Austevoll Kommune Oppvekst Og Kultur

Storebø

Ida Heggholmen

Personalsjef

<h2>Om arbeidsstaden</h2><p>Personal- og organisasjonsutvikling har ansvar for personaladministrasjon, kompetanseutvikling, organisasjonsutvikling, leiarutvikling, rekruttering, HMS og sjukefråvær, arbeidsrettslege tema, arbeidsgjevarpolitikk, drøftingar og forhandlingar med arbeidstakarorganisasjonar. Austevoll kommune har fokus på vidareutvikling og forbetring av rutinar og stillinga skal bidra til at vi driftar kommunen effektivt og utviklar kommunen som arbeidsgjevar til beste for både tilsette og innbyggjarane.</p><br /><h2>Om stillinga</h2><p>Austevoll kommune har ledig stilling som personalkonsulent.</p><p>Stillinga høyrer til avdeling for Personal- og organisasjonsutvikling og rapporterer til personalsjef. Austevoll kommune er under omstilling. Arbeids- og ansvarsområde kan derfor bli endra.</p> <p><strong>Arbeids- og ansvarsområde</strong></p><ul><li>Personaladministrativ arbeid med særleg vekt på rekrutteringsprosess </li><li>Støtte og rådgje leiarar og medarbeidarar i personaladministrative saker </li><li>Rutineutvikling av ulike arbeidsprosessar innan HR-feltet</li><li>Vidareutvikla personal- og leiarhandbøker</li><li>Sekretariatsfunksjonar for ulike råd og utval</li><li>Forenkling og forbetring av administrative prosessar</li><li>Sakshandsaming innanfor feltet</li></ul><br /><h2>Kvalifikasjonskrav</h2><p><strong>Formelle kvalifikasjonskrav</strong></p><ul><li>Relevant høgare utdanning på minimum bachelornivå. Søkjarar med lang erfaring innan arbeidsfeltet kan erstatta utdanningskravet.</li><li>Administrativ erfaring og kompetanse innan HR.</li><li>Kjennskap til bruk av administrative datasystem og generelt god IKT-kompetanse.</li><li>Kunnskap om arbeidsrett og kollektive avtalar er ein fordel.</li><li>Erfaring frå offentleg forvaltning er ein fordel.</li><li>God skrifteleg og munnleg kompetanse.</li><li>Internasjonale gradar må vere godkjent av NOKUT.</li></ul> <p><strong>Personlege eigenskapar</strong></p><p>Søkar må vere personleg eigna for stillinga. For oss er det svært viktig at du har gode kommunikasjons- og samarbeidsevner. Vi søker deg som evner å ta initiativ, som arbeider sjølvstendig og likar å arbeide i team. Vidare søker vi deg som:</p><ul><li>er fleksibel</li><li>har fagleg engasjement for HR-feltet</li><li>har stor arbeidskapasitet og fokus på kvalitet</li><li>arbeidar systematisk og strukturert</li><li>er positiv og bidrar til eit godt arbeidsmiljø</li></ul><br /><h2>Vi tilbyr</h2><ul><li>Moglegheit for fagleg utvikling i eit godt og positivt arbeidsmiljø.</li><li>Spanande utfordringar.</li><li>Løn etter kvalifikasjonar. </li><li>Gode pensjons- og forsikringsordningar.</li></ul><br /><h2>Slik søker du</h2><p>Send søknad og CV ved å klikke på knappen merka &#34;Søk stilling&#34; på denne sida.</p><p>Det er søkar sitt ansvar å sørge for at alle relevante vedlegg er lagt inn innan fristen, som for eksempel attester og vitnemål. Dersom vitnemål, karakterutskrifter eller annan dokumentasjon ikkje er på eit skandinavisk språk eller engelsk, må søkar sjølv laste opp attesterte omsettingar.</p><p>Ikkje send søknad på e-post til enkeltpersonar i kommunen.</p><p>Vi gjer merksam på at i følge offentleglova § 25, 2. ledd kan opplysningar om søkaren bli offentleggjort sjølv om søkaren har oppmoda om ikkje å bli ført opp på offentleg søkarliste. Søkaren vil alltid bli varsla på førehand dersom søkarlista blir offentleggjort.</p><br />

Personalkonsulent