Aurland Kommune

Aurland

Solfrid Borlaug

arbeidsleiar

Catrine Moberg-Jordalen

avdelingsleiar

<h2>Om stillinga</h2><p>Me har ledig 80 % fast stilling som brukarstyrt personleg assistent frå snarast.</p><p>Stillinga er til ein mann med behov for assistanse i kvardagen. Det er til saman fire personlege assistentar i dette tiltaket. Brukaren bur i eige husvære saman med familien, og nyttar ei helg i månaden  i avlastingsbustad. I arbeidet som personleg assistent får du høve til å gjere ein stor forskjell for eit anna menneske. Jobben er variert og gjevande, med gode vilkår.</p><p>Personleg assistanse er organisert under kommunalområde helse og omsorg, avdeling bu og miljø. Bu- og miljø vart oppretta i 2018. Det er om lag 30 tilsette ved avdelinga.</p><p>Me gir omsorg og oppfylging til brukarar med ulike behov. Meistring av kvardagslege aktivitetar og sosial deltaking står i fokus. Me jobbar aktivt for å sikre fagleg kvalitet og gode tenester. Tenester som heildøgns omsorg i bufelleskap, brukarstyrt personleg assistent (BPA), avlasting, støttekontakt og omsorgsstønad ligg til eininga. Me har også ansvar for å bygge opp aktivitetstilbod til målgruppa.</p><p>Me har høgt fokus på fagutvikling, og jobbar aktivt for å sikre gode tenester. </p><br /><h2>Arbeid og ansvarsområde</h2><p>Me ynskjer at du er ein ressurs og ein god samtalepartnar. Du vil vere ein del av kvardagen til brukaren og delta i aktivitetar og i sosiale samanhengar etter ynskje frå brukaren.</p><p>Han treng også hjelp til:</p><ul><li>praktiske og daglege gjeremål</li><li>transport til ulike aktivitetar med meir</li><li>personleg stell </li><li>trening</li><li> måltid</li><li>nytte hjelpemidlar</li><li>helseoppfylging  </li></ul><br /><h2>Me tilbyr</h2><ul><li>løn etter tariff </li><li>gode pensjons- og forsikringsordningar</li><li>ekstra laurdag og søndagstillegg (&#43; kr 10 over tariff)</li><li>gratis inngang til treningsrom i Aurlandshallen </li><li>gratis inngang til symjehallen </li><li>bli ein del av ein triveleg arbeidsplass der arbeidsmiljø står i sentrum </li><li>barnehageplass i Aurland barnehage </li></ul><p>Sjå gjerne informasjonsbrosjyre om kommunen vår <a href="http://www.visbrosjyre.no/Aurland_kommune/MailView" rel="nofollow">her.</a></p><p> </p>. Video: https://youtu.be/aFXLAnqaUbI<br /><h2>Kvalifikasjonar</h2><ul><li>fagbrev helsearbeidarfaget er ein fordel, men ikkje eit krav for tilsetjing </li><li>erfaring frå arbeid i helse og omsorg er ynskjeleg</li><li>personlege eigenskapar er ein viktig del av kvalifikasjonsvurderinga for denne stillinga</li></ul><br /><h2>Personlege eigenskapar</h2><p>Me vil vektlegge gode samarbeidsevner og desse personlege eigenskapane: </p><ul><li>imøtekomande, tillitsbyggande og kan skape gode relasjonar </li><li>trygg på deg sjølv i rolla di, ansvarsfull og tolmodig </li><li>fleksibel, løysningsorientert og taklar stress i periodar </li></ul><p>Vi ser etter deg som er fleksibel, omsorgsfull, tolmodig, som ynskjer å gjere ein forskjell, og ha eit grunnleggande ynskje om å bidra til å gjere andre sin kvardag betre.</p><p>Verdiane våre er:  L-Æ-R, som står for Likeverd, Ærlegdom og Respekt.  </p><br /><h2>Løns- og tilsetjingsvilkår</h2><ul><li>tilsetting, løn og arbeidsvilkår i samsvar med gjeldande lovverk, reglement og tariffavtale</li><li>krav om politiattest etter helse- og omsorgstenestelova av nyare dato</li></ul><p>Turnusen er delt opp med dagvakter og seinvakter. Det kan også vere aktuelt med helg m/døgnvakt. Det kan vere moglegheit for å slå saman vakter slik at ein kan jobbe langvakter i vekedagar. Det kan også leggast til rette for korte vakter på helg om dette er ynskjeleg. </p><p> </p><br /><h2>Krav til språk</h2><p>Du bør kommunisere godt på norsk, både munnleg og skriftleg. Aurland kommune nyttar nynorsk som målform.</p><br /><h2>Generell informasjon om søknadsprosessen </h2><p>Aurland kommune praktiserer meiroffentlegheit og kunngjer forenkla søkjarlister til ledige stillingar. Søkjarar, som har oppmoda om at namnet blir unnateke søkjarlista, må krysse av for dette og grunngje valet i søknadsteksten. Me tek kontakt med søkjarar som har bedt om dette, dersom me meinar at grunngjevinga ikkje er tilstrekkeleg. </p><p>Mangfald kan gje oss eit breiare perspektiv. Medarbeidarar med ulik livserfaring og fagkombinasjonar kan gjere oss i stand til å finne gode løysingar i kommunen vår. Me oppfordrar derfor alle til å søke jobb utan omsyn til alder, kjønn, funksjonsevne eller etnisk bakgrunn. Du er også velkomen til å søke sjølv om du ikkje kan syne til ei samanhengende yrkeskarriere. </p><p>Me ynskjer deg velkomen som arbeidssøkar i Aurland kommune.</p><p>NB! Me overfører tilsette direkte til lønsystemet vårt, det er difor veldig viktig at du skriv namnet ditt slik det er registrert i folkeregisteret når du søker stilling, samt at du skriv med stor forbokstav.</p><br />

Personleg assistent