Austevoll kommune

Storebø

Ole Magnus Hundvin

Senior Consultant

Er du ein drivande prosjektleiar som trivst med både struktur, gjennomføring og utvikling? Austevoll kommune er i sterk vekst, og vi søkjer deg som vil ta leiarskap for våre bygge- og anleggsprosjekt – frå idéfase til overlevering. 
 
Som leiar for prosjekt og utbygging får du ei nøkkelrolle i kommunen si samfunnsutvikling. Du vil ha ansvar for porteføljestyring, prosjektleiing og utvikling av system for god prosjektstyring. Stillinga ligg i stab og rapporterer direkte til kommunalsjef for samfunnsutvikling. 
 
Dine viktigaste ansvarsområde 
•    Leiing og oppfølging av kommunale bygge- og anleggsprosjekt 
•    Prosjektutvikling, planlegging og gjennomføring – med ansvar for kvalitet, økonomi og framdrift 
•    Ansvar for SHA og byggherreforskrifta 
•    Kontraktstrategi, innkjøp og anbodsprosessar etter regelverket for offentlege anskaffingar 
•    Oppfølging av rådgivarar, entreprenørar og leverandørar 
•    Utvikling og drift av system og rutinar for prosjektstyring 
•    Identifisere framtidige investeringsbehov og bidra i planarbeid 
•    Rapportering, dokumentasjon og politisk saksbehandling innanfor fagområdet 
 
Kven er du? 
Vi ser etter deg som har solid erfaring med gjennomføring av komplekse prosjekt, anten frå byggherresida eller entreprenørbransjen. Du er strukturert og målretta, med stor gjennomføringsevne og evne til å skape tillit både internt og eksternt. 
Du har: 
•    Høgare relevant utdanning (ingeniør, bygg, prosjektleiing el.l.) 
•    Praktisk erfaring med prosjektleiing og porteføljestyring 
•    God kjennskap til SHA, byggherreforskrifta og offentlege anskaffingar 
•    God økonomiforståing og evne til risikohandtering 
•    Sterk skriftleg og munnleg framstillingsevne på norsk 
•    Førarkort kl. B 
 
Erfaring frå offentleg sektor er ein fordel, men ikkje eit krav. 
 
Kvifor Austevoll kommune? 
Austevoll er ein av Noregs mest framtidsretta øykommunar, med sterke næringar, høg byggeaktivitet og eit handlekraftig politisk miljø. Du får jobbe tett på dei strategiske prioriteringane i kommunen, i eit moderne kommunehus på Storebø – med korte avstandar, raske beslutningslinjer og eit fagmiljø med høg kompetanse og god kultur. 
Vi tilbyr: 
•    Ei nøkkelrolle i samfunnsutviklinga i Austevoll 
•    Spennande prosjektportefølje og fagleg ansvar 
•    Moderne fasilitetar og eit positivt arbeidsmiljø 
•    Gode moglegheiter for fagleg utvikling 
•    Gode pensjons- og forsikringsordningar 
•    Løn etter kvalifikasjonar 
•    God fleksibilitet og pendlarvennlege ordningar (gratis ferje frå fastlandet) 
 
Praktisk info og kontakt 
Arbeidsstad: Kommunehuset på Storebø 
Stillingstype: 100 % fast stilling 
Oppstart: Etter avtale 
Søknadsfrist:11.8 
Spørsmål om stillinga? 
Ring Ole Magnus Hundvin, rådgivar i Human AS – tlf. 92 33 11 00 
 
Om Austevoll kommune 
Austevoll er ein øykommune sørvest i Vestland fylke med om lag 5400 innbyggarar og svært høg næringsaktivitet – særleg innan sjømat og havbruk. Kommunen har eit sterkt fokus på berekraftig utvikling, kvalitet i tenestene og profesjonell forvaltning. Administrasjonsmålet er nynorsk.

Bygg framtida i ein kommune i vekst – lei utbyggingsprosjekta frå idé til ferdigstilling