kunnskapsbaserte metodane og standardiserte forløpa for miljøterapi. Se meir om arbeidet vårt HER: <a href="https://www.youtube.com/watch?v&#61;Qkz_lJT7O84" rel="nofollow">https://www.youtube.com/watch?v&#61;Qkz_lJT7O84</a><h3>Kvalifikasjonar</h3><ul><li>Fullført 3-årig sosialfagleg høgskuleutdanning (sosionom, barnevernspedagog eller vernepleiar) tilsvarande 180 studiepoeng.</li><li>Søkjarar med anna relevant bachelorgrad, som til dømes innan sjukepleie, pedagogikk eller psykologi, kan og vurderast. </li><li>Ved eventuelle vikariat i deltidsstillingar, kan kandidatar utan 3-årig bachelorgrad med relevant erfaring og vurderast.</li><li>Krav om god norsk munnleg og skriftleg framstillingsevne. </li><li>Sjølvstende i skriftleg arbeid og god kunnskap i bruk av dataverktøy i dokumentasjonsarbeid.</li><li>God fysisk og psykisk helse.</li><li>Krav om førarkort for personbil kl. B.</li></ul><ul><li>Det vil vere ein stor føremon om du har erfaring frå miljøterapeutisk arbeid i barneverninstitusjon og/ eller barne- og ungdomspsykiatri.</li><li>Det er ønskeleg at du har relevant vidareutdanning innan til dømes barnevern eller psykisk helse. </li><li>Det er ønskeleg med kunnskap om traumebevisst omsorg og OEM. </li></ul><h3>Personlege eigenskapar</h3>Vi søkjer deg som er ein trygg, tydeleg, robust og tillitsvekkjande vaksen med godt humør, som likar å arbeide med og for ungdom. Du rommar ungdomane og deira uttrykk på ein varm og støttande måte, og arbeider aktivt for å skape forståing og endring, samt ivareta ungdomane sine behov og rettar best mogleg.Du evner å:<ul><li>byggje relasjonar</li><li>la deg engasjere, og kan engasjere og motivere andre.</li><li>arbeide sjølvstendig, metodisk og i team. </li><li>analysere utfordringar og vurdere forslag til løysing.</li><li>halde deg fagleg oppdatert og tileigne deg ny fagleg kunnskap.</li></ul><ul><li>Du har god arbeidsmoral og gode samarbeidsevner, og er ein bevisst positiv bidragsytar i arbeidsmiljøet.</li><li>Du er fleksibel, trivst med utfordringar og tåler hektiske og spanande kvardagar.</li><li>Du ønsker å være ein del av ein velorganisert kvardag, har forståing for, og vil bidra til oppfølging av gjeldande strukturar og rutinar.</li><li>Du kan nyttiggjere deg opplæring, rettleiing og konstruktiv tilbakemelding.</li><li>Du er punktleg.</li></ul>Personlege eigenskapar vert særlig vektlagt ved tilsetjing.Skjoldvegen barnevernsenter har lik kjønnsbalanse mellom kvinner og menn. Dette kan vere
avgjerande ved val av kandidatar til intervju ettersom personalsamansetninga er
viktig.<h3>Vi tilbyr</h3><ul><li>Stillinga er plassert i statleg lønsregulativ i stillingskode 1495 barnevernspedagog, 1494 sosionom, 1508 vernepleiar eller 1489 miljøterapeut, pt. kr 490 000 - 615 000 pr. år.</li><li>Ved relevant vidareutdanning tilsvarande 60 studiepoeng, kan det tilsetjast i stillingskode 1510 spesialutdanna barnevernspedagog, 1185 spesialutdanna sosionom, 1509 spesialutdanna vernepleiar, 1534 spesialutdanna miljøterapeut, pt kr 540 000 - kr 645 000. pr. år.</li><li>Ved godkjenning som klinikar, kan det tilsetjast i stillingskode 1173 klinisk sosionom eller 1496 klinisk barnevernspedagog, pt kr 548 500 - kr 670 000 pr. år.</li><li>Ved tilsetjing i deltidsstilling kan følgjande stillingskodar vere aktuelle: 1486 miljøarbeidar, pt. kr 420 000 - 500 000 1203 fagarbeidar med fagbrev, p.t. kr 432 800 - 530 000  eller 1488 miljøterapeut, p.t. kr 460 000 - kr 550 000 pr. året.</li><li>Løn i høve til utdanning og arbeidserfaring.</li><li>Medlemskap i Statens pensjonskasse jf. Lov om Statens pensjonskasse, som inneber ein god tenestepensjonsordning, moglegheit for tilbod om bustadlån til konkurransedyktige vilkår, samt yrkesskade- og gruppelivsforsikring. </li></ul> Opplysingar til deg som søkjer <ul><li>Inkludering og mangfald er ein styrke og gjer at vi kan løyse oppgåvene våre enno betre. Vi ønskjer oss difor medarbeidarar med ulik kompetanse, fagkombinasjonar, livserfaringar og perspektiv. Har du funksjonsnedsetting, hol i CV-en eller innvandrarbakgrunn, oppmodar vi deg som søker til å krysse av i jobbsøkjarportalen.Er det kvalifiserte søkjarar, kaller vi inn minst éin i kvar gruppe til intervju, og får du jobben, legg vi til rette for deg om du treng det. Utanom å velje ut rette  kandidatar bruker vi ikkje avkrysningane til noko anna enn anonymisert statistikk.</li><li>Stillinga er for tida lagt til Skjoldvegen barnevernsenter, avd. Skjold</li><li>Politiattest må framleggast ved eventuell tilsetjing, jf. lov om barnevern § 12-11 andre ledd, og forskrift om politiattest § 6. Denne attesten skal ikkje leggast ved søknaden.</li><li>Du kan be om ikkje å bli oppført på den offentlege søkjarlista. Dette må i så fall grunngjevast. Vi kontakter deg dersom ønskjet ditt ikkje kan takast til følgje.</li></ul>Søknad med CV skal sendast elektronisk via lenkje på denne sida.For å bli vurdert som søkjar, må du leggja ved relevante vitnemål og attestar med stadfesta stillingsstorleik. Vitnemål for utdanning teke i Noreg skal lastast opp frå Vitnemålsportalen. Har du utdanning frå utlandet må du leggja ved godkjenning frå Direktoratet for høgare utdanning og kompetanse/NOKUT. <h3>Kontaktinformasjon</h3>Cecilie Kronheim Opdal, &#43;47 46616479 
<h3>Arbeidssted</h3>Skjoldvegen 51 
5221 Bergen 
<h3>Nøkkelinformasjon:</h3>Arbeidsgiver: Bufetat 
 
Referansenr.: 5021109749 
Stillingsprosent: 100% 
Fast 
Søknadsfrist: 19.10.2025

Vi har ledig 2 faste 100 % stillingar som miljøterapeut